Kenet 27:2 - Bibilia Buk na Ŋun nagon koti luŋu a

² A se gwo ’de ki ko Mose i komor, ko koane Elejara i komor, ko i komor na ŋutu lokukwön se ko na momoret liŋ, i kötumit na kemia torumet, a kulyani adi,

Kenet 27:2 ပူးပေါင်းရင်းမြစ်များ

Ejira 7:5

ŋuro lo Abisua, ŋuro lo Pinasa, ŋuro lo Elejara, ŋuro lo Arona koane duma.

Kenet 27:1

A ŋwajik wate ti Selopekada miju nyona. Selopekada a ŋuro lo Keper, ŋuro lo Gilada, ŋuro lo Makir, ŋuro lo Manase, i midijik ti Manase ŋuro lo Yosepa. A karin ti ŋwajik kanyit nawate gwe a ko Makela, ko Noa, ko Ogela, ko Mileka, se ko Tiresa.

Kenet 27:21

A nye mo gwo ’de ko koane Elejara i komor, a koane mo galakiŋdye nye kulya kanyit ko MATAT i komor gwoso i ’duget na Urim; a ko lepeŋ a kulya adi, Iti ta, a se ködyö iti kaŋo, a ko lepeŋ a kulya adi, Lupöni ta, a se lupöni lukata, kweja adi Yosua se ko momoret liŋ na ŋutu ti Yisaraele.

Kenet 27:3

Monye likaŋ a twakin i yöbu; a nye gwe ’bayin i kiden na pepenet na ŋutu lo pepenakiŋdya ’börik ko Korak kase kiden i rerenya ko MATAT kulu, ama nye aje twan kogwon toron nanyit; a nye gwe ’bak ŋuro lulalet.

Kenet 36:1

A kusik ti kötumit na merenyejin ti midijik ti ŋwajik ti Gilada, logon a ŋuro lo Makir, ŋuro lo Manase, logon a ti kötumitön ti ŋwajik ti Yosepa kulo miju nyona, a kulyani ko Mose i komor, ko i komor na temejik logon a kusik ti kötumitön ti merenyejin ti ŋutu ti Yisaraele;

Kenet 9:6

A kulye ŋutu gwe kata logon a lut i kulya ti keri kogwon se a ’bo ’yu öpu na nuto lo twan, a se tine bulö koŋdya rorwe lo Pasaka i ŋilu lor; a se poŋdi ko Mose se ko Arona i komor i ŋilu lor.