Kenet 2:2 - Bibilia Buk na Ŋun nagon koti luŋu a

² ŋutu ti Yisaraele ködyö ’beggu kemialan kase a kötumitön ko beretan kase, se ko kweyesi ti kötumitön ti merenyejin kase; a se ’bikikiŋdye kemialan kase i swötön liŋ komora kemia torumet.

Kenet 2:2 ပူးပေါင်းရင်းမြစ်များ

Saumajin 74:4

Merok kulök aje rumön i kiden na ŋirit momoret inot; se aje ’bi ’yu beresi kase anyen kwekindya adi se a te ’ya.

Saumajin 76:11

Tindi ta MATAT Ŋun losu ŋo nagon ta a milyekin lepeŋ kune; ta ŋutu ti jurön liŋ logon gwon kanyit nyona kulo, jakindye ta lepeŋ ’dokesi. Leŋeŋ kukujönörikin.

Yisaya 12:6

Ta lo si ’da Siona kulo, maraŋgi ta ko gwililije ta kogwon lyöŋön, kogwon Ŋilu Loke lo Yisaraele a duma kasu kiden.

Yisaya 18:3

Ta ŋutu liŋ ti kak ’bukuluŋ, ta logon sisi ’da i na kak, ko nene beret a ’biliki ki i merya, meddi ta! a ko tore lo kuta, yiŋge ta!

Ejikele 43:7

a ŋilo gworo takiŋdye nan adi, Ŋuro lo ŋuto, na a pirit na si ’daet nio na tumatyan, ko a pirit nio nagon nan gwogwo ’di ’e, nagon nan mo gwo-gwolorgi i kiden na ŋutu ti Yisaraele ŋupi na. A ma ’di lepeŋat kode moran kase mo köti tine köŋu karin kwe ko towutön nase se ko öpuö ti moran kase.

Jakaria 9:16

A MATAT ŋun lose mo lwöggi se i ŋilu lor kogwon se a teŋ na ŋutu kanyit; a se mo mimilyaŋti kanyit i jur gwoso jibia ti kwe.

Kenet 1:50

ama wuluŋdye Lewijin i meddya na kemia na gurupö tökoresi se ko tito kanyit liŋ, ko ŋo liŋ nagon a kanyit. Kita nase gwon a ’doggu na kemia se ko tito kanyit liŋ, a se mo kitani kata, a se ’beggi kemialan kase lo lorga ŋinu kemia.

Kenet 10:14

A beret na mera na ŋutu ti Yuda yuörö ŋerot a togeleŋ gwoso i teŋon kase; a Nasona ŋuro lo Aminadaba gwe a matat lo teŋ nase.

Kenet 10:18

A beret na mera na Rubena yuörö yuörö gwoso i teŋon kase; a Elisur ŋuro lo Sedeyur gwe a matat lo teŋ nase.

Kenet 10:22

A beret na mera na ŋutu ti Epuraima yuörö yuörö gwoso i teŋon kase; a Elisama ŋuro lo Amiuda gwe a matat lo teŋ nase.

Kenet 10:25

A beret na mera na ŋutu ti Dan logon a katutunak ti mukök na merajin liŋ kulo, yuörö yuörö gwoso i teŋon kase; a Akiyejer ŋuro lo Amisadai gwe a matat lo teŋ nase.

Kenet 2:1

A MATAT jambi ko Mose ko Arona adi,

Kenet 2:10

A i swöt lo loki ködyö gwe a beret na mera na Rubena gwoso i teŋon kase, a matat lo ŋutu ti Rubena gwe a Elisur ŋuro lo Sedeyur.

Kenet 2:3

A ŋutu logon ’beggu i swöt lo ’yure lo nyeruŋdye kolor lo ködyö gwe a ŋutu ti beret na Yuda gwoso i teŋon kase, a matat lo ŋutu ti Yuda gwe a Nasona ŋuro lo Aminadaba.

Kenet 24:2

A Balam ’bi ’yi konyen kanyit ki a meddi ŋutu ti Yisaraele aje ’beggu merajin gwoso i kötumitön kase; a Mulökötyo lo ŋun poki ko lepeŋ loki,

1 Korinto 14:33

kogwon Ŋun ’bayin a Ŋun logon a kadya dyaŋanit ama a Ŋun lo taliŋ. A ko gwe gwoso i kanisajin liŋ ti Ŋun,

1 Korinto 14:40

ama ti ŋo liŋ ködyö konani kona ’bura jojo.

Pilipoi 1:27

Tuŋ ti gwiliŋit losu gwe a lo jujukin i Loŋe Lo ’but lo Kristo, anyen ko nan a tu i meddya na ta, kode nan ’bayin, a nan ködyö yiŋge adi ta gwogwo ’dan go ko töili geleŋ, ko yeyeet geleŋ i möröddu i pirit na geleŋ i juŋdyö na Loŋe Lo ’but lo na yupet,

Kolosai 2:19

Ŋutu gwoso kilo a kölökiŋdyö ’depakiŋdya go ko Kristo logon a Kwe na mugun lo. Mugun liŋ nagon a tomora ko tomoresi se ko murilö na wuju riŋit ko Kristo logon a Kwe na mugun lo, a ŋina mugun ’duŋe ’duŋo gwoso nagon Ŋun ’de ’dekan na.

Yosua 3:4

Kölumbö a kwake mo kölökine i kiden nasu ko lepeŋ, gwoso i temet na lokiliŋan alipan murek; an ta mijun nyona ko lepeŋ, anyen ta deden kiko logon ta ködyö titiri ŋilo; kogwon ta a ko nyuŋ göröddu i ŋilo kiko.