Kenet 18:3 - Bibilia Buk na Ŋun nagon koti luŋu a

³ A se ködyö parakiŋdye do a kitani kitajin liŋ ti nu kemia; ama a se tine mijun nyona i tito ti pirit nake na rurwan ko i pirit ’yuret na rubaŋgajin, an se twatwa mora ko ta.

Kenet 18:3 ပူးပေါင်းရင်းမြစ်များ

Ejikele 44:13

Lepeŋat ti po köyö nyona i kitakiŋdya na nan gwoso koanejin; lepeŋat ti mijun nyona ko nene na po kwe nake na rurwan se ko i po nake parik na rurwan na totopuŋdya; kölumbö a lepeŋat mo wuji yu na kusik kogwon po na mamana nagon se a kon kune.

Kenet 1:51

A ko nu kemia ’dek toyuoji, a ti Lewijin lo lakaddi lepeŋ; a ko nu kemia ’dek ’bikiki ki, a ti Lewijin lo ’bikikiŋdye lepeŋ ki. A ko ŋuto logon ’bayin a Lewityo a mijun nyona a nye ködyö tatuani tatua.

Kenet 1:53

Ama ti Lewijin ’bikikiŋdye kemialan kase lorga kemia na ŋurupö tökoresi, an woran pokin i momoret na ŋutu ti Yisaraele; iŋkoi Lewijin lo tiju kemia na ŋurupö tökoresi.

Kenet 16:40

anyen gwon a toyeyeet i ŋutu ti Yisaraele, adi ŋuto logon a leŋe koane, kode a leŋe lo nyakwariat ti Arona, ti gwe ti mijun nyona i ’yuŋa na bökur ko MATAT i komor, an nye wora gwoso Korak ko teŋ nanyit— gwoso na kulyari MATAT ko Elejara ko Mose i kutuk nu.

Kenet 18:4

A se ködyö morakiŋdye konut, anyen koŋdya kitajin liŋ ti kemia torumet; a ŋuto logon ’bayin a Lewityo lo ködyo tine mijun kasu nyona.

Kenet 18:7

A do se ko ŋwajik kulök i pirit na geleŋ ködyö kitani a koanejin i kulya ti ŋo liŋ ti pirit ’yuret na rubaŋgajin ko i kulya ti ŋo na gwon i lukata na boŋgo koret kune; ŋina a kita nasu. Nan a ’dogga ta i kita a koanejin. Ŋuto logon ’bayin a Lewityo lo mijun nyona lo ködyö tatatua.

Kenet 3:25

a kita nagon a saraki ŋutu ti Gereson i tiju i kemia torumet na gwe a kemia, ko boŋgwat kanyit, ko mukesi ti ŋinu kemia, ko boŋgo muket na kötumit na kemia torumet,

Kenet 3:31

A kita nagon a saraki lepeŋat i tiju na gwe a saŋduk, ko misa, ko gwo ’diet lo lombojin, ko piritön ’yuresi, ko tito ti nu pirit nake na rurwan nagon koanejin kita kata nu, ko boŋgo koret; kweja adi kita na kine go liŋ.

Kenet 3:36

a kita nagon a saraki ŋutu ti Merari i tiju na gwe a baulan ti kemia, ko turya görösi, ko togwi ’diesi, ko gwo ’diesi, se ko go kase liŋ; kweja adi kita na kine ŋo liŋ.

Kenet 31:30

a ta ködyö ’dumuŋdye i swöt lo ŋutu ti Yisaraele geleŋ lo ’dumwe i merya mukanat liŋ, i ŋutu, ko i dwönin, ko i kaineki, ko i yidin, ko i kisuk liŋ, ko tiki ta se Lewijin logon a katiyuk ti kemia na MATAT kulo.

Kenet 4:15

A nagon Arona ko ŋwajik kanyit aje tutuŋgö muggö pirit nake na rurwan ko tito kanyit liŋ na yuöddi ŋutu kaŋo i mera nu, a i mukök a nyakwariat ti Kowat ködyö lo poŋdi i ’dokoddu na kine tito, ama se ködyö ti ’bo ’yu kine go nake na rurwan an se twatwa. Sekine tito ti kemia torumet nagon nyakwariat ti Kowat ’do ’dokoro kune.