Kenet 18:2 - Bibilia Buk na Ŋun nagon koti luŋu a

² A ta ködyö joŋdi luŋösurök kasu köti logon a kötumit na Lewi, kweja adi kötumit na munyi, anyen se morakiŋdya kasu i parakiŋdya na ta, i diŋit na gwoŋdi do ko ŋwajik kulök i komor na kemia na ŋurupö tökoresi nu.

Kenet 18:2 ပူးပေါင်းရင်းမြစ်များ

Suluet 29:34

Köti a nye piŋge pigga a yuŋuŋdye ŋuro lulalet, a kulyani adi, Soŋinana i na daŋ lalet lio de moruŋdya köyö ni kogwon nan a yupwekindyö lepeŋ ŋwajik lulyan musala; nyena a ŋilo ŋuro gwiyöni a Lewi.

2 Dekat 30:16

A kirut se gwo ’de kase i piriton gwoso i saresi ti Mose ŋuto lo Ŋun; a koanejin pokakiŋdye rima nagon se a wuyun ko Lewijin i könisi kune i pirit ’yuret na rubaŋgajin.

Ejikele 44:11

Lepeŋat ködyo kita i pirit nio nake na rurwan i tiju na kötumitön ti kadi nio, ko i kita köyö i kadi lukata. Lepeŋat ködyö ’duŋgö rubaŋgajin lo ’yu ’yura ’buluŋ se ko rubaŋgajin logon wuki kogwon kulya ti ŋutu, a lepeŋat ködyö gwo ’de kase i komor i kitakiŋdya na se.

Ejikele 44:15

Ama koanejin logon a Lewijin logon a nyakwariat ti Sadok, se lo tiju pirit nio nake na rurwan i diŋit na giraddi ŋutu ti Yisaraele kaŋo köyö nu; kilo ŋutu ködyö lo mijun köyö ni i kitakiŋdya na nan, a se molu gwo ’de köyö i komor anyen wukiŋdya nan lokorio nagon a welesi se ko rima. Kilo a kulyaesi kwe ti MATAT ŊUN.

Malaki 2:4

Nyena a ta mo deŋdi adi nan lo sunyukiŋdyo ta ŋilo saret, anyen tomoret nio ko kotumit na Lewi boŋo gwo ’dan go, nan MATAT lo kurumi lo kulya.

Kenet 1:53

Ama ti Lewijin ’bikikiŋdye kemialan kase lorga kemia na ŋurupö tökoresi, an woran pokin i momoret na ŋutu ti Yisaraele; iŋkoi Lewijin lo tiju kemia na ŋurupö tökoresi.

Kenet 16:40

anyen gwon a toyeyeet i ŋutu ti Yisaraele, adi ŋuto logon a leŋe koane, kode a leŋe lo nyakwariat ti Arona, ti gwe ti mijun nyona i ’yuŋa na bökur ko MATAT i komor, an nye wora gwoso Korak ko teŋ nanyit— gwoso na kulyari MATAT ko Elejara ko Mose i kutuk nu.

Kenet 17:7

A Mose petakiŋdye se ko MATAT i komor i lukata na kemia na ŋurupö tökoresi.

Kenet 18:4

A se ködyö morakiŋdye konut, anyen koŋdya kitajin liŋ ti kemia torumet; a ŋuto logon ’bayin a Lewityo lo ködyo tine mijun kasu nyona.

Kenet 3:5

A MATAT jambi ko Mose adi,

Kenet 4:15

A nagon Arona ko ŋwajik kanyit aje tutuŋgö muggö pirit nake na rurwan ko tito kanyit liŋ na yuöddi ŋutu kaŋo i mera nu, a i mukök a nyakwariat ti Kowat ködyö lo poŋdi i ’dokoddu na kine tito, ama se ködyö ti ’bo ’yu kine go nake na rurwan an se twatwa. Sekine tito ti kemia torumet nagon nyakwariat ti Kowat ’do ’dokoro kune.

Kenet 8:19

A nan iŋge tiŋdu Arona ko ŋwajik kanyit kilo Lewijin a ’doket i kiden na ŋutu ti Yisaraele, i koŋdya na kita i pirit na ŋutu ti Yisaraele i kemia torumet lukata, ko i toke ’ya na ŋutu ti Yisaraele, an twanti loron ko mok ŋutu ti Yisaraele na mijuŋdye se nyona i pirit nake na rurwan nu.

Kenet 8:22

A i mukök na kine kulya a Lewijin lupöni i kemia torumet i koŋdya na kita nase ko Arona i komor se ko ŋwajik kanyit; nyena a se konakiŋdye lepeŋat sona gwoso na saŋi MATAT Mose nu i kulya ti Lewijin.

Ebere 9:6

A nagon kine ŋo aje tetenaki sona nu, a koanejin yeŋe luŋö i koret togeleŋ na kemia i koŋdya na kitajin kase,