Kenet 15:5 - Bibilia Buk na Ŋun nagon koti luŋu a

⁵ a do ködyö teteŋdi binyo a rubaŋga ’bu ’bu-ket nagoŋ a swöt geleŋ na iŋwan na yin. Kine binyo ködyö wuki ko rubaŋga lo ’yu ’yura ’buluŋ i pirit na geleŋ, kode ko lele rubaŋga, kweja adi ŋina temet na binyo wuki ko yisi liŋ geleŋ geleŋ.

Kenet 15:5 ပူးပေါင်းရင်းမြစ်များ

2 Dekat 29:35

Nyena­gon mora ko kilo rubaŋgajin lo ’yu ’yura ’buluŋ jore parik, köti welet na rubaŋ­gajin ti taliŋ kata se ko rubaŋgajin ’bu ’bukesi a ti rubaŋgajin lo ’yu ’yura ’buluŋ. Nyena a kita na kadi na MATAT iŋge nyokoki ’bura.

Ejira 7:17

Nyena kune gurut do kodyo kitari ko tirikwet anyen gworori öwönin, ko lopijoki, ko yisi, se ko ’dokesi kase ti ’bolot ko rubaŋgajin ’bu ’bukesi kase, a do wukiŋdye se i pirit ’yuret na rubaŋgajin loki i kadi na Ŋun ilot na gwon Yerusalema yu.

Saumajin 116:13

Nan de ’dumundya diköri na gwon ko rubaŋga ’bu ’buket na, a ’dindye karin ti MATAT kogwon nye a lwöggu nan.

Yuörö 29:40

a do wukiŋdye i pirit na geleŋ ko kilolor lo kokwe swöt topuökit geleŋ na koret na ’bolot naliliŋök, nagon a ŋola ko welet na jujukö nagon a swöt geleŋ na Iŋwan na temet nagon a yin, se ko swöt geleŋ na Iŋwan na yin na binyo nagon a rubaŋga ’bu ’buket.

Koli Lo ’but Parik 1:4

Ti yi moraddi ko do, ti yi wöki i pirit na geleŋ. Mor a joŋ nan i lukata na kadi nanyit. Yi a lyöŋön ko a nyola kogwon kulya kunök; a yi mo pupurje nyaŋu inot lwölwöŋ binyo; ’diri a na ’but ko ŋutu nyanyar do.

Lewi 1:10

A ko turu ’buti nagon nye tikin a rubaŋga lo ’yu ’yura ’buluŋ a ’dumwe i yidin kata, kode i köbilu, kode i melon, a nye ködyö wukiŋdye mönik logon ’bak yuyuket;

Lewi 23:13

A ’doket na ’bolot na mora ko nye ködyö gwe a swöt topuökisi murek ti wuyit nagon a epa na ’bolot na jiö a naliliŋök a ŋola ko welet, anyen ’yuraki MATAT a ŋo na mon paleleŋ. A rubaŋga ’bu ’buket lo mora ko ’doket na ’bolot i pirit na geleŋ ködyö gwe a swöt geleŋ na Iŋwan na temet nagon a yin na binyo.

Lewi 3:6

A ko rubaŋga lonyit logon ’du-ŋöki MATAT a lo taliŋ lo a turu ’buti lo ’dumwe i teŋ na yidin, kode a mönik, kode a nanakwan, a nye ködyö wukiŋdye lepeŋ ’bak yuyuket.

Lewi 3:7

A ko nye tiŋdu kilolor a rubaŋga lonyit, nyena a nye ködyö wukiŋdye lepeŋ ko MATAT i komor,

Jakaria 9:17

Na ŋona mo ti gwon a diŋit na ’but ko a nakwekwelen le? A teton mo pire pirön ko ’bolot, a kö ’disi mo ’duŋe ’duŋo ko binyo ludukö.

Kenet 15:11

A ködyö konani sona i dwönin liŋ geleŋ geleŋ, ko i lopijoki liŋ geleŋ geleŋ, ko i yisi mönikön liŋ geleŋ geleŋ, ko i torela ti yidin.

Kenet 15:6

Ama i kulya ti lopijot, a do ködyö tetenakiŋdye ’doket na ’bolot nagoŋ a swöt topuökisi murek ti epa na ’bolot na jiö a naliliŋök, nagoŋ a ŋola ko swöt geleŋ na musala na yin na welet;

Kenet 28:14

A rubaŋgajin ’bu ’bukesi logon wuki ko lepeŋat i pirit na geleŋ kulo ködyö gwe a swöt lo temet nagoŋ a yin na binyo a ti dwöt, ko a swöt geleŋ na musala na yin na binyo a ti lopijot, ko a swöt na iŋwan na yin na binyo a ti kilolor; ŋilo a rubaŋga lo ’yu ’yura ’buluŋ logon a lo yapala liŋ geleŋ geleŋ temba i yapala ti kiŋa.

Kenet 28:7

A rubaŋga ’bu ’buket logon wuki ko lepeŋ i pirit na geleŋ ködyö gwe a swöt geleŋ na iŋwan na temet nagoŋ a yin i yisi liŋ geleŋ geleŋ; a ta ködyö ’bukökiŋdye MATAT rubaŋga lo yawa napötwör i pirit nake na rurwan.

Pilipoi 2:17

Ta wukiŋdya Ŋun yupet nasu gwoso rubaŋga, nyena ko ködyö rima kwe a ’yalaiki kata gwoso rubaŋga ’bu ’buket, a nan ködyö nyolani nyola ko a lyöŋi lyöŋön ko ta liŋ i pirit na geleŋ.

2 Timoteo 4:6

Kogwon ru nio soŋinana aje ’buköki kak a rubaŋga, köti diŋit nagon nan wuwuddye aje ’durökin.

Ka’duŋök 9:13

Ama a ködini lo binyo pipije adi, Nan ködyö kö ’yu binyo kwe nagon tulyöŋgu ŋunyen se ko ŋutu, anyen tu wiwiŋgö ko kaden loki le?