Kenet 15:3 - Bibilia Buk na Ŋun nagon koti luŋu a

³ a ta ’yurakiŋdye MATAT ŋo, kode rubaŋga lo ’yu ’yura ’buluŋ, kode lele rubaŋga logon ta a milyekin tiŋdu, kode rubaŋga lo tupali-kan na töili, kode rubaŋgajin lo wuki i roriot kasu lo wulwe kulo anyen möara paleleŋ ko MATAT yu. Kilo rubaŋgajin ködyö ’dumwe i teŋon ti kisuk kode ti yidin.

Kenet 15:3 ပူးပေါင်းရင်းမြစ်များ

Suluet 8:21

A MATAT moji möet na paleleŋ; a MATAT kulyani kanyit i tö ili adi, Nan mo ti seŋdya kak Köti kwöŋ kogwon kulya ti Ŋutu, kogwon ŋo liŋ na yeye töilyet kase ko na kakatim se kune a narok suluja i tolupudien nase; a nan mo Köti kwöŋ tine tukaŋu ŋo liŋ lo gwon jörun, gwoso na koŋdi nan nu.

Ejira 7:17

Nyena kune gurut do kodyo kitari ko tirikwet anyen gworori öwönin, ko lopijoki, ko yisi, se ko ’dokesi kase ti ’bolot ko rubaŋgajin ’bu ’bukesi kase, a do wukiŋdye se i pirit ’yuret na rubaŋgajin loki i kadi na Ŋun ilot na gwon Yerusalema yu.

Saumajin 54:6

Nan mo tindu do rubaŋga lo tuŋalikan na töili; nan mo ŋuŋuŋa do ’dindya karin kunök ŋon MATAT, kogwon do a lo ’but.

Yuörö 29:18

a do ’yuŋe lopijot liŋ i ŋina pirit ’yuret na rubaŋgajin; ŋilo a rubaŋga lo ’yuraki MATAT ’buluŋ; nye a ŋo na mon paleleŋ nagon ’yuraki MATAT.

Yuörö 29:25

a kirut do ’dumuŋdye se kase i könisi, a ’yuŋe se i pirit ’yuret na rubaŋgajin i rubaŋga lo ’yu ’yura ’buluŋ loki, anyen möara paleleŋ ko MATAT yu; ŋilo a rubaŋga lo ’yuraki MATAT.

Yuörö 29:41

A do wukiŋdye lele kilolor lo i sömukö, a do ködyö wukiŋdye lepeŋ ko ’doket na ’bolot se ko rubaŋga ’bu ’buket lonyit gwoso na wukiŋdye do i ko ’bure na, anyen mon paleleŋ, ŋilo a rubaŋga logon a ’yuraki MATAT ’buluŋ.

Lewi 10:13

ta ködyö nyesu lepeŋat i pirit nake na rurwan, kogwon a koret inot ko a koret na ŋwajik kulok i ŋo lo ’yuraki MATAT kulo; kogwon nan a saraki sona.

Lewi 27:2

Kulyani ko ŋutu ti Yisaraele adi, Ko lele ŋuto a nyesu milye adi nye ’dek tiŋdu MATAT kulye ŋutu i gwon a kanyit, a ti do kenakiŋdye lepeŋ gurut dakesi ti kilo ŋutu.

Lewi 7:16

Ama ko rubaŋga lo wukin nye lo a rubaŋga lo milye, kode logon wuki ko tupalikan na töili lo, ködyo nyeni i lor logon nye wukiŋdye rubaŋga lonyit lu, a ŋo nagon a pituŋdyö kata kune nyeni i ko ’bure,

Kenet 28:27

ama a ta ködyö wukiŋdye rubaŋga lo ’yu ’yura ’buluŋ anyen möara paleleŋ ko MATAT yu, logon a dwönin lo ’di ’dik murek, ko lopijot geleŋ, ko yisi buryo logon ko kiŋa geleŋ;

Kenet 29:8

Ama a ta wukiŋdye MATAT rubaŋga lo ’yu ’yura ’buluŋ anyen möara paleleŋ. Ŋilo rubaŋga a dwöt lo ’dit geleŋ, ko lopijot geleŋ, ko yisi mönikön buryo logon ko kiŋa geleŋ, logon ta a met adi se ’bak yuyukesi;

Kenet 6:15

ko kupö lo ambatajin nagoŋ ’bak kape ko a ŋola ko welet, ko kisera nagoŋ ’bak kape ko a welaki welet loki, se ko ’doket nase na ’bolot ko rubaŋgajin kase ’bu ’bukesi.

Matayo 3:17

mete, a gworo lo kuu ki yu adi, ŋilo a pilili liŋ lo Ŋuro lo nyanyara, logon nan a lyöŋgi parik lo.

2 Korinto 2:15

Kogwon yi gwon gwoso bökur logon Kristo ’yurakin ŋun, anyen möara i ŋutu logon lwölwökö ko i ŋutu logon twatwa kilo.

2 Korinto 2:16

Mon nanyit tatatu ŋutu logon twatwa kilo, ama mon nanyit jakiŋdya ŋutu lo lwölwökö kilo ru. ŋa logon jujukin ŋo gwoso kine?

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Nyökit 12:11

a mo gwe sona adi, ta ködyö joŋga ŋo liŋ nagoŋ nan a saŋi ta tojo ko nu pirit nagoŋ MATAT Ŋun losu mo wuwulun i tiŋdu na karin kanyit i gwolor yu nu; kweja adi ta ködyö joŋga rubaŋgajin kasu lo ’yu ’yura ’buluŋ, ko rubaŋgajin kasu, ko topuökisi kasu, ko ’dokesi kasu nagoŋ ta a wukin, ko ’dokesi kasu liŋ ti milye nagoŋ ta a milyekin tiŋdu MATAT kune.

Nyökit 12:17

A ta ködyö tine nyesu topuökisi ti ’bolot kasu i turön kasu, kode ti binyo kasu, kode ti weletan kasu, kode kayujin ti teŋon kasu ti kisuk ko ti yidin, kode ’dokesi kasu liŋ ti milye nagoŋ ta a milyeji kune, kode ’dokesi kasu ti tupalikan na töilyet, kode ’dokesi na wukin ta kune;

Nyökit 12:6

a ta ködyö joŋgi rubaŋgajin kasu lo ’yu ’yura ’buluŋ nyu, se ko rubaŋgajin kasu, ko topuökisi kasu, ko ’dokesi nagoŋ ta a wukin, ko ’dokesi kasu ti milye nagoŋ ta a milyeji kune ko ti tupalikan na töilyet, ko kayujin ti teŋon kasu ti kisuk ko ti yidin;

Pilipoi 4:18

Nan aje wuju ŋo liŋ ko kunie köti; nan gwe ko ŋo jore kogwon Epaporodito a tikin nan ’dokesi nagon ta a sunyun kune. Kine ’dokesi gwon gwoso rubaŋga lo mon paleleŋ logon wuki Ŋun logon nye a wu ko lyöŋön lo.