Kenet 15:16 - Bibilia Buk na Ŋun nagon koti luŋu a

¹⁶ Saret geleŋ kata ko keri geleŋ kata a losu ko a lo lwaka lo si ’da kasu kiden kulo.

Kenet 15:16 ပူးပေါင်းရင်းမြစ်များ

1 Moran 8:41

A sona köti, ko lwakatyo logon a leŋe lo ŋutu kulök Yisaraele, ko a po i jur lo pajo kogwon karin kunök

Yuörö 12:49

Saret geleŋ kata i kulya ti ŋuto lo yuŋwe i jur ko i ŋuto lo si ’da a lepetyo kasu kiden.

Lewi 24:22

Ta ködyö gwon ko saret geleŋ i kulya ti ŋuto lo si ’da a lepetyo ko i nye lo yuŋwe i jur lo; kogwon nan a MATAT ŋun losu.

Lewi 4:27

A ko lele lo ŋutu kana a toroŋdya ’bak denet i koŋdya na nene na kine ŋo nagon MATAT a sarakin adi ti kona kine, nye gwon ko toron,

Kenet 15:17

A MATAT kulyani ko Mose adi,

Kenet 35:15

A kine köjinö buker gwe a rupisi ti ŋutu ti Yisaraele, ko a ti lwaka, ko a ti ŋutu lo si ’da a lepelok kase kiden kulo, anyen ŋuto logon a boŋgöddu ŋuto i twan lo bögö wökön nyu.

Kenet 9:14

A ko lele lwakatyo mönuŋdyö kasu kiden, a ’deke konakiŋdya MATAT rorwe lo Pasaka, a ti nye koŋdi gwoso i saret lo wurö i kulya ti Pasaka ko gwoso i jujuwesi ti ŋilo rorwe; ta ködyö gwon ko saret geleŋ i kulya ti ŋuto lo si ’da a lepetyo ko i ŋuto lo yuŋwe i jur.

Yosua 8:33

A ŋutu liŋ ti Yisaraele ju ŋutu lepelok se ko komonye jur, ko temejik kase, ko dumalak kase se ko ka ’dupök kase ti putesi kulu, gwo ’de gwo ’dan i lo swöt lo saŋduk ko i lu swöt ko koanejin Lewijin i komor, logon a ka ’dokök ti saŋduk na tomoret na MATAT. A lele swöt lose gwe i komor na mere Gerrim, ko lele swöt lose i komor na mere Ebala; gwoso na saŋi Mose kölipönit lo MATAT köju nu, adi ti se ’boroji ŋutu ti Yisaraele.