Kenet 14:2 - Bibilia Buk na Ŋun nagon koti luŋu a

² A ŋutu liŋ ti Yisaraele woŋe ko Mose ko Arona; a momoret liŋ kulyani ko se adi, Ködyö a na ’but koyi ködyö a twatwa i jur lo Ejipeto! Kode ködyö a na ’but koyi ködyö a twatwa i na yöbu!

Kenet 14:2 ပူးပေါင်းရင်းမြစ်များ

Yuörö 15:24

a Ŋutu woŋe ko Mose adi, Yi möju nyo?

Kenet 16:41

A i ko ’bure nanyit a momoret na ŋutu ti Yisaraele rerenyani rerenya ko Mose ko Arona adi, Ta a tatuja ŋutu ti MATAT.

Yuörö 17:3

Ama a Ŋutu iŋge moka kure lo pioŋ nyu, a se woŋe ko Mose adi, Nyö do joŋdya yi kaŋo Ejipeto yu i tatuja na yi ko ŋwajik kaŋ, se ko toro ’bo kaŋ ko kure?

Yuda 1:16

Kilo ŋutu a kawiwinyak a tine lyoŋon i nene ŋo, lepeŋat woro i ’dekesi kase narok, a jambi kulyaesi lobot logon a ŋo kana, a ’bu ’buddye kulye ŋutu anyen ryeju nene ŋo.

1 Korinto 10:10

An ta ko wiwinya ta gwoso na wiwinyari kulye kase nu, a malaikatat Katatuanit iŋge tatu se.

Yona 4:8

A ko gwe sona na nyeruŋdye kolor nu, a Ŋun wuluŋdye köbunöt lo pape lo swöt lo ’yure, a kolor poŋi ko Yona i kwe a nye darani dara; a nye pipije adi ti nye twane twan, adi, A na ’but i twan nio lwölwöŋ gwon Jorun.

Yona 4:3

Nyen nio kapo koyö, kogwon a na ’but i twan nio Iwolwoŋ gwon jörun.

Saumajin 106:24

A se köti laundye lu jur lo ’but, se a ko yuŋ Ŋun na kulyari nye adi nye mo titin se nu.

Nyökit 1:27

a ta gwe i momo-ŋatu kasu i mera adi, MATAT a toyuuŋdyö yi kaŋo i jur lo Ejipeto i pakiŋdya na yi ko ŋutu ti Amori i könisi, i tukaŋu na yi, kogwon nye maman yi.

Kenet 11:15

Nyena-ŋon ko do ködyö ’dek konakiŋdya nan sona, bögö ko nan ködyö a ryö ’busan konut i komor, a ti do tatune tatu nan, anyen nan gwon ti met kine kulya kwe narok.

Kenet 11:1

A ŋutu wiwinyani wiwinya ko wiwinyesi narok a MATAT yi-yiŋga; a MATAT ko yiŋge kine kulya a woran nanyit rö ’yi rö ’yu, a kimaŋ na MATAT tuleki kase kiden, a iŋge totum kunie ’dutesi ti mera.

Saumajin 106:45

A nye yiyiundye tomoret nanyit na milyekin nye lepeŋat nu, nyena kogwon nyaŋu nanyit a duma parik a nye gwe a ko kon ŋo nagon nye a yeye kondya na.

Eyobo 3:11

Ko nyo nan a ko twan na yuŋwe ’i nan nu? Ko nyo nan a ko karan na lupe ’i nan kaŋo koyaŋgo i pele nu?

1 Moran 19:4

Ama a nye lo lwöŋöddi geleŋ i yöbu na sese nagon jölö nanyit a lor geleŋ, a nye iti tu a si ’dakine i ’bukuli mukök; a nye momo ’yi momo ’yu adi ti nye twane twan, kulya adi, Aje jo; soŋinana ŋon MATAT, joŋgi ru nio kaŋo; nan ’bayin a lo ’but lwölwöŋ merenyejin kwe.

Ebere 3:16

Nyena nan pija ta adi, Ko pa logon a yiŋga gworo lo Ŋun a iŋge rerenya? Kweja adi kilo a ŋutu liŋ logon Mose a jon kaŋo Ejipeto yu kulu.

Kenet 11:5

Yi a yiyi-uŋdyö somot na nyö yi Ejipeto nyu kunu ’bak ropet, ko kiar, ko batiak, ko kurut, ko basala, se ko basala tum;

Kenet 14:1

A momoret liŋ luluöddi ki; a ŋutu gwine gwien lu tukwaje.

Kenet 14:22

kulu ŋutu liŋ logon a met minyo liŋ, ko kweyesi kwe na kon nan Ejipeto ko i yöbu yu kunu, logon a temba nan daŋin puök a gwe a ko yiŋ gworo liŋ kilo,

Kenet 16:13

Ŋina a ŋo na ’dit le nagoŋ do a toyuuŋdyö yi kaŋo i jur logon le ko siwatat ’do ’dokon kata lu; anyen ko tatuja yi i yöbu, a do köti ’duŋökiŋdye mugun a matat kayaŋ ŋerot?

Kenet 20:3

A ŋutu kulo woŋe ko Mose adi, Bia nagoŋ yi köju a twatwa na twatwaji luŋasirik kaŋ ko MATAT i komor nu!

Kenet 20:4

Ko nyo ta a tuwöruŋdyö pepenet na MATAT i na yöbu anyen ko twatwa ni yi ko toro ’bo kaŋ?

Kenet 21:5

A ŋutu jambi arabat i kulya ti Ŋun ko Mose adi, Nyö ta a joŋdya yi kaŋo i Ejipeto anyen ko twatwa i yöbu? Kogwon kinyo ko pioŋ ’bayin, a kamulak kaŋ tine ’dekan ŋilo kinyo logon ’bak ’bulit.

Saumajin 106:25

Ama a se morani kase i kemialan lukata, a tine yiŋga gworo lo MATAT.

Yuörö 14:11

a se pipije Mose adi, Do a joŋdya yi kaŋo anyen yi ko twatwa i yöbu kogwon gulömö ’bayin Ejipeto yu le? Ko nyo do a konakiŋdya yi sona i joŋdya na yi kaŋo i Ejipeto yu?

Kenet 17:6

A Mose kulyani ko ŋutu ti Yisaraele; a kimak kase liŋ tiŋdi lepeŋ turya, matat geleŋ tiŋdu ture geleŋ, gwoso i kötumitön ti merenyejin kase, kweja adi turya puök wot murek; a ture lo Arona gwe i kiden na turya kase.

Kenet 20:2

A pioŋ gwe ’bayin nagoŋ tiki nu momoret, a se momorakiŋdye ’börik i pirit na geleŋ i ŋisa ko Mose ko Arona.

Nyökit 9:23

A i diŋit na sonyoddi MATAT ta Kadesa-barenea nu kulya adi, Iti ta ko morgi ta lu jur logon nan a tikin ta lu, a ta renyani saret lo MATAT Ŋun losu, a ta tine yuŋ lepeŋ kode yiŋga gworo lonyit.