Nyenagon a kita liŋ na nu kemia torumet iŋge tutuŋö ajo sona; a Ŋutu ti Yisaraele iŋge koŋdya ŋo liŋ gwoso na sarakiŋdye MATAT Mose nu; iŋkoi, a se iŋge koŋdya.
Ama ti Lewijin ’bikikiŋdye kemialan kase lorga kemia na ŋurupö tökoresi, an woran pokin i momoret na ŋutu ti Yisaraele; iŋkoi Lewijin lo tiju kemia na ŋurupö tökoresi.
Nyena a ŋutu ti Yisaraele koŋdi gwoso i ŋo liŋ na sarakin MATAT Mose kunu, kweja adi se a ’bikikiŋdyö kemialan kase sona ko beresi kase nyona, a se yuöro koŋa sona, ŋutu liŋ geleŋ geleŋ gwoso i midijik kase, ko gwoso i kötumitön ti merenyejin kase.
A Mose ko Arona ko momoret liŋ na ŋutu ti Yisaraele konakiŋdye Lewijin sona: iŋkoi a ŋutu ti Yisaraele konakiŋdye se gwoso i ŋo liŋ na saŋi MATAT Mose i kulya ti Lewijin kunu.
A ŋutu tu Yisaraele yeŋe si ’da i mera a tine ŋiörö, kode luru a karakin i si ’da i loki na kemia perok murek, kode a yapa, kode lwölwöŋ yapa; ama ko nye a wusaji ki a se ŋiörö ŋiörö.
A se koŋdi rorwe lo Pasaka i yapa togeleŋ, i perok puök wot iŋwan ti yapa i sömukö, i yöbu na Sinai; a nutu ti Yisaraele koŋdi gwoso i ŋo liŋ na saŋi MATAT Mose kunu.
A Samuele pije adi, MATAT ŋona bubulö lyöŋön ko rubaŋgajin lo ’yu ’yura ’buluŋ ko lo ’du ’duŋö kilo kwölwöŋ lyöŋön nanyit ko ŋutu a twöju gworo lonyit le? Mete, twöju a na ’but lwölwöŋ rubaŋgajin, yiŋga a na ’but lwölwöŋ welet na lopoŋoki.