Jakaria 5:4 - Bibilia Buk na Ŋun nagon koti luŋu a

⁴ A MATAT lo kurumi kulyani adi, Nan aje sonyoro lomit, a ŋina lomit mo luponi i kadi na kolanit, se ko i kadi na ŋuto logon a milyeju a wuya kana i ’diŋdya na karin kwe ti MATAT; a lomit mo si ’dani kanyit kadi a tutuŋge lepeŋ, ko kaden ko ŋurupo liŋ.

Jakaria 5:4 ပူးပေါင်းရင်းမြစ်များ

Eyobo 18:15

A ŋutu logon ’bayin a kanyit si ’dani kanyit kadi, a pisek nagon gwoso kurök kwi-kwiyöni i pirit nanyit si ’daet.

Eyobo 20:26

A mudwe logon adi ’dii mö-möŋdi lepeŋ, a kimaŋ nagon a ko kuta mo totumbe lepeŋ; a ŋutu logon a pituŋdyö kanyit kadi kulo mo noke nokan asut.

Eyobo 8:15

Lepeŋ tikö ko kadi nanyit ama a nu kadi tine bulö gwo ’dan go; a nye morgi lepeŋ ama a ’bakani ’baka.

Eyobo 8:22

A kamanak kulok mo gwe ko yu na kusik a duma parik, a midijik ti ŋutu lorok mo liki likin asut.

Tolupesi 3:33

MATAT lömbu kadi na ŋuto loron, a nye ’boroji pirit na si ’dari ŋuto lo rigwo na.

Yisaya 24:6

Nyenagon a kak iŋge senya a tutuŋoni tutuŋö, a ŋutu lo si ’da kata kulo iŋge ŋoŋga kogwon toronjin kase; a ŋutu ti kak ’yurani ’yura, a ku ’dik lo pituŋdye.

Yeremia 2:26

Kolanit gwon ko yu na kwe i diŋit nagon ko nye a moka, nyenagon ŋutu ti kötumit na Yisaraele, ko moran kase, ko koanejin kase, se ko nebijin kase mo gwon ko yu na kusik.

Osea 4:2

tuŋ gwon a milyeju, ko ’burönö.ko torem, ko koko ’ya, se ko toluŋ; Lepeŋat koŋdya ŋo narok nagon a lwoŋgu i tatuaddu na ŋutu.

Osea 4:3

Ko ŋina kwe Jur dedelya, a ŋutu liŋ lo si ’da i lukata nanyit kulo tomunyane tomunyan, koti a kijakwa ti mu ’diŋ se ko kwen ti ki worani a lomunyak, a ma ’di somot ti kare ’du ’dumani kaŋo.

Amosa 3:10

MATAT a kulya adi, kilo a ŋutu lo ’de ’ya ’bulit nagon se a ryöun i ŋonyan ko i ryaggu, a tiŋdi se i kadijik kase ti tumatyan kilo, lepeŋat a ko den koŋdya ŋo nagon a na ’but.

Jakaria 5:3

A nye kulyani ko nan adi, ŋina a lomit nagon lorga lo jur ’buku-luŋ; kogwon ŋutu liŋ logon a koko ’ya kulo mo ’duŋoji kaŋo gwoso i wuresi ti swot geleŋ lo ŋina waraga, a ŋutu liŋ logon a milyeju a wuya kana mo ’du-ŋojine kaŋo gwoso i wuresi ti lele swot lo ŋina waraga.

Jakaria 8:17

an ta ko yeyeju ta kulya narok kasu i töilyet i kiden nasu, an ta ko nyaŋu ta milye logon a wuya kana, kogwon nan maman kine ŋo liŋ, nan MATAT lo kulya.

Malaki 3:5

Nan MATAT lo kurumi lo kulya adi, Nan mo mimijoro kasu nyona i ’duŋgo na putet; a nan mo gwe ajo i tökoŋu arabat kulya ti ka ’demak, ko ti kalupok, ko ti kamilyok logon milyeju a wuya kana kilo, ko ti karudak ti ŋutu lo roröpaki kita, ko ti karudak ti karu ’be-jin, ko ti karudak ti kikijiko, ko ti se lo dukaddu ŋutu logon a lepelok kilo. Kilo a ŋutu logon ti kujono nan.

Nyökit 28:16

A ta mo lömöni lömö köji kata, köti a ta mo lömöni lömö i meleseŋo.

Nyökit 7:26

A ta ködyö tine joŋdya nene ŋo na mamana kasu i kadijik, an ta ko tukara asut gwoso nye; a ta ködyö paji lepeŋ, a maŋdi lepeŋ asut; kogwon nye gwon a ŋo nagoŋ agu ködyö tukara asut.

Yosua 9:20

Yi de konakin sesona, a kölökiŋdye se jörun, an woran nanyit koŋokin kayaŋ loki, kogwon kulya ti milye logon yi a milyekin se lo.