Epeso 5:4 - Bibilia Buk na Ŋun nagon koti luŋu a

⁴ Köti ko jambu ta jamesi ti yu na kwe, kode jamesi logon a wuya kana, kode kwekweni nagon a ’dö ’doyit, kogwon kine kulya ti jukin jama, ama kölumbö tiŋdi ta Ŋun tinate.

Epeso 5:4 ပူးပေါင်းရင်းမြစ်များ

Saumajin 33:1

Ta ŋutu lo rigwo, lyöŋi ta ko MATAT; ŋutu lo gwon gwogwo i töilyet kilo ködyö ŋuŋuŋa lepeŋ.

Saumajin 92:1

Gwon a na ’but parik i tindu na do MATAT tinate; do Katoŋanit lo ki liŋ, a na ’but i yulukindyö na do puresi ’dindya karin kunök.

Tolupesi 12:23

Ŋuto lokoŋ muggö dendya nanyit, ama a töilyet ti ŋutu lu ’böŋ laŋe tu ’böŋön nase.

Tolupesi 15:2

Ŋuto lokoŋ kitari koŋon nanyit ’bura i jambu, ama ŋutu lu ’böŋ rurutundya ’böŋön kaŋo.

Katokuönit 10:13

Kulyaesi suluesi lo jam nye kulo a tu ’böŋön, a ’dutet na jamesi kanyit gwe a tumalyan naron.

Daniele 6:10

A nagon Daniele aje den adi waraga na ŋilo saret aje tanyaki könin nu, a lepeŋ iti kanyit kadi nagon kulupitan ti koŋilore nanyit na tetenaki diraddu i swöt lo Yerusalema kunu gwon ŋa; a lepeŋ gwe i rugwuŋö kak daŋin musala temba i lor a gwe i kwakwaddu ko i pupurja na Ŋun lonyit gwoso na yeŋ na.

Marako 7:22

ko goma, ko konesi narok, ko mumulugga, ko koŋdya ŋo ti yu na kwe aka, ko ki ’dem, ko jamaddu na karin ti ŋutu arabat, ko ’du ’duŋga, se ko tubaman.

Yoane 6:23

Nyenagon a ki ’bojin lo po Tiberia kulo ’dure i pirit nagon MATAT aje tiŋdu Ŋun tinate a ŋutu iŋge nyesu ambatajin kata nu.

Roma 1:28

Nyena kogwon lepeŋat yeyeju adi ’bulit ’bayin i deŋdya na Ŋun, a Ŋun pakiŋdye se i yeyeesi nagon ’bak ’bulit anyen se koŋdya ŋo nagon se ködyö ti jukin koŋdya kune.

2 Korinto 1:11

Ta koti kodyo gagarakin yi i kwakwasesi kasu. Nyena a ŋun mo ruŋge kwakwasesi ti ŋutu jore kogwon kulya kaŋ i ’boroja na yi, a ŋutu jore mo pupurje lepeŋ kogwon kulya kaŋ.

2 Korinto 9:15

Tinate lo Ŋun kogwon ’doket nanyit a duma parik nagon ŋutu ti bulo jambu kulya kanyit na!

Epeso 1:16

nan a ko jaran tiŋdu Ŋun tinate kogwon kulya kasu, i ’diŋdya na ta koyo i kwasesi.

Epeso 4:29

Ti kulyaesi logon a lut gwe ti lupe kaŋo kasu i kutusen, ama tuŋ jambi ta kulyaesi lo ’but logon jojo parakiŋdya ŋutu gwoso nagon ködyö jujukin jama i diŋit nase na, anyen ŋutu lo yiŋga kilo kulyaesi kulo böŋö ryeju ŋo na ’but.

Pilipoi 4:6

An ta ko wiwinya ta i nene ŋo, kölumbö pipije ta Ŋun i ŋo liŋ nagon ta ’de ’dekan i kwakwaddu nasu na lepeŋ, ko i momo ’yu nasu ko i tiŋdu nasu na lepeŋ tinate.

Kolosai 3:8

Nyenagon soŋinana paji ta kine ŋo liŋ, kweja adi, ŋoma, ko woran ’de ’de, ko maŋdu, ko liŋikiŋdyo, se ko kulyaesi lut logon tiŋdu kusik ti ŋutu i yu.

1 Tesalonike 3:9

Yi bubulö pupurja Ŋun ada kogwon kulya kasu, kogwon lyoŋesi liŋ na lyöŋgi yi ko Ŋun likaŋ i komor kogwon kulya kasu kine?

1 Tesalonike 5:18

Tiŋdi ta tinate i ŋo liŋ, kogwon ŋun ’de ’dekan ta koŋdya sona ko Kristo Yesu i mugun.

Pilimona 1:8

Nyenagon ko ŋina kwe, gwoso na gwoŋdi nan ko Kristo i mugun na, nan a purutat i sarakiŋdya na do ŋo nagon kodyo kokona,

Ebere 13:15

Nyenagon kogwon kulya ti Yesu, ti yi ŋupi wukiŋdye Ŋun rubaŋga pupuret logon lupuŋdyö kayaŋ i kutusen i ’diŋdya na karin kanyit.

2 Petero 2:18

Lepeŋat jajambu kulyaesi lobot logon a po kana i lulukuŋdya na ŋutu logon pete rwoddu i gwiliŋit lo tupaganon kilo, a teteŋdi ’dekesi narok ti mugun se ko konesi ti yu na kwe a meyi.

2 Petero 2:7

Ama a nye lwöggi Loto logon a ŋuto lo rigwo, logon dedelya parik ko konesi ti yu na kwe na kon ŋutu lorok aka kune.

Yuda 1:10

Ama kilo nutu momoröju ŋo nagon se ti kurun kune, ama tuŋ deŋdya nase na po gwon gwoso na gwolorgi kijakwa nagon ti den kulya, a kine ŋo na tukaŋi se.

Yuda 1:13

Lepeŋat gwoso yalajin ti tor logon ya ’yu ko riŋit, a kobuŋe konesi kase nagon toyuuŋdyo kwe gwoso na kobuŋe pioŋ a gwe a ko ŋuto na. Lepeŋat gwoso kaser logon woro abur, logon pirit nagon a mudwe adi ’dii a wuloki lepeŋat ŋupi ŋupi.