Epeso 5:3 - Bibilia Buk na Ŋun nagon koti luŋu a

³ Ta ködyö kwöŋ ti jambu kulya ti towutön, ko ti konesi narok ka ’de ka ’de nagon toyujö kusik ti ŋutu se ko goma, kogwon kine kulya ti jukin ŋutu ti Ŋun i jambu na se.

Epeso 5:3 ပူးပေါင်းရင်းမြစ်များ

Saumajin 10:3

Kogwon ŋuto loron bu ’ya ’dekesi ti toili lonyit, lepeŋ a kagomanit a iŋge renya MATAT ko a moru lepeŋ.

Saumajin 119:36

Löŋukundye töili lio i todinesi kunök, ti gwon i bebeleja na tukwörien!

Yuörö 18:21

Nyenagon wuluŋdye Ŋutu i kiden na kilo Ŋutu liŋ logon a mirya i teteŋdya na kulya, logon kukuk Ŋun, logon a Ŋutu ti to ’diri, logon maman po na ropaki a lwön. Tiŋdi Ŋutu gwoso kilo i gwon a kasarak ti Ŋutu aliŋan, ko ti miajin, ko ti merya mukanat se ko ti puök.

Yuörö 20:17

Do ködyö ti be ’ya kadi na marate ilot; do ködyö ti be ’ya narakwan na marate ilot, kode köliŋönit lonyit, kode köliŋönit nanyit, kode dwöt lonyit, kode kaine nanyit, kode nene ŋo na gwon ko marate ilot.

Yuörö 23:13

Yiŋe ta po liŋ nagon nan sarakin ta kine; ko ’diŋdya ta karin ti kulye punyen, iŋkoi, ti ta gwe ti jambu se.

Tolupesi 28:16

Kasaranit logon ’bak kurundyö ru ’ya ŋutu parik; ama nye logon maman ’bulit na wuyu a lwön lo mo gwolor diŋit a najo.

Yeremia 22:17

Ama konyen kulök ko töili ilot tuŋ ’dekan ’bulit naŋon do ryö i kiko loron, a do tuŋ ’deke ’buköddu rima na mamapa, a do köti ’deke ru ’ya ŋutu ko riŋit.

Yeremia 6:13

Kogwon suluja i lo ’di ’dik tojo ko ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Yeremia 8:10

Nyenagon a nan mo tiŋdi wate kase i kulye ŋutu, a nan mo tiŋdi meleseno kase i ŋutu logon a te ’ya jur lose kulo, kogwon suluja i lo ’di ’dik tojo i ŋutu temejik, lepeŋat liŋ gogoma parik ko ŋo nagon rye i kikolin lorok; iŋkoi, lepeŋat a kamumulukak, suluja i nebijin tojo ko koanejin.

Ejikele 33:31

A lepeŋat mo poŋdi konut ni gwoso nagon ŋuto po i meddya na nebi na, a lepeŋat mo si ’dakine konut i komor gwoso ŋutu kwe, a lepeŋat mo yiŋge ko do jambu nyo, ama a lepeŋat mo tine kon po na jam do kune. Lepeŋat kwekiŋdya nyaŋu duma ko kutusen kase kana, ama a töilyet kase gwi ’diki i po nagon mo jakiŋdya se ’bulit.

Lewi 15:18

A ko lele ŋuto a doto ko ŋuto nakwan a kula yuŋweesi na poni kaŋo kanyit i mugun, a se murek liŋ ködyö tukwöji mugunya kase, a se gwe a lut tojo ko sömukö.

Mika 2:2

Lepeŋat be ’ya meleseno, a riŋun-dye se, a be ’yi kadijik a ’dumaddi se ko riŋit; lepeŋat ru ’ya ŋutu ko midijik kase, a ru ’ye ŋutu ko kak jin kase lomoriot.

Kenet 25:1

A na si ’dari ŋutu ti Yisaraele Sitim nu, a ŋutu kulo suluje lulupujö ŋutu wate ti Moaba.

Matayo 15:19

Kogwon yeyeesi narok, ko tatuja, ko lubbö, ko towutön, ko koko ’ya, ko ’burönö, ko jamaddu na karin ti ŋutu arabat po ko ŋuto i toili kata yu.

Luka 12:15

A kirut lepeŋ kulyani ko ŋutu kulo adi, Kunyar ta, ko teŋgi ta ’borik i goma na ŋo liŋ, kogwon ru na ŋuto ti gwon i tojore na toro ’bo kanyit.

Luka 16:14

A Parusijin logon nyanyar gurut kulo, ko yiŋge kine kulya liŋ, a se kweni ’e kweni ’e Yesu ’dö ’döju.

Konesi 15:20

ama ti yi kölumbö wurökiŋdye ta lepeŋat waraga, anyen se paju kinyojin logon wuki punyen logon a nyömuejin, kogwon a toluta; köti ti se teŋgi ’börik i towutön, ko i nyesu na ŋo nagon totolo, se ko i nyesu na rima.

Konesi 20:33

Nan a ko be ’ya pödö kode dakaŋ ti lele ŋuto kode boŋgwat kanyit.

Roma 1:29

Lepeŋat a Jore ko gweyajin liŋ ti kulya narok, ko toron, ko goma, se ko töilyet lurwök. Lepeŋat a jore ko be ’ya, ko tatuja. ko mörö, ko mululugga, se ko töilyet lo pötwör. Lepeŋat a kayekak ti kulya,

Roma 16:2

Wuni ta lepeŋ ’bura i karin ti Matat, gwoso nagon ŋutu ti Ŋun ködyö kokoŋdi na, paraki ta lepeŋ i no liŋ nagon nye ’de ’deggi kune, kogwon lepeŋ a parakiŋdya ŋutu jore ju nan köti.

Roma 6:13

An ta ko tikin ta toron kulye swötön ti mugunya kasu gwoso tito kitaesi ti kulya narok, ama tiŋdi ta Ŋun ’börik kasu gwoso ŋutu lo toŋiyu i twan, tiŋdi ta Ŋun swötön ti mugunya kasu gwoso tito kitaesi ti löti lo rigwo.

1 Korinto 10:8

Ti yi gwe ti towutön gwoso na koŋdi kulye kase köju nu, a ŋuto aliŋan merya murek wot musala iŋge twatwa i lor geleŋ.

1 Korinto 5:1

’Diri ŋutu gwon i jambu adi toluŋ kata kasu kiden; ŋina toluŋ a naron ma ’di Iwolwoŋ ŋo na kon paganojin na; adi ŋuto gwon ko narakwan na monye lonyit.

1 Korinto 6:13

Ta köti kulya adi, Kinyo a lo pele, a pele gwe a na kinyo. Iŋkoi, ama Ŋun mo tutu’baka se liŋ. Mugun na ŋuto ’bayin gweki a na wutön, ama a na Matat, a Matat gwe a monye lo mugun na ŋuto.

1 Korinto 6:18

Paji ta towutön. Kunie toronjin liŋ nagon ŋutu kökon kune ti bulö morga mugunya kase, ama ŋuto logon koŋdya towutön lo, lepeŋ toroŋdya mugun nanyit.

2 Korinto 12:21

Nan kukujönö adi ko nan a ŋo kasu pini köti, a Ŋun liŋ mo tiŋdi kwe nio i yu kasu i komor, a nan ködyö gwine ko ŋutu jore logon köju aje toroŋdya a gwe a ko löpuggö töilyet i ŋo na kon se kune i gwiliŋisi kase logon a lut kulo, ko i lulupujö nase, ko i koŋdya na ŋo ti yu na kwe aka.

Epeso 5:12

Kogwon ŋo na kon se a lwön kine, ma ’di ’dinya na se toyujö kusik.

Epeso 5:5

Dene ta den ’bura adi, ŋuto logon a kalupe, kode logon koŋdya ŋo narok nagon toyujö kusik ti ŋutu, kode lo goma ŋo gwoso nye a ŋun lonyit, ŋuto gwoso ŋilo ti bulö wuju nene ŋo i Tumatyan na Kristo se ko Ŋun.

Pilipoi 1:27

Tuŋ ti gwiliŋit losu gwe a lo jujukin i Loŋe Lo ’but lo Kristo, anyen ko nan a tu i meddya na ta, kode nan ’bayin, a nan ködyö yiŋge adi ta gwogwo ’dan go ko töili geleŋ, ko yeyeet geleŋ i möröddu i pirit na geleŋ i juŋdyö na Loŋe Lo ’but lo na yupet,

Kolosai 3:5

Nyenagon tatuje ta swöton ti mugunya kasu nagon a ti na kak kune, nagon joŋdya towuton, ko tolutan, ko ’dekesi ti mugun, ko ’dekesi narok, se ko goma. (Ŋina goma gwon gwoso nye a ŋun ilot.)

1 Tesalonike 4:3

Kogwon Ŋun ’de ’dekan adi ta kodyo gwon a loke ko teteŋ ’börik i towutön.

1 Tesalonike 4:7

Kogwon Ŋun a luŋun yi i kelan ti gwon i tolutan.

1 Timoteo 2:10

ama ti se tokweleŋdi ’borik ko konesi na ’but, gwoso nagon jujukin ŋutu wate nagon tuggö adi se a ti Ŋun.

1 Timoteo 3:3

Lepeŋ agu ködyö ti gwon a kamere, kode a kagwutönit lo ŋutu, ama ti nye gwe a lokoyok, ko ti nye gwe ti gwon a kamöronit, ko ti nye gwe ti gwon a kanyaranit lo gurut.

1 Timoteo 6:10

Kogwon kulya narok jore pipiluŋdya i nyaŋu na gurut. Kulye ŋutu gwon ko pusök i ga ’yu na gurut a lepeŋat iŋge giran i yupet, a delyaesi jore soji töilyet kase.

2 Timoteo 3:2

Kogwon ŋutu mo gwon a kanyarak ti ’börik ko a kanyarak ti gurut, ko a kabulak ti kusik, ko a kapupurak ti ’börik, ko a kamomorok. Lepeŋat ti twöju kayupwök kase, ti tiŋdu tinate, a koŋdi ŋo na rurwan nagon ti kona.

Tito 1:11

Toyiŋaji kilo ŋutu, kogwon lepeŋat köŋu yeyeesi ti ŋutu liŋ lo gwon i kunie midijik, lepeŋat ’bak yu na kwe i todiŋdyo na ŋo nagon se kodyo ti todin kune anyen ga ’yu ’bulit.

Tito 1:7

Kogwon kametanit duma kodyo gwon ’bak yuyuket, kogwon lepeŋ a katiyunit lo mede na Ŋun. Lepeŋ agu kodyo ti koŋdya gwoso nagon nye ’de ’dekan, lepeŋ kodyo ti woran ’de ’de, kode gwon a kamere, kode a kamörönit, kode goma gurut.

Tito 2:3

Koti saŋi ŋutu wate nagon a temejik adi, ti se gwe gwoso ŋutu nagon kitakiŋdya Ŋun, ko ti se gwe ti gwon a kaŋöök, kode a ’dupi ti yawa.

Ebere 12:16

Kunyar ta, ti lele nuto gwe ti gwon a kaluŋönit kode i gwon ko gwilinit lonyit lo ’beron logon nye ti yeye Ŋun lo, gwoso Esau logon a tugwöŋu tukayu nanyit ko saani gelen na ’dilon.

Yosua 7:21

na meddi nan boŋgo muit nakwekwelen na Jwe Sinar i kiden na tito na ryakwe kune nu, ko sekelejin miajin murek ti podo, ko tupet na dakap nagon temuŋdya a sekelejin merya mukanat kine, a nan be ’yi be ’ya se, a ’dumaddi se; nyena mete, se kunu a ’bokaki kak i lukata na kemia nio, se ko nu podo kase lukak.

1 Petero 5:2

Yuŋge ta yidin ti Ŋun na gwon kasu kiden kine. Tiji ta se, ti gwon ko riŋaki, ama kogwon ta a wakun gwoso nagon Ŋun ’de ’dekan na. Tiji ta se ko pusök ti gwon kogwon gurut.

2 Petero 2:10

kegga se logon wöwörö i ’dekesi kase narok ti na mugun, logon a kalaak ti ’bon sara kilo. Kilo katodinok ’buronok a kipajin, koŋdya gwoso na ’deggi se na, a tine kujono momoröju teŋ na malaikajin lo bubula.

2 Petero 2:14

Konyen kase a jore ko lubbo a tine bulo kö ’yu toron. Lepeŋat togiraddu ŋutu lomunyak i koŋdya na toron. Toilyet kase a diniki goma gurut, a Ŋun iŋge lom lepeŋat.

2 Petero 2:3

A se mo lulukuŋdye gurut kasu ko todinesi ’buröno kogwon goma nase. Ama putet logon koju ’beron a ’duŋoki i lepeŋat lo momöŋdu lepeŋat. Katukaranit lose ti doto.

Kweyatti 2:14

Ama nan gwon ko kulya ku ’dik na yuyuköri do adi do gwon ko Ŋutu ŋini logon ’depakiŋdya i todinesi ti Balam. Ŋilo Balam koju lo todiŋdyö Balak anyen tiŋdu loket a na ŋutu ti Yisaraele, anyen tiŋdu lepeŋat i nyesu na kinyo logon wuki nyömuejin logon a punyen ko i koŋdya na toluŋ.

Kweyatti 2:21

Nan a tikin lepeŋ diŋit löpuket na töili, ama lepeŋ a renya löpukuŋdyö kaŋo i towutön nanyit.

Kweyatti 21:8

Ama ŋutu kujönök, ko ŋutu logon ’bak yupet, ko ŋutu logon koŋdya ŋo na mamana, ko katatuak, ko kalupök, ko kawanak. ko katwöyök ti nyömuejin, se ko ’burönök liŋ pirit nase mo gwon i tör nagon ’yuŋa a kimaŋ ko pisek. Ŋina a twan tomurek.

Kweyatti 22:15

Ama ŋutu lo gwon kaŋo kilo a ’dioŋjin, ko kawanak, ko kalupök, ko katatuak, ko kakwakwasak ti nyömuejin, se ko ŋutu liŋ logon nyaŋu koŋdya go ’burönö.

Kweyatti 9:21

A kilo ŋutu gwe a ko Iöpuggö i torem nase, ko i waŋdu na kon se ko winikö, ko i towutön nase, se ko i koko ’ya nase.

1 Samuele 8:3

Ama a ŋwajik kanyit tine wörö i kikolin kanyit, nagon a se girara i ga ’yu na tukwörien; a se wuji ’dokesi na ropaki a lwön, a kökörö-ji liliet na putesi.