Epeso 4:3 - Bibilia Buk na Ŋun nagon koti luŋu a

³ Mulökötyo Loke a momora ta anyen ta gwon ko töili geleŋ. Gwe ta ko pusök i gwon taliŋ ko ’börik kogwon taliŋ to ’depakiŋdya ŋutu i pirit na geleŋ.

Epeso 4:3 ပူးပေါင်းရင်းမြစ်များ

1 Moran 16:21

A ŋutu ti Yisaraele koŋi a teŋon murek; a nene teŋ kepoddi Tibini ŋuro lo Ginat anyen tiŋdu lepeŋ a mor, a nene teŋ na kepoddi Omiri.

Yuörö 28:32

a nye ködyö gwe ko dili roset na kwe i kiden nanyit, a nu dili to ’dikiöni ko pata na gwegweya, gwoso i nene roset na boŋgo, an ko kerenya.

Katokuönit 4:12

Ko ŋuto gwon geleŋ miriku lonyit tete lepeŋ, ama ko se gwon murek se bubulö te ’ya. Pata nagon a ŋudula musala na ti bulö gindya ’de ’de.

Marako 3:24

Ko ködyö tumatyan a koŋa mugun, ŋina tumatyan ti bulö yeŋon a tumatyan.

Yoane 13:34

Nan lo tiŋdu ta saret ludukötyo adi, tunyare ta tunyar ko ’börik. Tunyare ta tunyar gwoso na nyaŋi nan ta na.

1 Korinto 1:10

Nyena luŋasirik, nan mo ’yu ta i karin ti Matat likaŋ Yesu Kristo, toruköki ta ko ’borik i ŋo na jam ta kine, anyen ta gwon ti koŋa ko ’borik. Gwe ta a ŋo geleŋ ko toili geleŋ ko yeyeet geleŋ.

2 Korinto 13:11

Luŋasirik, nan gwe ’bak kunie kulya jore nagon nan jajam, gwe ta ’bura. Moŋi ta moru anyen ta boŋo gwon a jukin; yiŋge ta jujuwesi kwe; torukoki ta torukökin ko ’borik; gwolore ta ko taliŋ; a Ŋun lo nyaŋu logon taliŋ gwon ko lepeŋ lo mo gwe ko ta.

Epeso 4:13

tojo i ’dutet yi lio a wora a ŋo geleŋ. Gwon nikaŋ a ŋo geleŋ po kogwon yubbö nikaŋ se ko deŋdya nikaŋ na Ŋuro lo Ŋun. A kirut yi mo poŋdi a ŋutu lo wora lo gwon jojo to Jowet nikaŋ gwon a Kristo logon aje wora i ŋo liŋ jojo asut lo.

Epeso 4:4

Mugun geleŋ kata, Mulökötyo geleŋ kata, gwoso nagon Ŋun a luŋgi ta i parundya na ŋina yenet na geleŋ na;

1 Tesalonike 5:13

Nyena twöji ta se bia parik ko nyaŋu kogwon kita na kon se na. Gwe ta ko taliŋ ko ’börik.

Ebere 12:14

Ti töilyet kasu juŋe gwon taliŋ ko nutu liŋ, ko ti juŋe gwölön ko gwiliŋit Iŋke, kogwon ko gwilinit loke ’bayin nuto ’bayin lo meddya Matat kwöŋ.