Epeso 4:1 - Bibilia Buk na Ŋun nagon koti luŋu a

¹ Nyenagon nan logon a rereka kogwon kulya ti Matat likaŋ lo, nan mo ’yu ta anyen ta böŋö wörö jojo i luŋit nagon a luŋuri ta na.

Epeso 4:1 ပူးပေါင်းရင်းမြစ်များ

Suluet 17:1

A nagon Abarama gwe kökiŋajin merya buŋwan wot buŋwan nu, a MATAT puköki ko lepeŋ, a kulyani ko lepeŋ adi, Nan lo gwon a Ŋun Kabulönit lo ŋo liŋ; wöröni köyöi komor, ko gwe do a loke ’bak yuyuket.

Suluet 5:24

a Enoka wöröni ko Ŋun; a kirut a lepeŋ gwe ’bayin kogwon Ŋun a joŋga lepeŋ.

Yeremia 38:20

A Yere­mia kulyani adi, Do mo ti wuki lepeŋat. Böŋö yiŋge gworo lo MATAT i ŋo nagon nan jamakin do kune, a kulya kunök mo gwe ’bura, a do mo tine tatua.

Konesi 9:31

Nyenagon i ŋinu diŋit a kanisa gwe ko taliŋ i Yudaya ’bukuluŋ, ko i Galilaya, ko i Samaria, a iŋge gweye ki; a se ŋdine obi, a se gwolore i kugga na Matat a iŋge togolo ko Mulokotyo Loke.

Roma 11:29

Kogwon Ŋun ti löpuggö yeyeesi kanyit ko lepeŋ a luŋgu ŋuto a iŋge ’dogga lepeŋ.

Roma 12:1

Nyenagon luŋasirik kwe, ko-gwon Ŋun a won konyen koyi, nan mo ’yu ta anyen ta wukiŋdya lepeŋ mugunya kasu gwoso rubaŋga loke, ti gwon i tatua, ama anyen gwon jörun i tulyöŋgu na lepeŋ.Ŋina a twöju gwak nagon ködyö lupuŋdyö kasu i töilyet.

1 Korinto 4:16

Nyenagon nan mo ’yu ta, böŋö mirakiŋdye ta nan.

2 Korinto 10:1

Nan Paulo ko mugun nio mo-mo ’yu ta. Ta yuyuggö nan adi nan a lokoyok na gwoŋdi nan kasu kiden na, ama na gwoŋdi nan pajo nu, a nan gwe a purutat kasu. Nan mo ’yu ta i pele ŋoto na Kristo se ko i toili lonyit lo lilik,

2 Korinto 5:20

Nyena yi a gworolo ti Kristo, gwoso nagon Ŋun ko mugun nanyit lo mo ’yu ta kayaŋi kutusen na. Yi mo ’yu ta i karin ti Kristo adi, Morani ta mora ko Ŋun.

2 Korinto 6:1

Yi kita ko Ŋun i pirit na geleŋ, nyena yi momo ’yu ta, an ta ko wuju ta ’busan na nyaŋu na Ŋun ko kana.

Galatia 4:12

Luŋasirik, nan mo ’yu ta böŋö, gwe ta gwoso nan, kogwon nan köti gwon gwoso ta. Ta a ko konakiŋdya nan arabat.

Epeso 2:10

Kogwon yi a tobodwan nanyit; yi a gweki ko Kristo Yesu i mugun anyen koŋdya konesi na ’but nagon Ŋun a tetenakin a kokwe kunu, anyen yi böŋö wörö kata.

Epeso 3:1

Ŋina a kwe nagon nan Paulo akwakwaddu kogwon kulya kasu, nan a rereka kogwon Kristo Yesu i kulya kasu ta ŋutu ti jurön.

Epeso 4:17

Nyenagon nan jamakin ta sona a jujuje ta i karin ti Matat likaŋ adi, ko wörö ta gwoso na wöröri paganojin kilo na ko yeyeesi kase nagon a wuya kana.

Epeso 4:4

Mugun geleŋ kata, Mulökötyo geleŋ kata, gwoso nagon Ŋun a luŋgi ta i parundya na ŋina yenet na geleŋ na;

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Pilipoi 1:27

Tuŋ ti gwiliŋit losu gwe a lo jujukin i Loŋe Lo ’but lo Kristo, anyen ko nan a tu i meddya na ta, kode nan ’bayin, a nan ködyö yiŋge adi ta gwogwo ’dan go ko töili geleŋ, ko yeyeet geleŋ i möröddu i pirit na geleŋ i juŋdyö na Loŋe Lo ’but lo na yupet,

Pilipoi 3:14

Nan ri ’diara mugun ŋerot anyen ’durökin i pirit tutuŋet na opere.anyen böŋö wuju ’doket na gwon ki yu nagon Ŋun a lupukin yi i wuju ko Kristo Yesu i mugun na.

Kolosai 1:10

yi momo ’yu Ŋun anyen ta böŋö woro ko gwiliŋisi logon a lo ’but ko Matat i komor, i tulyoŋgu na lepeŋ i ŋo liŋ, ko i radan na ludweki logon a konesi na ’but ka ’de ka ’de, koti anyen ta böŋö moröddu ŋerot i deŋdya na Ŋun bia parik.

Kolosai 2:6

Nyenagon kogwon ta aje wuju Kristo Yesu a Matat losu na, nyena ti ta gwolore kanyit i mugun.

Kolosai 4:12

Epapra logon a lele losu ko a köliŋönit lo Kristo Yesu lo a roman ko ta. Lepeŋ ŋupi gwon ko pusok i yeyeju na ta i kwakwasesi kanyit, anyen ta böŋö gwo ’dan go gwoso ŋutu lo wora i koŋdya na ’dekesi liŋ ti Ŋun.

1 Tesalonike 2:12

anyen ta böŋö wörö a lo ’but i tulyöŋgu na ŋun, logon a lupuŋdya ta i tumatyan nanyit ko i minyo lonyit lo.

2 Tesalonike 1:11

Nyena ŋina a kwe nagon yi kwakwaddu i diŋitan liŋ kogwon kulya kasu, anyen ŋun likaŋ mo liliun adi ta a jukin anyen nye luŋgu ta. Koti anyen nye kitari riŋit nanyit, anyen ’dekesi kasu liŋ ti ŋo na ’but böŋö temakiŋdya a gwak, anyen nye mo tiŋdu kitajin kasu na pipiluŋdya i yupet kine i tutuŋöki ’bura.

2 Timoteo 1:9

Lepeŋ a lwöggu yi a luŋgi yi i gwon a Ŋutu kanyit loke. Lepeŋ a ko luŋgu yi kogwon ŋo na kon yi kune, ama kogwon yeyeet nanyit se ko ’busan na nyaŋu nanyit nagon nye a tiŋdu yi ko Kristo Yesu i mugun koju ’beron ti kak nyuŋ ’bayin.

Tito 2:10

kode ’dumaddu kunie ŋo na ’di ’dik a Iwon. Kölumbö se ködyö kwekiŋdya ’börik a lo ’but lo yiyiniki i ŋo liŋ, anyen se tokweleŋdu todinet na Ŋun Kalwokönit likaŋ i ŋo liŋ.

Ebere 13:21

Ti Ŋilo Ŋun logon taliŋ liŋ gwon ko lepeŋ lo tojubbi ta ko ŋo liŋ na ’but, anyen ta boŋo koŋdya ŋo na ’deggi nye kune. Ti nye kitani kayaŋ i mugunya anyen yi tulyoŋgu lepeŋ kogwon kulya ti Yesu Kristo. Ti lepeŋ bulani bula ŋupi ŋupi. Amin.

Ebere 3:1

Nyenagon ta luŋasirik kwe logon Ŋun a gelun ko a luŋi parundya na kulya ti ki kulo, yeyene ta yeye Yesu. Lepeŋ a Luyökie ko a Koane duma i keri likaŋ lo yupet.

1 Petero 2:11

Julin kwe lo nyanyaia, nan mamaŋöju ta ko konisi murek adi, ta a lepelok ko a lo momonuŋdyö, nyena paji ta ’dekesi ti mugun nagon mömörö ko kodudwo kine.

1 Petero 3:9

Ko ropakiŋdya ta toron ko toron, ko ŋutu a moru ta ko ropakiŋdya ta se ko moru, ama kölumbö luŋgi ta ’boriet ko Ŋun kogwon kulya kase, kogwon ta aje luŋuki i kine kulya anyen ta böŋö wuju ’boriet.

1 Petero 5:10

A i mukök nagon ta aje ŋoŋgo ko diŋit a na ’dit nu, a Ŋun lepeŋ mo toluduŋge ta, a togo ’yi ta, a togwi’dikiŋdye ta go. Lepeŋ a Ŋun logon ’busan na nyaŋu liŋ gwon ko lepeŋ, logon a lupuŋdya ta i parundya na bulet na yeŋ nyin ko Kristo i mugun lo.

2 Petero 1:3

Matat likaŋ ko riŋit nanyit na Ŋun na, aje tiŋdu yi po liŋ nagon ’de ’dekarikin i gwolor ko i kugga na Ŋun.

2 Yoane 1:5

Nyena, soŋinana nan mo ’yu do pon ŋote nikao, ’bayin gwoso nan wurokiŋdyo do saret ludukotyo, ama a saret logon yi aje wu i suluwa lo, adi yi ködyo tutunyar ko ’borik.