Epeso 3:1 - Bibilia Buk na Ŋun nagon koti luŋu a

¹ Ŋina a kwe nagon nan Paulo akwakwaddu kogwon kulya kasu, nan a rereka kogwon Kristo Yesu i kulya kasu ta ŋutu ti jurön.

Epeso 3:1 ပူးပေါင်းရင်းမြစ်များ

Luka 21:12

Ama a kokwe nagon kune ŋo a ko kona nu, ŋutu mo momok ta, a sasaŋdi ta a joŋgi ta i kadijik lomoresi, ko i kadijik rerekesi, a ta mo joŋani ko moran i komor se ko i mödiron kogwon kulya ti karin kwe.

Konesi 21:33

A kirut liwa iti ko Paulo yu, a morgi lepeŋ, a sarakiŋdye adi ti lepeŋ rerekani rereka ko topot murek, a pije ko nye a pa köti ko nye a koŋdya nyo.

Konesi 23:18

A ŋilo duma joŋgi lepeŋ a nyömöddi ko liwa yu, a takiŋdye liwa adi, Paulo lo rereka a luŋgu nan a pije nan anyen joŋdya ŋilo titinti konut ni, kogwon lepeŋ kata ko kulya nagon nye ’dek tukökiŋdyö do.

Konesi 26:29

a Paulo waddi adi, Kode joŋga diŋit a na ’dit kode a najo i löpuggö na do a Kristiani, nan mo ’yu Ŋun adi ti gwon a do ka ’de ama köti ko ŋutu liŋ lo yiŋga nan i jambu i lo lor kilo, adi ta liŋ ködyö wora gwoso nan, ake rereka nio ko kulo toŋot ka ’de.

Konesi 9:15

A Matat takiŋdye lepeŋ adi, Iti, kogwon nan aje wulun lepeŋ a titoni nio, anyen toreaddu karin kwe i ŋutu ti jurön, ko i moran se ko i ŋutu ti Yisaraele.

2 Korinto 1:6

Koyi a yo yoŋo, yi yöyöŋö anyen ta totŋgolo ko anyen ta lwölwökö; koyi a togolo, yi togolo anyen ta totŋgolo na gwo ’di ’e ta go i gŋgesi nagon yi ŋogoŋ kune.

2 Korinto 10:1

Nan Paulo ko mugun nio mo-mo ’yu ta. Ta yuyuggö nan adi nan a lokoyok na gwoŋdi nan kasu kiden na, ama na gwoŋdi nan pajo nu, a nan gwe a purutat kasu. Nan mo ’yu ta i pele ŋoto na Kristo se ko i toili lonyit lo lilik,

2 Korinto 11:23

Lepeŋat ŋona a kitakiŋdya Kristo le? Nan jambu gwoso ŋuto lo mamala, nan köti a kitakiŋdya Kristo lwölwöŋ se. Nan a dara i kita parik lwölwöŋ se, nan a tiki i kadi rereket daŋin jorejwölwöŋ se, nan a ’bi ’bitötu ti bulö kena, diŋitan jore nan gwon nyona ko twan.

Galatia 5:11

Luŋasirik kwe, ko gwe gwoso nan, ko ködyö nan nyuŋ tokujö kulya ti tawero, nyo nagon nan nyuŋ gwon i sasanya? A ko sona tokujö nio na kulya ti ködini na görö ködyö tine köpuggö ŋutu.

Galatia 5:2

Nan Paulo lo jambu ko ta adi, Ko ta a rukökiŋdyo ’börik i tawero, a Kristo mo tine gwon a ’bulit kasu.

Galatia 5:24

Ŋutu logon a ti Kristo Yesu kilo aje ’bikikiŋdyo i kodini na goro mugunya kase ti na kak nagon gwon ko kure na ŋo narok, ko ’dekesi narok kune.

Epeso 3:11

Kine kulya kokona gwoso yeyeet nanyit na yeyeŋon nagon nye a kon ko Kristo Yesu Matat likaŋ i mugun na.

Epeso 3:13

Nyenagon nan mo ’yu ta, an ta ko rorogga ta i toilyet kogwon nan ŋoŋga ko kulya kasu. Kine ŋoŋesi a bulesi kasu.

Epeso 3:8

Ŋina ’busan a tiki nan logon a lo ’dit Iwolwoŋ ŋutu liŋ lo ’di ’dik ti Ŋun, anyen nan tokukindyo ŋutu ti juron Loŋe Lo ’but lo tukworien na Kristo nagon gagalaji ’bak ’dutet na.

Epeso 4:1

Nyenagon nan logon a rereka kogwon kulya ti Matat likaŋ lo, nan mo ’yu ta anyen ta böŋö wörö jojo i luŋit nagon a luŋuri ta na.

Epeso 6:20

Nan a luyökie lo ŋilo Loŋe Lo ’but ma ’di nagon nan a rereka ko toŋot. Momo ’yi ta anyen nan boŋo tokujö Loŋe Lo ’but a purutat gwoso nagon nan ködyo totokuje na.

Pilipoi 1:7

Kodyo a na ’but i yeyeju nio na ta liŋ sona, kogwon toili liŋ ŋupi gwon i yeyeju na ta, kogwon ta liŋ ŋaŋu ’doket na Ŋun ko nan i pirit na geleŋ, i rerekesi kwe ko i juŋdyo nio na Loŋe Lo ’but, ko i togwi ’dikiŋdya na lepeŋ go.

Kolosai 1:24

Nyenagon soŋinana nan lyölyönön i ŋoŋesi kwe kogwon kulya kasu, kogwon na noŋgi nan koyo i mugun na, nan tuturioddu ŋoŋesi ti Kristo nagon a ko nyuŋ ’baka kune i kulya ti mugun nanyit nagon a kanisa na.

Kolosai 4:18

Nan Paulo lo wuŋö ŋina roman na ’dutet ko könin liŋ lepeŋ. Yeyene ta yeye rereka nio ko toŋot. Ti ’busan na po ko ŋun gwe ko ta.

Kolosai 4:3

Koti mumulukiŋdye ta yi, anyen Ŋun böŋo pakiŋdya yi kotumit anyen tokujo kulya ti Kristo logon koju a Iwon. (Nan a rereka kogwon kulya ti lepeŋ.)

2 Timoteo 1:16

Ti Matat gwe a lo ’but ko mede na Onesiporo, kogwon lepeŋ a togo ’yu nan daŋin jore, a kwe nanyit tine yu i gwon nio i kadi rereket,

2 Timoteo 1:8

Nyenagon ti kwe inot gwe ti yu i tökoŋu na kulya ti Matat likaŋ, köti kwe inot gwe ti yu i kulya kwe nan logon a lo rereka lonyit, kölumbö paruŋdye ŋoŋga kogwon kulya ti Loŋe Lo ’but i riŋit na Ŋun.

Pilimona 1:1

Nan Paulo lo rereka a lo Kristo Yesu, yi se ko Timoteo luŋaser likaŋ roman ko Pilimona nyaratti likaŋ lo parundya kita koyi i pirit na geleŋ lo.

Pilimona 1:23

Epapra lo gwon ko nan i pirit na geleŋ i kadi rereket kogwon kulya ti Kristo Yesu lo roman ko do.

Pilimona 1:9

ama kogwon kulya ti nyaŋu nan ’de ’dekan mo ’yu do, nan Paulo logon a gworo lo Kristo Yesu ko soŋinana köti a lo rereka lonyit.

Kweyatti 2:10

Ti do gwe ti kujono ŋo nagon do de ŋogoŋ kine. Mete, kaŋöönit de gugubakin kulye kasu i kadi rereket, anyen ta tetema, a ta mo sasanyani ko perok puök. Ŋoŋgi go tojo ko twan, a nan mo tiŋdi do Iŋguya telet logon a ru.