Epeso 2:5 - Bibilia Buk na Ŋun nagon koti luŋu a

⁵ Ma ’di na gwoŋdi yi a twatwa kogwon lyaŋesi kaŋ nu, ama kölumbö a nye toruje yi i pirit na geleŋ ko Kristo. Ta a lwökö kogwon ’busan na nyaŋu na Ŋun.

Epeso 2:5 ပူးပေါင်းရင်းမြစ်များ

Luka 15:24

kogwon lo ŋuro liŋ köju gwoso logon a twan ko aje ru köti, nye köju a likin ko aje rye köti. Nyena a se suluje lyoŋön.

Yoane 5:21

Nyena gwoso nagon Baba toŋiju lo twatwa, a toruje lepeŋat nu, a nan Ŋuro koti toruje ŋutu logon nan a wulun kulo.

Yoane 6:63

Mulökötyo titiŋdu ru, a mugun tine koŋdya nene ŋo. Kulyaesi logon nan aje jamakin ta kilo a ti mulokotyo a toruje torujo.

Konesi 15:11

Kölumbö yi yubbö adi yi lwölwökö kogwon ’busan na nyaŋu na Matat Yesu gwoso na lwököri se köti na.

Roma 16:20

A i diŋit a na ’dit a Ŋun logon taliŋ gwon ko lepeŋ lo mo tiŋdi ta i ryokakiŋdya na Satani kak. Ti ’busan na Yesu Kristo Matat likaŋ gwe ko ta.

Roma 3:24

Lepeŋ a ’dogga ŋutu ’bak ropet ko ’busan nanyit na nyaŋu anyen se gwon a lo rigwo kanyit i komor, kogwon daket nagon Kristo Yesu a dakuŋdye yi a yi gwe a lui na.

Roma 4:16

Nye ŋina kwe nagon kine ŋo kona kogwon yupet, anyen ŋo liŋ nagon Ŋun a milyekin tiŋdu kune böŋö tiki kana kogwon ’busan nanyit na nyaŋu, a rukökine nyakwariat liŋ ti Abarayama, ti gwon a na ŋutu ti ŋilo Saret ka ’de, ama köti a na ŋutu lo yubbo kulo gwoso na yubbe Abarayama nu, kogwon lepeŋ a merenye likaŋ liŋ,

Roma 5:10

Kogwon ko twan na Ŋuro lo Ŋun a tomoruŋdya yi ko Ŋun i diŋit nagon yi nyuŋ a merok nu, bia parik yi logon aje tomora ko Ŋun kulo mo lwölwökö kogwon Ŋuro lonyit aje ru i twan.

Roma 5:6

Kogwon i diŋit gwak nagon Ŋun a wulun na gwoŋdi yi nyuŋ a lomunyak nu, Kristo a twan kogwon ŋutu logon ti twöju Ŋun.

Roma 5:8

Ama Ŋun a kwekin yi adi nye nyanyar yi parik, kogwon i diŋit nagon yi nyuŋ gwon a katoronyak nu, a Kristo iŋge twan kogwon kulya kaŋ.

Roma 8:2

Kogwon saret lo Mulökötyo logon jakiŋdya yi ru ko Kristo Yesu i mugun lo, aje yukun nan kaŋo i saret lo toron se ko lo twan.

2 Korinto 13:14

Ti ’busan na Matat Yesu Kristo, ko nyaŋu na Ŋun, se ko tojulin na Mulokotyo Loke gwe ko ta liŋ.

Epeso 2:1

Ta köju a twatwa kogwon lyaŋesi kasu se ko toronjin kasu.

Epeso 2:8

Ta aje lwökö kogwon yubbö nasu, ama na po ko Ŋun ti gwon a nasu, ama lepeŋ lo ’dogga ta.

Epeso 5:14

a go liŋ nagon memeta köke kune worani a parara. Ko ŋina kwe a kulyarikin adi, Do kadotonit, purwene purwe, ŋiyu kaŋo i lo twatwa kilo, a Kristo de pararakiŋdye konut loki.

Kolosai 2:13

Ta koju a twatwa kogwon toronjin kasu, koti kogwon ta a ko tawero, ama Ŋun aje torujö ta ko Kristo i pirit na geleŋ. Lepeŋ a won konyen koyi i lyaŋesi kaŋ liŋ.

Tito 2:11

Kogwon ’busan na nyaŋu na Ŋun nagon jakiŋdya ŋutu liŋ lwökt na aje pukun.

Tito 3:5

a lepeŋ iŋge lwok yi. Lepeŋ lwöggu yi ’bayin kogwon kitajin na ’but nagon yi a kon kune, ama kogwon lepeŋ a kayatanit. Lepeŋ Iwoggu yi kogwon lalai nikaŋ, ko yuŋwe nikao a ludukö i riŋit na Mulökötyo Loke logon a toluduggo yi lo.

Kweyatti 22:21

Ti ’busan na Matat Yesu gwe ko ta liŋ.