Epeso 1:4 - Bibilia Buk na Ŋun nagon koti luŋu a

⁴ A kokwe nagon kak a ko nyuŋ gweya nu, lepeŋ a wuluŋdyo yi ko Kristo i mugun, anyen yi ködyo gwon a loke ’bak yuyuket kanyit i komor. Kogwon lepeŋ aje nyar yi,

Epeso 1:4 ပူးပေါင်းရင်းမြစ်များ

2 Samuele 22:24

A nan gwe ’bak kulya kanyit i komor, a nan tiji mugun nio ’bak tukwölöŋ.

Saumajin 135:4

Kogwon MATAT a wulundyö kötumit na Yakobo a nanyit tuŋ, iye, nye a wulundyö kotumit na Yisaraele a lomore nanyit.

Yisaya 42:1

Malo kölipönit liŋ, logon nan a tökökin ki, malo lo wulwe liŋ logon töili liŋ a lyöŋgi lo; nan aje tiŋdu Mulökötyo liŋ ko lepeŋ i mugun, a nye mo topukuŋdye ’duŋgö na rigwo i jurön.

Lewi 19:2

Kulyani ko momoret liŋ na ŋutu ti Yisaraele adi, Ta ködyö gwon a loke; kogwon nan MATAT Ŋun losu a loke.

Lewi 20:7

Nyenagon geluŋdye ta ’börik, ko gwe ta a loke; kogwon nan a MATAT ŋun losu.

Matayo 24:22

a ko ködyö kilu perok a ko nyökwe kak, a ŋuto ködyö gwe ’bayin lo lwölwökö, ama kilu perok nyökwe kak kogwon kulya ti ŋutu kanyit lo wulwe.

Matayo 24:24

Kogwon Masiajin ’burönök ko nebijin ’burönök mo pupukun, a mo kweji kweyesi temejik ko po sörösi, anyen tugiŋa ma ’di ŋutu lo wulwe, ko bubulö.

Matayo 24:31

A nan mo soŋdi malaikajin kwe i kuddya na tore parik, a se mo momoruŋdye ŋutu kwe lo wulwe i swötön iŋwan ti kak, suluja i ’dutet na kak tojo i nene ’dutet.

Matayo 25:34

a kirut nan Mor mo kulyani ko se lo gwon köyö i swöt lo lutaten kulo adi, Po ta, ta logon Baba aje ’boroja kilo, wuji ta kido anyen ta gwon a ŋutu ti Tumatyan nagon aje tetenaki ta köju ’beron suluja i gweya na kak;

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.

Yoane 15:16

Ta a ko wulun nan, ama nan aje wulun ta ko a gelun ta anyen ta puputuru ŋerot i radan na ludweki. Kilo ludweki kasu ködyö yeyeŋon. A kirut Baba mo tiŋdi ta ŋo liŋ nagon ta a piyun köyö i karin kune.

Yoane 17:24

Baba, nan ’de ’dekan adi ti kulo ŋutu logon do aje tin nan kulo boŋö gwe ko nan i pirit na gwoŋdi nan na, anyen se boŋö memet bulet nio nagon do aje tikin nan na, kogwon do aje nyar nan a kokwe nagon kak a ko nyuŋ gweya nu.

Konesi 13:48

A na yiŋge Lwaka kine kulya nu, a se iŋge lyöŋon, a pupurje kulyaet lo Ŋun, a se logon Ŋun a wulökin ru na yeŋ nyin kulo yubbe yubbö.

Konesi 15:18

Kilo a kulyaesi kwe ti Matat logon a tiŋdu kine kulya i dena köju ’beron nu.

Konesi 18:10

kogwon nan gwon ko do, a lele ŋuto mo gwe ’bayin lo domba do anyen konakiŋdya do arabat. Nan gwon ko ŋutu jore i ŋina köji.

Roma 8:33

Ŋa logon ŋona mo ŋöŋökiŋdyö ŋutu lo wulwe ti Ŋun kilo? Ŋutu ’bayin, kogwon Ŋun ko mugun nanyit a tuggö adi se ’bak kulya.

1 Korinto 1:8

Lepeŋ mo titin ta i gwo ’dan go tojo ko ’dutet, anyen ta mo rye ’bak kulya i lor lo pöri Matat likaŋ Yesu Kristo lu.

Galatia 5:13

Luŋasirik kwe, ta a luŋwe anyen ta gwon a lui; ama an ta ko ’dumuŋdya ta tolien nasu adi ta a ’buruki i gwolor gwoso i ’dekesi kasu ti mugunya ti na kak kune, ama tokitaki ta ko ’börik ko nyaŋu.

Galatia 5:22

Ama ludweki ti Mulokotyo ko ŋuto i toili gwon a nyaŋu, lyoŋon, gwon taliŋ, ŋoŋga taliŋ, gwon a lo ’but ko ŋutu, ’busan, yubbo na yeyeŋon,

Galatia 5:6

Kogwon koyi gwon ko Kristo Yesu i mugun, kulya ’bayin kode yi a tawero kode yi a ko tawero, ama ŋo duma tuŋ gwon a yupet nagon riŋit nanyit pukun i nyaŋu na.

Epeso 2:10

Kogwon yi a tobodwan nanyit; yi a gweki ko Kristo Yesu i mugun anyen koŋdya konesi na ’but nagon Ŋun a tetenakin a kokwe kunu, anyen yi böŋö wörö kata.

Epeso 3:17

anyen Kristo böŋö gwolor kasu i töilyet kogwon yubbö nasu. Nan momo ’yu lepeŋ adi, anyen kokori kasu böŋö ’bekoddu kak i nyaŋu, a ta gwe ko togwi ’diesi logon a ’bokaki go i ŋina nyaŋu,

Epeso 4:2

Wöröni ta a lokoyokak ko toilyet lo lilik, i ŋoŋaddu taliŋ ko i tuyatakin ko ’börik i nyaŋu.

Epeso 5:2

Wöröni ta i nyaŋu, gwoso nagon Kristo aje nyaŋi yi na, a wukindye mugun nanyit ko Ŋun a ’doket ko a rubaŋga lo mor paleleŋ kogwon kulya kaŋ.

Epeso 5:27

anyen nye böŋö kweja kanisa kanyiti komor kwekwelen ’bak nene pirit nagon a ’yota ma ’di a na ’dit, kode kiritwan, kode kunie go gwoso kine. ama anyen se boŋö gwon a loke ’bak yuyuket.

Pilipoi 2:15

anyen ta boŋo gwon ’bak yuyukesi, ’bak kulya, ko a ŋwajik ti Ŋun logon ’bak korit kulo, i kiden na ŋutu ti na toberon logon konesi kase a nakwölopök ko a kaŋirak kulo. A ta mo kobbi kobbu kase kiden i na kak gwoso kaser,

Kolosai 1:22

Ama soŋinana Ŋun aje tomorun ta a kanyit kogwon twan na Ŋuro lonyit ko mugun na na kak, anyen nye böŋö joŋdya ta i gwo ’dan kanyit i komŋo a loke, ’bak yuyukesi, ’bak kulya.

Kolosai 2:2

Nan kita parik sona anyen toilyet kase boŋo gwon a iŋgo, ko anyen se böŋö gweye a ŋo geleŋ i nyaŋu, anyen se gwon a kwöriniko i kuruŋdyo ko i deŋdya na kulya liŋ ’bura adi se ’diri a gwak, anyen se boŋo deden Iwon na Ŋun nagon a Kristo.

Kolosai 3:12

Nyenagon gwoso nagon Ŋun aje wulun ta a ŋutu kanyit lo nyanyara na, jupukiŋdye ta kine ŋo gwoso boŋgwat, kweja adi, won na konyen, ko kwekiŋdya na ’busan, ko tokoyokan, ko pele na lilik, se ko ŋoŋga taliŋ.

1 Tesalonike 3:12

Ti Matat tuŋdine nyaŋu nasu anyen gwon a duma parik, anyen ta tutunyar ko ’börik se ko ŋutu liŋ, gwoso na nyaŋi yi ta na.

1 Tesalonike 4:7

Kogwon Ŋun a luŋun yi i kelan ti gwon i tolutan.

2 Timoteo 1:9

Lepeŋ a lwöggu yi a luŋgi yi i gwon a Ŋutu kanyit loke. Lepeŋ a ko luŋgu yi kogwon ŋo na kon yi kune, ama kogwon yeyeet nanyit se ko ’busan na nyaŋu nanyit nagon nye a tiŋdu yi ko Kristo Yesu i mugun koju ’beron ti kak nyuŋ ’bayin.

2 Timoteo 2:10

Nyenagon nan a ŋoŋga ŋo liŋ kogwon kulya ti ŋutu logon ŋun a wulun, anyen se koti boŋo ryeju lwökt na gwon ko Kristo Yesu i mugun na se ko minyo lo yeŋ nyin.

2 Timoteo 2:19

Ama pipilet logon Ŋun a ’bokakin lo gwogwo ’dan go, a kilo kulyaesi iŋge wuröki nyin, adi, Matat deden ŋutu kanyit. Köti adi, Ti ŋutu lio logon ’diŋdya karin ti Matat kilo kö ’yi toron.

Yakobo 2:5

Luŋasirik kwe lo nyanyara, yiŋge ta. Ti gwon sona adi Ŋun a wulökin ŋutu lomerika ti na kak anyen gwon a kwörinikö i yupet, ko anyen wuju go na ’but ti tumatyan nagon nye a milyekin tiŋdu ŋutu logon nyanyar nye kilo le?

1 Petero 1:2

Ta koju aje wulwe ko yeyeet na Ŋun Monye anyen tokela ko Mulokötyo lonyit, anyen twoju Yesu Kristo, ko anyen gwagwata ko rima kanyit. Nan roman ko ta adi, Ti ’busan ko taliŋ gwe ko ta bia parik.

1 Petero 1:20

Lepeŋ a wulöki kine kulya a kokwe na gweya na kak, ko aje kweya i kulo perok ’dutesi kogwon kulya kasu.

1 Petero 2:9

Ama ta a kötumit na wulwe, a koanejin ti mor, a jur lo gelwe a loke, ko a ŋutu lomoriot ti Ŋun, anyen ta böŋö tokuoddu konesi na ’but parik nakwekwelen ti lepeŋ logon aje lupuŋdya ta kaŋo i mudwe anyen po i parara nanyit sorit lo.

2 Petero 3:14

Nyenagon julin kwe lo nyanyara, na mömöŋdi ta kine ŋo i pokin nu, tisakiŋdye ta ’börik anyen lepeŋ böŋo ryeju ta gwon taliŋ ’bak ’yotet kode korit kanyit i komor.

1 Yoane 4:16

Nyena yi deden ko a yuŋ nyaŋu nagon Ŋun nyaŋi yi na. Ŋun lo gwon a nyaŋu, nye logon gwolor i nyaŋu lo, lepeŋ gwolor ko Ŋun i mugun, a Ŋun gwolore kanyit i mugun.

Kweyatti 13:8

A ŋutu liŋ lo gwolor i kak ni kulo mo twoji lepeŋ, kweja adi se liŋ logon karin kase koju suluja i gweya na na kak a ko wuröki i buk na ŋutu lo gwon jörun na, nagon a buk na Kilolor lo tatua lo.

Kweyatti 17:8

Gworoŋ lo met do köju jörun lo soŋinana gwe ’bayin, ama lepeŋ mo ŋoŋo kaŋo i dili nagon ’bak ’dutet a iti i tukara. A ŋutu ti kak logon karin kase suluja i gweya na kak a ko wuröki i buk na ŋutu lo gwon jörun kulo mo söŋi söŋu na meddi se ŋilo gworoŋ nu, kogwon lepeŋ köju gwon jörun, ama soŋinana gwe ’bayin, ama lepeŋ mo köti ŋoŋo.