Ejira 9:9 - Bibilia Buk na Ŋun nagon koti luŋu a

⁹ Kogwon yi kulo a ’dupi; ama do Ŋun likaŋ a ko kölökin yi i to ’dupien nikaŋ, ama do a kwekiŋdya yi nyaŋu inot nagon ti ’duddyö na i komor na moran ti Parasa i torujö na yi, anyen yi ’duggö kadi inot pon Ŋun likaŋ, anyen nyöggu teteŋdya piritön na kököröju, a do gwe a mariŋ nikaŋ nago i Yuda ko i Yerusalema.

Ejira 9:9 ပူးပေါင်းရင်းမြစ်များ

Ejira 2:68

A na ’durökiŋdye se i murwo na kadi na MATAT na gwon Yerusalema nu, a kulye kusik ti kotumiton ti merenyejin iŋge tiŋdu ’dokesi ti tupalikan na töili anyen nyokorikin ’duko kadi na Ŋun kanyit i pirit koti.

Ejira 7:6

Ŋilo Ejira a ŋiörö kaŋo Babela. Lepeŋ a kawurönit lo deden saresi ’bura logon MATAT Ŋun lo Yisaraele köju a tikin Mose kulu; a mor rukökiŋdye lepeŋ ŋo liŋ nagon nye a pi kune, kogwon könin lo MATAT Ŋun lonyit gwon i parakiŋdya na lepeŋ.

Ejira 7:8

A Ejira poŋdi Yerusalema i yapa tomukanat lo kiŋa toburyo lo mor;

Ejira 9:10

Nyenagon pon Ŋun likaŋ, yi bubulö Tambu ko do ada i mukök na kine kulya? Kogwon yi aje kölökiŋdyö saresi kulök

Nemaya 2:17

A kirut nan kulyani ko lepeŋat adi, Ta a met kulya kaŋ kine a narok parik; Yerusalema aje körö ko gwe a murwö, a kötumitön ti gorom nagon a mariŋ nanyit iŋge nokan ko kimaŋ. Po ta, ŋ i yi nyöggi ta ’duggö gorom nagon a mariŋ na Yerusalema anyen yi gwon ti ’dö ’döyö köti.

Nemaya 9:17

Lepeŋat a renya twöju, a iŋge böŋö sörösi nagon do a kon kase kiden kune; a se kölumbö koŋdi murutö kase a nawu ’duoak, a wuluŋdye kanyömönit lose anyen nyököddu se bot Ejipeto i to ’dupien nase. Ama do a ŋun kapitönit ko a kanyaranit, ko wowon konyen, ko a ’dikö i woran, ko a jore ko nyaŋu nagon ti ’duddyö kwöŋ na, a do gwe a ko kölökin lepeŋat.

Saumajin 109:12

Ti lele ŋuto gwe ’bayin logon töjulin ko lepeŋ; kode logon won konyen ko ŋwajik kanyit kikijikö.

Saumajin 138:7

Ko nan wörö i kiden na delyaesi, a do kölumbö lo tiji nan; do a riöddu könin ilot i mörö ko merok kwe kaŋajin, a könin ilot lo lutaten lwöggi nan.

Yisaya 14:3

A mo gwe sona i ŋilu lor logon MATAT mo tiŋdu ta yukan i tömiesi kasu, ko i delyaesi kasu, ko i nu kita na pömöni nagon ta a riŋ aki i kita nu,

Yisaya 5:2

A nye kuŋi lepeŋ, a ’du ’dumaddi ŋurupö kaŋo, a nye ’yuddi lepeŋ ko kaden ti binyo lo wulwe; a nye tetenakiŋdye taka kanyit kiden, a nye ’bokakiŋdye dili ryoket na ludweki ti binyo nyin; a nye yeŋdi radan nanyit na ludweki, ama a nu melesen rade ludweki logon a liabe.

Yisaya 5:5

Soŋinana, nan de kekenakin ta go nagon nan de kokonakin na melesen nio na binyo. Nan de ’du ’dumara mariŋ nanyit kaŋo, a nye de nyeni nyei; a nan de duke gorom nanyit kak, a nye de ryokani ryoka.

Yisaya 61:4

A se nio nyöŋgi ’duggö murwöki ti ’beron kunu, a se mo ’bilikiŋdye piritön na kököro köju kiinu ki, a se mo teteŋdi köjinö nagon a murwöki, ko piritön na kökörö suluja i nyakwariat ti ’befon köju kulu.

Ejikele 11:16

Nyenagon kulyani adi, MATAT ŊUN lo kulya adi, Ma ’di nan a son kulu ŋutu pajo i kiden na gweyajin ti ŋutu, ma ’di nan a torekin se i jurön, ama nan a gwon kase a pirit nake na rurwan ko diŋit a na ’dit i jurön logon se a joŋa kata kulu.

Daniele 9:25

Nyenagon dene den ko kuru kurun adi, mo gwon a jimalan buryo suluja i diŋit na tikine saret anyen Yerusalema nyönyöko ’duko, tojo ko diŋit na poŋdi ŋuto duma lo welaki. Nyena i jimalan merya buker wot murek lepeŋ mo nyonyökö ’duko ko piriton sakaesi kanyit se ko mariŋ nago, ama mo gwon i diŋit nagusu.

Kagai 1:9

Ta aje yeŋdu kinyojin jore, ama mete ta, a ko poŋdi ku ’dik; a najoŋdi ta kilo kinyojin i ’baŋ nu, a nan yukakiŋdye se kobuot loron. A nan MATAT lo kurumi lo pipije adi, Ko nyo kine kulya gwon sona? Adi kogwon ŋina kadi nio nagon a murwo, ama ta ŋutu liŋ geleŋ geleŋ wöwökiöro kasu i kadijik.

Jakaria 2:5

Kogwon MATAT lo kulya adi, Nan mo gwon kanyit a mariŋ nagon a kimaŋ, a nan mo gwe a minyo kanyit kiden.