Ejira 9:8 - Bibilia Buk na Ŋun nagon koti luŋu a

⁸ Nyena soŋinana pon MATAT Ŋun likaŋ, do a kwekiŋdya yi ’busan diŋit a na ’dit i kölökiŋdyö na yi a pitönö ti ŋutu, ko a ’bikikiŋdyö yi kaluti a monowet nikaŋ i pirit nake na rurwan inot, anyen do pon Ŋun likaŋ, böŋö ŋaŋa konyen kaŋ a loke i torujö na yi madaŋ kayaŋ i to ’dupien.

Ejira 9:8 ပူးပေါင်းရင်းမြစ်များ

2 Moran 19:4

Kode ŋona MATAT Ŋun ilot a yiŋ kulyaesi liŋ ti Rabasake, logon duma lonyit mor lo Asura a sunyukin lepeŋ i ’dö ’döju na Ŋun lo gwon jörun lo, a nye MATAT Ŋun ilot mo riŋge kulyaesi logon nye a yiŋ; nyenagon momo ’yi parik kogwon pitönö lo pituŋdyö.

Ejira 9:9

Kogwon yi kulo a ’dupi; ama do Ŋun likaŋ a ko kölökin yi i to ’dupien nikaŋ, ama do a kwekiŋdya yi nyaŋu inot nagon ti ’duddyö na i komor na moran ti Parasa i torujö na yi, anyen yi ’duggö kadi inot pon Ŋun likaŋ, anyen nyöggu teteŋdya piritön na kököröju, a do gwe a mariŋ nikaŋ nago i Yuda ko i Yerusalema.

Nemaya 1:11

Pon MATAT, böŋö ti swö kulök yiŋge kwasesi kwe nan kölipönit ilot, ko momolesi ti kölipönök kulök logon nyanyar twöju karin kunök kulo; nan momo ’yu do, tiŋdi nan kölipönit ilot komor na ’but i lo lor, tiki nan i ryeju na ’busan ko lo ŋuto i komor.

Nemaya 9:31

Ama nagon ko nyaŋu inot duma nagon ti ’duddyö na, do a ko tutuŋ lepeŋat asut kode kolökin se; kogwon do a Ŋun logon a kanyaranit ko a kapitönit.

Eyobo 33:30

i nyökuŋdyö na ködudwö na ŋuto kaŋo i dili nuket, anyen nye böŋö morakiŋdya i parara na ŋutu liŋ lo gwon jörun.

Saumajin 13:3

Pon MATAT Ŋun lio, meddi nan ko ruŋge nan; ŋaji konyen kwe, an nan ko doto doto na twan;

Saumajin 13:4

an miriku lio ko kulya adi, Nan a te ’ya lepeŋ; an kaŋisak kwe ko kweni kogwon nan a gubaki kak.

Saumajin 138:7

Ko nan wörö i kiden na delyaesi, a do kölumbö lo tiji nan; do a riöddu könin ilot i mörö ko merok kwe kaŋajin, a könin ilot lo lutaten lwöggi nan.

Saumajin 34:5

Diŋe ta lepeŋ, a malanyan kasu de bandi a nake; nyena a komorsikan kasu tine wora a natun kwöŋ.

Saumajin 85:6

Do ŋona ti torujö yi, anyen yi ŋutu kulök bubulö lyöŋön ko do le?

Tolupesi 29:13

Ŋuto lomeri ko ŋuto karudanit momora i pirit na peleŋ; a MATAT tindi se lio murek i meddya na parara.

Katokuönit 12:11

Tamesi ti ŋutu lokoŋ a lopi gwoso loya, ko gwoso musumar logon a ’bikiki go. Kilo a jamesi logon a pepena lo jam kayukunit geleŋ.

Yisaya 1:9

Ko ködyö MATAT lo kurumi a ko kolokin yi a pitönö ku ’dik, a yi ködyö gwe gwoso Sodoma, a yi worani gwoso Gomora.

Yisaya 14:3

A mo gwe sona i ŋilu lor logon MATAT mo tiŋdu ta yukan i tömiesi kasu, ko i delyaesi kasu, ko i nu kita na pömöni nagon ta a riŋ aki i kita nu,

Yisaya 56:5

a nan mo tiŋdi se ŋo na ’but nagon lwölwöŋ ŋwajik lyan konawate, kweja adi nene ŋo köyö i kadi lukata nagon yeyeörikin karin kase; a nan mo tiŋdi lepeŋat karin na yeŋ nyin nagön mo ti likin kwöŋ.

Yisaya 57:15

Kogwon nan, lo gwon ki pajo, nan si ’da ŋupi, logon karin kwe luŋu a Loke. Nan kulya adi, Nan gwogwolor ki i pirit nake na rurwan, i pirit na geleŋ ko ŋutu logon ködudwölön kase a muyukaji kak kö a lokoyokak, i torujo na ködudwölön ti ŋutu lokoyokak, ko i torujö na töilyet ti ŋutu lo muyukaji kak.

Yisaya 6:13

Ma ’di topuökit na ŋutu a pituŋdyö i lo jur, a se mo tukarani tukara koti, gwoso ködini logon a ri kode gwoso kite, logon kumut nanyit nyuŋ gwogwo ’dan na toköji ’e lepeŋ kak nu; nyena a kumut nanyit gwe a nyomot loke.

Yeremia 42:2

a mo ’yi lepeŋ adi, Böŋö ruke ŋo nagon yi ’dek mo ’yu konut kine. Böŋö mumuluki yi MATAT Ŋun ilot, köti momo ’yi kogwon kulya ti kulo ŋutu liŋ logon a pituŋdyö kulo. Do a met adi yi a pituŋdyö ku ’dik

Yeremia 44:14

Ŋutu ti Yuda logon a pituŋdyö kulo aje po i si ’da i jur lo Ejipeto, a gwe ko yenet adi se mo yitö Yuda anyen si ’da yu. Ama se mo ti yitö kwöŋ, lele lose mo ti rwösöddu kode pituŋdyö, ake ŋutu ku ’dik mo lo wökön.

Ejikele 14:22

Ama ko ködyö kulye pitönö a pitöki anyen lupe kaŋo i lukata nanyit kweja adi lyan ko wate, a ko lepeŋat a tu kasu yu, a ta iŋge met gwiliŋisi kase se ko konesi kase, a töilyet kasu mo kö ’yi delya kogwon ŋo narok liŋ nagon nan a jakin Yerusalema kune.

Osea 6:2

A i mukök na perok murek a nye mo toruje yi; iŋkoi, i lor tomusala a nye mo ’biluŋdye yi ki, anyen yi böŋö gwon jörun kanyit i komor.

Abakuk 3:2

Pon MATAT, nan a yiŋ lore ilot, pon MATAT, kita inot a tiŋdu nan i kujono. Nyoggi kita inot i kiden na kiŋajin, tiki nye i dena i kiden na kiŋajin; ko do a woran, yeyeji won konyen ko ŋutu.

Jepania 3:12

A nan mo kölökiŋdye ŋutu lo sasanya se ko lomerika konut kiden. A ŋutu logon a kölöki Yisaraele ni kulo mo ga ’yi rupu i karin kwe ti MATAT;

Jakaria 10:4

A ŋurupit lo goŋet mo puku kase, ko kaluti na kemia, ko daŋ moriet, se ko kasarak liŋ.

Jakaria 8:12

A taliŋ ko kulya na ’but mo weyani weya; a ködini lo binyo mo rade ludweki kanyit, a kak mo rade radan, a ki mo lilimbe lilimba; a nan mo tiŋdi pitönö ti kilo ŋutu i ruddya na kine ŋo liŋ.

Jakaria 8:6

A nan MATAT lo kurumi kulyani sona adi, Ma ’di ko pitono ti kulo ŋutu a met kine ŋo a sörösi i kilo perok, ama se ’bayin a ŋo sörösi köyö. Kilo a kulyaesi kwe ti MATAT lo kurumi.

Roma 9:27

A Yisaya köju iŋge laŋa i kulya ti Yisaraele adi, Ma ’di ködyö ŋutu ti Yisaraele gwon jore gwoso sese na tör duma na ’balaŋ, tuŋ a pitönö ti lepeŋat ka ’de mo lo lwököni;

Kweyatti 3:12

Ŋuto logon a te ’ya lo, nan mo tetenakin lepeŋ a togwi ’diet lo kadi na Ŋun lio, a nye mo kbti line tu kaŋo kata asut. A nan mo wurokiŋdye karin ti Ŋun lio kanyit i mugun, se ko karin ti köji na Ŋun lio, nagon a Yerusalema ludukotyo nagon a po kak ki yu ko Ŋun lio. A nan köti mo wurökiŋdye karin kwe ludukö kanyit i mugun.

1 Samuele 14:27

Ama Yonatana a ko yiŋ monye lonyit i milyekiŋdyö na ŋutu ŋilu milye, nyena a lepeŋ riöddi ture lo gwon kanyit i könin lo, a kurutuŋdye kele lo siwatat ko kutuk na ŋilu ture a me ’yi me ’yu; a konyen kanyit ŋaji ŋaju.

1 Samuele 14:29

A Yonatana kulyani adi, Baba aje yöyöŋgu jur; mete, konyen kwe aje ŋaju kogwon nan a ’de ’deŋdya ŋina siwatat a na ’dit.