Ejira 9:2 - Bibilia Buk na Ŋun nagon koti luŋu a

² Kogwon lepeŋat ko ŋwajik kase a yemba kunie ŋwajik ti kilu Jurön a wate kase; nyena a kötumit na ŋutu loke iŋge polakiŋdya ’börik ko ŋutu ti kilu Jurön. A ŋutu kase temejik ko lokukwön gwe a kasuluwak ti kine kulya narok.

Ejira 9:2 ပူးပေါင်းရင်းမြစ်များ

Suluet 6:2

a ŋwajik ti Ŋun ko meddi adi ŋwajik ti Ŋutu a nakwe kwelen, a se yemakiŋdye ’börik wate gwoso na ’deggi se na.

1 Moran 11:1

A mor Solomona nyare nyar ŋutu wate jore ti kulye jurön: ti gwon a ŋuro na Paro geleŋ nagon ŋutu wate ti Moaba, ko ti Amon, ko ti Edom, ko ti Sidona, ko ti Kiti,

Ejira 10:2

A Sekania ŋuro lo Yekiele lo nyakwariat ti Elam suluje jambu ko Ejira adi, Yi a lauŋdya Ŋun likaŋ i yemba na wate nagon ’bayin a gweyari nikaŋ nagon a ti kulye juron, nyena ma ’di yi a koŋdya kine kulya, sopinana kötumit na Yisaraele nyuŋ kata ko yenet.

Ejira 9:12

Nyenagon an ta ko tiŋdu ta ŋwajik kasu i yema ko ŋwajik kase, kode toyemakiŋdya ŋwajik kasu kö ’disi kase, a ta ködyo tine ga ’yu taliŋ nase kode ’busan nase ŋupi, anyen ta böŋö gwon a iŋgo i nyesu na kinyo lo ’but lo lu Jur, anyen ta kölökiŋdyö ŋilu Jur a lomore lo ŋwajik kasu ŋupi ŋupi.

Ejira 9:14

yi köti ködyö bubulö ’beleŋgu saresi kulök ada i toyemakin ko kulu ŋutu logon koŋdya manat gwoso kine? Do ködyö ti woran tojo do a tukaŋu yi, a yi tine pituŋdyö asut kode gwon Jörun le?

Nemaya 13:17

A kirut nan kekeŋdi ko woran ko ŋutu loku­kwön ti Yuda adi, Ŋina toron a nyo na kon ta i köŋu na lor lo sabata?

Nemaya 13:28

A lele lo ŋwajik ti Yoyada ŋuro lo Eliasiba koane duma gwe a komonit lo Sanabalat lo Koron; nyena a naniŋge rikokin lepeŋ koyo ni.

Yuörö 19:6

a ta mo gwe köyö a koanejin ti mor, ko a jur lo gelwe a loke. Kilo a kulyaesi logon do ködyö jamakin Ŋutu ti Yisaraele.

Yuörö 22:31

Ta ködyö geluŋdya ’börik a Ŋutu kwe loke; nyenagon ta ködyö ti nyesu lokore na koa ko gwuruŋin; ama ta ködyö gubakin ’dioŋin.

Yuörö 34:16

a ta mo joŋgi ŋwajik kase a wate ti ŋwajik kasu, a ŋwajik kase nawate mo biryeni ’börik i ŋunyen kase gwoso kawutejin a togiraddi ŋwajik kasu i ŋunyen kase.

Yisaya 6:13

Ma ’di topuökit na ŋutu a pituŋdyö i lo jur, a se mo tukarani tukara koti, gwoso ködini logon a ri kode gwoso kite, logon kumut nanyit nyuŋ gwogwo ’dan na toköji ’e lepeŋ kak nu; nyena a kumut nanyit gwe a nyomot loke.

Lewi 21:15

an nye ko toluddya ŋwajik kanyit i kiden na ŋutu kanyit; kogwon nan a MATAT logon a geluŋdya lepeŋ kaŋo a loke lo.

Malaki 2:11

ŋutu ti Yuda a kamumulukak, a ŋo na mamana iŋge kona Yisaraele se ko Yerusalema; kogwon ŋutu ti Yuda a toluddya pirit nake na rurwan na MATAT na nyar nye na, se aje yemba ŋutu kakwakwasak ti ŋunyen lepelok.

Malaki 2:15

Ti gwon a nye ŋun togeleŋ logon a gweja se ko mugun ko kodudwo? A nye ’deke nyo? Nye ’de ’dekan nyomot kanyit ti ŋun. Nyenagon tini ta ti ’borik, ko ti lele ŋuto gwe ti mumulugga narakwan nanyit na toteton.

1 Korinto 7:14

Kogwon lalet logon ’bayin a kayupönit lo aje gelwe a lo Ŋun kogwon nakwan nanyit, a nakwan nagon ’bayin a kayupönit na iŋge gelwe a na Ŋun kogwon lalet lonyit, a ko ködyö ’bayin sona a Ŋwajik kasu ködyö gwe a paganojin, ama ko Ŋina kwe se gwe a ti Ŋun.

2 Korinto 6:14

Ko morakiŋdya ta ’börik i ŋutu logon a ko yubbö kilo. Löti lo rigwo se ko kulya narok bubulö mora ada? Parara se ko mudwe bubulö tojulin ada?

Nyökit 14:2

Kogwon ta logon a gweya na ŋutu logon a loke lo rurwan ko MATAT Ŋun losu, a MATAT aje wuluŋdyö ta i gwon a ŋutu kanyit lomoriot i kiden na gweyajin ti ŋutu liŋ logon gwon i na kak kulo.

Nyökit 7:6

Kogwon ta a gweya na ŋutu logon a gelwe a loke ti MATAT Ŋun losu, a MATAT Ŋun losu aje wuluŋdyö ta i kiden na gweyajin liŋ ti ŋutu logon gwon i na kak kulo anyen gwon a ŋutu kanyit lomoriot.

Yosua 22:15

A se ’duröki i ŋutu ti Rubena ko i ŋutu ti Gada, se ko i swöt lo kotumit na Manase i jur lo Gilada yu, a kulyani ko se adi,

Yosua 23:12

Kogwon ko ta ködyö a yitö bot, anyen morakiŋdya i pitönö ti ŋutu ti jurön logon a pitöki kasu kiden kulo, anyen ta totoyem, kweja adi ta yemuŋdya ŋutu wate kase a se yemaddi kasu;