Ejira 9:15 - Bibilia Buk na Ŋun nagon koti luŋu a

¹⁵ A, pon MATAT Ŋun lo Yisaraele, do logon a lo rigwo, kogwon yi kulo gwe a pitönö logon gwon Jörun gwoso i lo lor na. Mete, yi makulo katoronyak konut i komor. Lele ŋuto ’bayin logon bubulö gwo ’dan konut i komor kogwon kine kulya.

Ejira 9:15 ပူးပေါင်းရင်းမြစ်များ

Ejira 1:4

Ko ti pitönö ti ŋutu liŋ ti Yisaraele logon kata i piriton ka ’de ka ’de na gwoŋdi se kunu, ti ŋutu ti ŋinu pirit paraki parakin lepeŋat ko podo, ko dakap, ko toro ’bo, ko kisuk, ko yidin, koko ’dokesi nagon a ti tupalikan na töili a ti kadi na Ŋun na gwon Yerusalema yu.

Ejira 9:6

adi, Pon ŋun lio, nan gwon ko yu na kwe ko kujönö i ’bi ’yu na komor nio konut yu pon Ŋun lio, kogwon toronjin kaŋ aje ŋdi Jore a tu ki lwöŋgu kusik kaŋ, ko lyapesi kaŋ aje gwululuöddu ki.

Nemaya 9:8

a do iŋge ryö lepeŋ ko töili lo yupet konut i komor, a do aje teteŋdya tomoret ko lepeŋ, anyen tiŋdu nyakwa­riat kanyit jur lo ŋuto ti Kanana, ko ti Kiti, ko ti Amori, ko ti Periji, ko ti Yebusi, se ko ti Girigasi, a do aje koŋdya gwoso na milyeji do na, kogwon do a lo rigwo.

Saumajin 116:5

MATAT wowon konyen, ko a lo rigwo, iŋkoi, Ŋun likaŋ a kapitönit.

Saumajin 119:137

Pon MATAT, do a lo rigwo, kulya na ’duŋ do kune rigwo.

Saumajin 130:3

Ko do ŋon MATAT a kakenanit lo toronjin, a ŋuto gwe a ŋa ŋon MATAT, logon bubulö gwon a luitöt?

Saumajin 143:2

Ko ’duŋgö kulya kwe nan logon a köliŋönit ilot lo; kogwon konut i komor lele ŋuto ’bayin lo gwon jörun logon ’bak kulya.

Saumajin 76:7

Ama do lepeŋ kukujönörikin! Ŋa logon bubulö gwo ’dan konut i komor ko do a woran?

Yeremia 12:1

Pon MATAT, do a lo rigwo i diŋit nagon nan a wiwinya ko do nu, ama nan nyuŋ ’dek pipija kulya kwe konut i komor. Ko nyo nagon kulya ti ŋutu lorok tu ’bura? Iŋkoi, ko nyo nagon ŋutu kamumu­lukak si ’da ’bura?

Ejikele 33:10

Do ŋuro lo ŋuto, kulyani ko kötumit na Yisaraele adi, Ta ŋupi jambu adi, Lyaŋesi kaŋ se ko toronjin kaŋ gwon kayaŋ i kusik, a yi kakaŋi kakaŋu kogwon se, a yi ŋona bulöni bulö gwon jörun ada?

Ejikele 7:16

A ko kulye kase a rwosoddu a woki i merya, a se mo gwine gwoso gureki ti pirit na ’dir, ŋuto geleŋ gwi ko toron nanyit.

Daniele 9:14

Nyenagon do MATAT aje ’de ’ya riŋet ajo a joŋdi kayaŋ loki, kogwon do MATAT Ŋun likaŋ a lo rigwo i ŋo liŋ nagon do kökon, ama yi a ko yiŋ gworo ilot.

Lewi 26:40

Ama ko se a tuggö ŋonyan nase se ko ŋonyesi ti merenyejin kase i renya nase nagon se a renyari nan na, ko köti i wöröji nase a wok köyö,

Lewi 26:41

a nan wöröjine a wok kasu a joŋgi lepeŋat tojo i jur lo merok kase; nyena ko töilyet kase logon a ti ŋutu logon a ko yubbö nan kulo a tokoyokwe kak, a se iŋge ropakin ŋonyan nase;

Yoane 8:21

Köti a Yesu takiŋdye lepeŋat adi, Nan mo tutu, a ta mo ga ’yi nan, ama ta mo twatwa i toronjin kasu. Ta ti bulö tu i pirit nagon nan tu kata nu.

Yoane 8:24

ŋina a kwe nagon nan takiŋdye ta adi ta ködyö twatwa i toronjin kasu; kogwon ko ta a ko yuŋ adi nan nye lo, a ta mo twatwane i toronjin kasu.

Roma 10:3

Kogwon se ti den kiko logon Ŋun tiŋdu ŋutu i gwon rigwo kanyit i komor lo, a se gwe a ko tokoyokuŋdya ’börik kak ko lepeŋ i komor i kiko logon nye teteŋdi ŋutu i gwon rigwo lo, ama a se möŋi teteŋdya kiko lose anyen se gwon rigwo.

Roma 3:19

Yi a den adi ŋo liŋ nagon kilo Saresi a tuk kine a ti ŋutu lo ’debba kilo Saresi kulo, anyen ŋuto gwon ’bayin logon ’buruddu mugun kaŋo anyen ŋutu liŋ ti kak ’bukuluŋ gwon i putet lo non.

1 Korinto 15:17

A ko Kristo a ko topiyu, a yupet nasu ködyö gwe a po kana, ta nyuŋ gwon i toronjin kasu.

Yosua 22:15

A se ’duröki i ŋutu ti Rubena ko i ŋutu ti Gada, se ko i swöt lo kotumit na Manase i jur lo Gilada yu, a kulyani ko se adi,