Ejira 9:14 - Bibilia Buk na Ŋun nagon koti luŋu a

¹⁴ yi köti ködyö bubulö ’beleŋgu saresi kulök ada i toyemakin ko kulu ŋutu logon koŋdya manat gwoso kine? Do ködyö ti woran tojo do a tukaŋu yi, a yi tine pituŋdyö asut kode gwon Jörun le?

Ejira 9:14 ပူးပေါင်းရင်းမြစ်များ

Ejira 10:10

A koane Ejira gwo ’de gwo ’dan a kulyani ko lepeŋat adi, Ta aje lyapara i kiko loron i yemba na wate nagon ’bayin a gweyari nasu, a iŋge ’ya ’yu toron na Yisaraele.

Ejira 9:2

Kogwon lepeŋat ko ŋwajik kase a yemba kunie ŋwajik ti kilu Jurön a wate kase; nyena a kötumit na ŋutu loke iŋge polakiŋdya ’börik ko ŋutu ti kilu Jurön. A ŋutu kase temejik ko lokukwön gwe a kasuluwak ti kine kulya narok.

Ejira 9:8

Nyena soŋinana pon MATAT Ŋun likaŋ, do a kwekiŋdya yi ’busan diŋit a na ’dit i kölökiŋdyö na yi a pitönö ti ŋutu, ko a ’bikikiŋdyö yi kaluti a monowet nikaŋ i pirit nake na rurwan inot, anyen do pon Ŋun likaŋ, böŋö ŋaŋa konyen kaŋ a loke i torujö na yi madaŋ kayaŋ i to ’dupien.

Nemaya 13:18

’Bayin a merenyejin kasu ŋona lo koŋdya sona, ko ’bayin a Ŋun likaŋ lo tiŋdu yi kune ŋo narok liŋ kayaŋ loki ko i na köji le? Ama ta köti yöŋö joŋdya nene woran ludukötyo i Yisaraele ko kulya ti köŋu na lor lo sabata.

Yuörö 23:32

Ta ti teteŋdya tomoret ko kilo Ŋutu kode ko ŋunyen kase kwoŋ.

Yuörö 32:10

nyena soŋinana kölöki nan, anyen woran nio tulekin pape kase loki, anyen nan ködyo tototum lepeŋat a nan tetenakiŋdye do a jur duma lo Ŋutu.

Yisaya 1:9

Ko ködyö MATAT lo kurumi a ko kolokin yi a pitönö ku ’dik, a yi ködyö gwe gwoso Sodoma, a yi worani gwoso Gomora.

Yeremia 44:9

Ta ŋona aje böŋö ŋonyesi ti merenyejin kasu, ko ŋonyesi ti moran ti Yuda, ko ti wate kase ko ŋonyesi kasu, ko ti wate kasu nagon se a kon i jur lo Yuda ko i kikolin ti Yerusalema kune le?

Yeremia 46:28

Nan MATAT lo kulya adi, Ta kötumit na Yakobo köliŋönit lio, an ta ko kujönö ta, kogwon nan gwon ko ta. Nan mo totogirökin jurön liŋ logon nan aje riköddu ta kata kulu, ama a nan mo tine togirökiŋdyö ta. Nan mo ti kölörö ta i tu kana ’bak riŋa, ama nan mo ririŋ ta ko temet na gwon jojo.

Ejikele 6:8

Ama nan mo pipitökin kulye ŋutu kasu jörun, anyen na toreki ’e ta i jurön nu, a ta mo gwe ko kulye logon a pesaddu kaŋo i tatua lo gwon i kiden na gweyajin ti ŋutu kulu.

Kenet 16:21

Koruŋdye ta ’börik kaŋo i ŋina momoret kiden, anyen nan tutuŋgö se ’de ’de kijek.

Kenet 16:45

ŋiörö ta kaŋo i kiden na ŋina momoret, anyen nan tutupöddu lepeŋat ’de ’de kijek. A se ’do ’done kak rupu.

Yoane 5:14

A i mukok na Ŋina, a Yesu ryeji ŋutolo i Kadi na Ŋun, atakiŋdye lepeŋadi, Meddi, do soŋinana aje tokela; koloki toroŋdya, an nene po naron Iwolwoŋ nina pokin konut.

Roma 6:1

A yi kirut mo kulyani ada? Ti yi yeŋe gwon i toron anyen ’busan na nyaŋu na Ŋun boŋo babaraŋdu le?

Nyökit 9:14

Kö-löki nan, anyen nan böŋö tukaŋu se, a nan bubutörö karin kase kaŋo i kak ni; a nan mo pipiluŋdye kaŋo konut lele gweyari lo ŋutu logon lwölwöŋ se i tojore ko i riŋit.

Nyökit 9:8

Kegga ta aje towoŋa MATAT Orebe yu, a MATAT iŋge woran ko ta i tukaŋu na ta.

Ka’duŋök 2:2

a ta köti ködyö tine teteŋdya nene tomoret ko ŋutu ti lo jur; a ta duŋge kak piritön kase ’yuresi ti rubaŋgajin. Ama ta a ko yiŋga gworo lio. Na ŋo a nyo nagon ta a kon?