Ejira 8:35 - Bibilia Buk na Ŋun nagon koti luŋu a

³⁵ A kirut ŋutu lo yitwe kase i jur i mukök na to ’dupien kulo wukiŋdye Ŋun lo Yisaraele rubaŋgajin lo ’yu ’yura ’buluŋ a ti Yisaraele liŋ. Se a wukiŋdya öwönin puök wot murek, ko lopijoki merya buŋwan wot buker, ko yisi merya buryo wot buryo, ko melon puök wot murek a ti rubaŋga lo toron; kine liŋ a ti rubaŋgajin lo ’yuraki MATAT ’buluŋ.

Ejira 8:35 ပူးပေါင်းရင်းမြစ်များ

Ejira 2:1

Kilo a ŋutu ti mödöria na Yudalo yitwe i to ’dupien. Lepeŋat a kulye kase logon Nebukadanesar mor lo Babela köju a momokara a joŋgi tojo ko jur lo Babela. Kilo ŋutu a yitwe Yerusalema ko Yuda, ŋutu liŋ geleŋ geleŋ kase i köjinö.

Ejira 6:17

A i diŋit ’boriet na ŋina kadi na ŋun a se wukiŋdye dwönin mia geleŋ, ko lopijoki miajin murek, ko yisi miajin iŋwan, köti a se wukiŋdye melon puök wot murek a ti rubaŋga lo toron lo Yisaraele liŋ, gwoso i kenet na kötumitön ti Yisaraele.

Ejira 8:34

A ŋo liŋ iŋge kena ko a tema, a temesi kase liŋ geleŋ geleŋ iŋge wuröki kak i ŋinu diŋit.

Kenet 7:27

dwöt geleŋ lo ’dit, ko lopijot geleŋ, ko kilolor mönik geleŋ logon ko kiŋa geleŋ, a ti rubaŋga lo ’yu ’yura ’buluŋ;