Ejira 8:22 - Bibilia Buk na Ŋun nagon koti luŋu a

²² Kogwon köju nan gwe ko yu na kwe i pija na mor anyen parakiŋdya yi ko teŋ na kamorok ko kajoŋak ti kusanjin, anyen gaju yi ko merok i kiko likaŋ; kogwon yi ’beron aje takin mor adi, Könin lo Ŋun likaŋ a lo ’but i parakiŋdya na se liŋ lo ga ’yu lepeŋ kulo, a riŋit na woran nanyit moroni moro ko ŋutu liŋ lo ko ’yu lepeŋ kulo.

Ejira 8:22 ပူးပေါင်းရင်းမြစ်များ

1 Dekat 28:9

Nyenagon do Solomona ŋuro lio, dene den Ŋun lo munyi, ko kitakiŋdye lepeŋ ko ’dekesi ti töili ilot liŋ; kogwon MATAT ŋga ’yu töilyet ti ŋutu liŋ ko deden kikolin yeyeesi kase liŋ. Ko do ga ’yu lepeŋ, lepeŋ de kwekwekin mugun konut; ama ko do a kölökin lepeŋ nye mo papa do asut.

2 Dekat 15:2

a nye iti i rum ko Asa, a kulyani ko lepeŋ adi, Yiŋge ta nan Asa ko kotumit na Yuda se ko na Benyamina liŋ. MATAT gwon ko ta na gwoŋdi ta ko lepeŋ na; ko ta ga ’yu lepeŋ, lepeŋ de kwe kweyun mugun kaŋo; ama ko ta a ko ’yu lepeŋ a lepeŋ köti de kolokiŋdye ta.

2 Dekat 16:9

Kogwon konyen kanyit woŋu swötön liŋ ti kak anyen kwekiŋdya riŋit nanyit i parakiŋdya na ŋutu logon toilyet kase twoju lepeŋ kulo. Do aje koŋdya na ŋo ko tu ’böŋön; nyena suluja soŋinana tojo ko ŋerot do mo gwon ko moro.

Ejira 7:28

Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 7:6

Ŋilo Ejira a ŋiörö kaŋo Babela. Lepeŋ a kawurönit lo deden saresi ’bura logon MATAT Ŋun lo Yisaraele köju a tikin Mose kulu; a mor rukökiŋdye lepeŋ ŋo liŋ nagon nye a pi kune, kogwon könin lo MATAT Ŋun lonyit gwon i parakiŋdya na lepeŋ.

Ejira 7:9

kogwon nye aje ŋien Babela i lor geleŋ lo yapa togeleŋ, a nye ’duröki Yerusalema i lor geleŋ lo yapa tomukanat, kogwon könin lo ’but lo ŋun lonyit gwon i parakiŋdya na lepeŋ,

Ejira 8:31

A i perok puök wot murek ti yapa lo kokwe, a yi ŋiörö kaŋo i kare Awa anyen tu Yerusalema; a könin lo ŋun likaŋ gwe kayaŋ i lwöggu na yi i könisi ti merok ko ti karyakak i kiko.

Nemaya 2:9

A kirut nan ’duröki ko mödirön lo gwon i mödöria na gwon i nu pele na kare Perat kulu, a wukiŋdye lepeŋat waragalan ti mor. A mor iŋge sonyoddu nan i pirit na geleŋ ko temejik ti kamörök se ko kamörök lo wörö ko kusanjin.

Saumajin 20:8

Se mo nyökwe kak a ’do ’done ’do ’do; ama yi mo ŋiŋien ko gwogwo ’dan gwogwo.

Saumajin 34:22

MATAT lwökundyö köliŋönök kanyit; a lele lose gwe ’bayin logon wokun ko lepeŋ i ’dana, logon kulya kanyit mo ’du ’duŋöki arabat.

Saumajin 90:11

Lon ŋuto logon deden riŋit na woran inot ko ŋoma inot, anyen nye kugga do gwoso nagon jujukin na?

Delyasi 3:25

MATAT a lo ’but i ŋutu logon möŋdu lepeŋ kulo, nye a lo ’but i se liŋ logon ga ’yu lepeŋ.

Roma 8:28

kogwon yi deden adi ŋutu logon nyanyar Ŋun, logon nye a luŋun gwoso i yeyeet nanyit kulo, Ŋun kikita ko se i ŋo liŋ i tetenakiŋdya na se ŋo na ’but.

1 Korinto 9:15

Ama nan bu ’ya mugun adi nan a ko kitari nene na kine ŋo nagon a ’buruki ŋutu lo tokujö Loŋe Lo ’but kilo. Nan köti a ko wuŋö kine kulya anyen kine ŋo tiki nan. Bia nan ködyö twatwan! Ti lele ŋuto gwe ti joŋga bu ’ya nio na mugun adi a ŋo kana.

2 Korinto 7:14

Kogwon ko nan ködyö pupurjata ko lepeŋ i komor, a ta gwe a ko tiŋdu kwe nio i yu. Ŋo liŋ nagon yi a jamakin ta kune a gwak, a pupurja nikaŋ na ta ko Tito i komor köti iŋge kurwe a gwak.

Ebere 10:38

Ama ŋuto lio lo löti lo rigwo lo mo gwon jörun ko nye a yubbö, ama ko nye a kukutörö bot a nan mo tine lyöŋgi lepeŋ.

Yosua 22:16

Momoret ’bukuluŋ na MATAT a kulya sona adi. Na toron a nyo nagon ta a konakin Ŋun lo Yisaraele na i löpuköddu kaŋo i lo lor i keŋoddu na MATAT, i dipaki-ŋdya na ’börik pirit ’yuret na rubaŋgajin i lo lor, anyen ta renya MATAT na?

Yosua 23:16

ko ta ködyö a la ŋgu tomoret na MATAT Ŋun losu nagon nye a sarakin na, anyen tu i kitakiŋdya na kulye ŋunyen, i dulakiŋdya na ’börik kak kase i komor i twöju na se; nyena a woran na MATAT mo tuleki kasu loki, a ta mo tukarajine kaŋo ’de ’de i lo jur lo ’but logon nye a tin ta lo.

1 Petero 3:12

Kogwon Matat meddya ŋutu lo rigwo, a lepeŋ gwe ajo i yiŋga na kwakwasesi kase; ama komor na Matat gwon a natun ko ŋuto lo koŋdya arabat.