Ejira 8:15 - Bibilia Buk na Ŋun nagon koti luŋu a

¹⁵ A nan iŋge tunakin lepeŋat nyona ko kare lo ’do ’dokon tojo Awa, a yi monuŋdye nyu perok musala. A na keŋdi nan ŋutu se ko koanejin nu, a nan tine ryo lele ŋuto lo kotumit na Lewi.

Ejira 8:15 ပူးပေါင်းရင်းမြစ်များ

Ejira 7:24

Yi köti a kwekiŋdya ta adi ta ködyö ti Jukin luŋgu usur, ko ’buggö na murut, ko dakesi ti kak i lele lo koanejin, kode i Lewijin, ko i kayolok, ko i katiyuk ti kötumitön, se ko i kakitak ti kadi na Ŋun.

Ejira 7:28

Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 7:7

A i kiŋa toburyo lo mor Aretasaseta, a kulye ŋutu ti Yisaraele, ko ti koanejin, ko ti Lewijin, ko ti kayolok, ko ti katiyuk ti kötumitön se ko ti kakitak ti kadi na ŋun iti Yerusalema,

Ejira 8:14

Ko Utai ko Takur a ti kotumit na Bigewai, ko kulye logon ko lepeŋat kulo a ŋutu lyan merya buryo.

Ejira 8:16

A kirut nan soŋdi ŋutu i luŋgu na Eliejer, ko Ariele, ko Semaya, ko Elenatana, ko Yariba, ko Elenatana, ko Natana, ko Takaria, ko Mesulam, kilo a ŋutu temejik, se ko Yoyariba ko Elenatana logon deden kulya.

Ejira 8:2

Kweja adi, Geresom a lo kötumit na Pinasa; ko Daniele a lo kötumit na Itamar; ko Katusa nyakwari lo Sekania a lo kötumit na Dawidi;

Ejira 8:21

A kirut nan laije kulya ti miŋdya nyu i kare Awa, anyen yi kodyo boŋo tokoyogga ’borik ko Ŋun likaŋ i komor, anyen yi jojo galuŋdya ko lepeŋ kiko likaŋ lo torigwo, ko lo ŋwajik kaŋ, ko lo toro ’bo kaŋ liŋ.

Ejira 8:31

A i perok puök wot murek ti yapa lo kokwe, a yi ŋiörö kaŋo i kare Awa anyen tu Yerusalema; a könin lo ŋun likaŋ gwe kayaŋ i lwöggu na yi i könisi ti merok ko ti karyakak i kiko.

Saumajin 137:1

I Jur lo Babela yu yi a si ’da kak nyona ko karya, a yi gwine gwien na yiyiundye yi Siona nu.

Ejikele 1:1

I kiŋa tomerya musala, i perok mukanat ti yapa toiŋwan, na gwoŋdi nan koane Ejikele, ŋuro lo Busi i pirit na geleŋ ko ŋutu lo Joŋa i to ’dupien nyona ko kare Kebar nu, a ’dikolo iŋge ŋai, a nan iŋge meddya kulya ti Ŋun koyo i toili.

Ejikele 3:15

A kirut nan ’duröki ko ŋutu lo joŋa i to ’dupien kulo Tel-abiba yu, logon si ’da nyona ko kare Kebar. A nan iŋge si ’da ko lepeŋat i pirit na geleŋ ko perok buryo wawanya ’bak jambu.

Konesi 16:13

A i lor lo Sabata, a yi lupundye kaŋo i kötumit na mariŋ na köji nyona ko kijit na kare. Yi yeyeju adi pirit kwakwaset ŋona kata nyu. A yi si ’dani kak i jambu ko wate nagon a momorakiŋdya nyu kunu.