Ejira 8:1 - Bibilia Buk na Ŋun nagon koti luŋu a

¹ A kilo gwe a kusik ti kötumitönti merenyejin kase gwoso i yuŋwe nase, logon a po kapo ko nan i Jur lo Babela, i diŋit na gwoŋdi Aretasaseta a mor nu.

Ejira 8:1 ပူးပေါင်းရင်းမြစ်များ

1 Dekat 24:31

A kilo ŋutu köti logon a kusik ti kötumitön ti merenyejin geleŋ geleŋ kulo, mona ko lupasirik kase logonika, gumbe guralan ko mor Dawidi i komor, ko i komor na Sadok, ko Akimelek, ko kusik ti kötumitön ti merenyejin ti koanejin ko ti Lewijin, gwoso na koŋdi lupasirik kase logon a nyakwariat ti Arona kulo.

1 Dekat 26:32

a mor Dawidi wuluŋdye Yeriya se ko lupasirik kanyit logon a ŋutu walan aliŋan murek ko miajin buryo, kilo köti a kusik ti kötumitön ti merenyejin kase. A nye tikiŋdye se i meddya na kötumit na Rubena ko na Gada se ko swöt lo kötumit na Manase, kogwon ŋo liŋ na gwon kata a ti Ŋun ko a ti mor.

1 Dekat 4:33

se ko turön kase lo ’di ’dik liŋ logon gwon nyona ko kinu köjinö teŋ ko Bala. A kine gwe a piritön kase si ’daesi, a se gwe ko denesi ko koresi ti nyakwariat kase.

1 Dekat 9:1

Nyena a Yisaraele liŋ kenani kena ko nyakwariat kase; a wurö-kine i Buk na Moran ti Yisaraele. A Yuda iŋge joŋa Babela i to ’dupien, kogwon lepeŋat a kalaak.

1 Dekat 9:34

A kilo gwe a kusik ti kötumitön ti merenyejin kase logon a Lewijin, gwoso i nyakwariat kase, a se gwe a temejik, a se si ’dani Yerusalema.

2 Dekat 26:12

A kenet ’bukuluŋ na kusik ti kotumiton ti merenyejin logon a walan gwe a alipan murek ko miajin buker.

Ejira 1:5

A kirut kusik ti kotumiton ti merenyejin logon a ti Yuda ko ti Benyamina, ko koanejin se ko Lewijin poki i teteŋdya na ’borik, kilo a ŋutu logon ŋun a toŋiju yeyeesi kase anyen tu nyoggu ’duggo kadi na MATAT na gwon Yerusalema yu.

Ejira 2:2

Lepeŋat a moruŋdya ko Jerubabela, ko Yesu a, ko Nemaya, ko Seraya, ko Relaya, ko Mordekai, ko Bilisan, ko Misepar, ko Bigewai, ko Rekum, ko Bana. A ŋina gwe a kenet na ŋutu lyan ti Yisaraele:

Ejira 2:3

kweja adi nyakwariat ti Parosa gwe a ŋutu aliŋan murek ko mia geleŋ ko merya buryo wot murek.

Ejira 2:62

Kilo ŋutu a ga ’yu karin kase i kiden na wuret na nyakwa­riat ti merenyejin kase, ama a lepeŋat gwe a ko ryo karin kase nyu. Nyena a se iŋge gelaji kaŋo ko koanejin kiden gwoso ŋutu logon ’bayin a loke i kulya ti keri.

Ejira 7:13

Nan a tiŋdu saret adi ŋutu liŋ ti Yisaraele, ko koanejin kase, se ko Lewijin logon gwon köyö i tumatyan kulo, ko se ködyö a wuluŋdyö tu Yerusalema se bubulö tu ko do i pirit na geleŋ.

Ejira 7:28

Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 7:6

Ŋilo Ejira a ŋiörö kaŋo Babela. Lepeŋ a kawurönit lo deden saresi ’bura logon MATAT Ŋun lo Yisaraele köju a tikin Mose kulu; a mor rukökiŋdye lepeŋ ŋo liŋ nagon nye a pi kune, kogwon könin lo MATAT Ŋun lonyit gwon i parakiŋdya na lepeŋ.

Ejira 7:7

A i kiŋa toburyo lo mor Aretasaseta, a kulye ŋutu ti Yisaraele, ko ti koanejin, ko ti Lewijin, ko ti kayolok, ko ti katiyuk ti kötumitön se ko ti kakitak ti kadi na ŋun iti Yerusalema,

Ejira 8:2

Kweja adi, Geresom a lo kötumit na Pinasa; ko Daniele a lo kötumit na Itamar; ko Katusa nyakwari lo Sekania a lo kötumit na Dawidi;