Ejira 7:9 - Bibilia Buk na Ŋun nagon koti luŋu a

⁹ kogwon nye aje ŋien Babela i lor geleŋ lo yapa togeleŋ, a nye ’duröki Yerusalema i lor geleŋ lo yapa tomukanat, kogwon könin lo ’but lo ŋun lonyit gwon i parakiŋdya na lepeŋ,

Ejira 7:9 ပူးပေါင်းရင်းမြစ်များ

Ejira 7:28

Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 7:6

Ŋilo Ejira a ŋiörö kaŋo Babela. Lepeŋ a kawurönit lo deden saresi ’bura logon MATAT Ŋun lo Yisaraele köju a tikin Mose kulu; a mor rukökiŋdye lepeŋ ŋo liŋ nagon nye a pi kune, kogwon könin lo MATAT Ŋun lonyit gwon i parakiŋdya na lepeŋ.

Ejira 7:8

A Ejira poŋdi Yerusalema i yapa tomukanat lo kiŋa toburyo lo mor;

Ejira 8:18

Nyena kogwon könin lo ’but lo Ŋun likaŋ a parakiŋdya yi, lepeŋat a jakiŋdya yi ŋuto lokoŋ lo nyakwariat ti Makeli, ŋuro lo Lewi, ŋuro lo Yisaraele, logon karin kanyit a Serabia, ko ŋwajik kanyit lyan ko luŋasirik kanyit a ŋutu puök wot budök;

Ejira 8:22

Kogwon köju nan gwe ko yu na kwe i pija na mor anyen parakiŋdya yi ko teŋ na kamorok ko kajoŋak ti kusanjin, anyen gaju yi ko merok i kiko likaŋ; kogwon yi ’beron aje takin mor adi, Könin lo Ŋun likaŋ a lo ’but i parakiŋdya na se liŋ lo ga ’yu lepeŋ kulo, a riŋit na woran nanyit moroni moro ko ŋutu liŋ lo ko ’yu lepeŋ kulo.

Ejira 8:31

A i perok puök wot murek ti yapa lo kokwe, a yi ŋiörö kaŋo i kare Awa anyen tu Yerusalema; a könin lo ŋun likaŋ gwe kayaŋ i lwöggu na yi i könisi ti merok ko ti karyakak i kiko.

Ejira 8:32

A yi ’dure Yerusalema, a yi iŋge yukan nyu perok musala.

Nemaya 2:18

A nan nyönyökökindye lepeŋat gwoso nagon könin lo ŋun lio a parakiŋdya nan, ko köti kulya nagon mor a jamakin nan kune. A se kulyani adi, Ti yi suluje ta ’dukö. A se pakiŋdye ’börik i ŋina kita na ’but.

Nemaya 2:8

Köti waraga nagon jaki Asap katiyunit lo rudu lo mor, anyen lepeŋ tiŋdu nan kaden anyen tetenari kötumitön ti mariŋ na titiyu na kadi na ŋun, ko ti gorom nagon a mariŋ na köji, ko ti kadi nagon nan mo si ’da kata. A mor rukökiŋdye nan ŋo nagon nan a pi kunu, gwoso nagon könin lo ’but lo ŋun lio gwon köyö i parakiŋdya na nan.

Saumajin 80:18

Nyena a yi mo tine wuddya konut; toruje yi, a yi mo kwakwaddi do ’dindya karin kunök.

Yisaya 66:14

A ta mo meddi meddya, a töilyet kasu mo lyögi lyöŋön; a kuyu kasu mo bote botan gwoso döra; a mo denani adi riŋit nio na MATAT gwon ko kölipönök kwe, a tukagan nio gwe i merok kwe.