Ejira 7:28 - Bibilia Buk na Ŋun nagon koti luŋu a

²⁸ Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 7:28 ပူးပေါင်းရင်းမြစ်များ

Suluet 32:28

A ŋilu ŋuto kulyani adi, Karin kunök ti luŋu a Yakobo Köti kwöŋ, ama luŋu a Yisaraele, kogwon do a kupeja ko Ŋun se ko Ŋutu, a do iŋge te ’ya.

Suluet 43:14

Ti Ŋun Kabulönit lo ŋo liŋ tiŋdi lu ŋuto i won konyen ko ta, anyen nye böŋö yukukin ta lu luŋaser losu se ko Benyamina. Nyena ko nan tu ’bakala ko ŋwajik kwe a ti nan tu ’bakalani tu ’bakala.

Ejira 5:5

Ama a Ŋun lose iŋge won konyen ko temejik ti Yudayaki, a ko Tatena i gwe a ko togwo ’ya lepeŋat tojo ko kine kulya a ’durökin ko Dario, anyen ruket nase kodyo nyokwe ko waraga.

Ejira 7:14

Ko­gwon nan mor ko kajujuwak kwe buryo a soŋdu do i galuŋdya kapo kulya ti Yuda ko ti Yerusalema gwoso i saresi logon ŋun ilot a tikin do kulo.

Ejira 7:6

Ŋilo Ejira a ŋiörö kaŋo Babela. Lepeŋ a kawurönit lo deden saresi ’bura logon MATAT Ŋun lo Yisaraele köju a tikin Mose kulu; a mor rukökiŋdye lepeŋ ŋo liŋ nagon nye a pi kune, kogwon könin lo MATAT Ŋun lonyit gwon i parakiŋdya na lepeŋ.

Ejira 7:9

kogwon nye aje ŋien Babela i lor geleŋ lo yapa togeleŋ, a nye ’duröki Yerusalema i lor geleŋ lo yapa tomukanat, kogwon könin lo ’but lo ŋun lonyit gwon i parakiŋdya na lepeŋ,

Ejira 8:1

A kilo gwe a kusik ti kötumitönti merenyejin kase gwoso i yuŋwe nase, logon a po kapo ko nan i Jur lo Babela, i diŋit na gwoŋdi Aretasaseta a mor nu.

Ejira 8:15

A nan iŋge tunakin lepeŋat nyona ko kare lo ’do ’dokon tojo Awa, a yi monuŋdye nyu perok musala. A na keŋdi nan ŋutu se ko koanejin nu, a nan tine ryo lele ŋuto lo kotumit na Lewi.

Ejira 8:18

Nyena kogwon könin lo ’but lo Ŋun likaŋ a parakiŋdya yi, lepeŋat a jakiŋdya yi ŋuto lokoŋ lo nyakwariat ti Makeli, ŋuro lo Lewi, ŋuro lo Yisaraele, logon karin kanyit a Serabia, ko ŋwajik kanyit lyan ko luŋasirik kanyit a ŋutu puök wot budök;

Ejira 9:9

Kogwon yi kulo a ’dupi; ama do Ŋun likaŋ a ko kölökin yi i to ’dupien nikaŋ, ama do a kwekiŋdya yi nyaŋu inot nagon ti ’duddyö na i komor na moran ti Parasa i torujö na yi, anyen yi ’duggö kadi inot pon Ŋun likaŋ, anyen nyöggu teteŋdya piritön na kököröju, a do gwe a mariŋ nikaŋ nago i Yuda ko i Yerusalema.

Nemaya 1:11

Pon MATAT, böŋö ti swö kulök yiŋge kwasesi kwe nan kölipönit ilot, ko momolesi ti kölipönök kulök logon nyanyar twöju karin kunök kulo; nan momo ’yu do, tiŋdi nan kölipönit ilot komor na ’but i lo lor, tiki nan i ryeju na ’busan ko lo ŋuto i komor.

Nemaya 2:8

Köti waraga nagon jaki Asap katiyunit lo rudu lo mor, anyen lepeŋ tiŋdu nan kaden anyen tetenari kötumitön ti mariŋ na titiyu na kadi na ŋun, ko ti gorom nagon a mariŋ na köji, ko ti kadi nagon nan mo si ’da kata. A mor rukökiŋdye nan ŋo nagon nan a pi kunu, gwoso nagon könin lo ’but lo ŋun lio gwon köyö i parakiŋdya na nan.

Saumajin 109:12

Ti lele ŋuto gwe ’bayin logon töjulin ko lepeŋ; kode logon won konyen ko ŋwajik kanyit kikijikö.

Yona 3:7

A nye tiŋdi layiet anyen jamaki i kiden na ŋutu liŋ ti Ninewe adi, Nan mor se ko temejik kwe a saŋu adi, Ti lele ŋuto kode turu ’buti, kode teŋ na kisuk, kode na yidin gwe ti ’de ’deŋdya nene ŋo; ti se gwe ti nyesu, kode möju pioŋ,