Ejira 7:27 - Bibilia Buk na Ŋun nagon koti luŋu a

²⁷ Ti MATAT Ŋun lo merenyejin kaŋ purani pura, logon a tiŋdu yeyeet gwoso ŋina ko mor i töili anyen tokweleŋdu kadi nanyit na MATAT na gwon Yeru­salema nu.

Ejira 7:27 ပူးပေါင်းရင်းမြစ်များ

2 Dekat 31:8

A Kijikia se ko ŋutu kanyit lokukwon ko poŋdi i woŋu na ’domio kulu, a lepeŋat pupurje MATAT se ko ŋutu kanyit Yisaraele.

Ejira 6:22

A se koŋdi rorwe lo ambata nagon ’bak kape ko perok buryo ko lyöpön; kogwon MATAT a tiŋdu lepeŋat i lyöpön ko a löpukun töili lo mor lo Asura ko lepeŋat ni, anyen parakiŋdya lepeŋat i kita na kadi na Ŋun logon a lo Yisaraele.

Nemaya 2:12

A nan ŋine ŋien kwaje ko ŋutu ku ’dik i pirit na geleŋ; a nan gwe a ko takin lele ŋuto ŋo nagon Ŋun lio a tin köyö i töili a pariesi ti Yerusalema. A yi gwe a ko joŋga kunie kusanjin, ama nan geleŋ tuŋ lo wörö ko kusan.

Nemaya 2:8

Köti waraga nagon jaki Asap katiyunit lo rudu lo mor, anyen lepeŋ tiŋdu nan kaden anyen tetenari kötumitön ti mariŋ na titiyu na kadi na ŋun, ko ti gorom nagon a mariŋ na köji, ko ti kadi nagon nan mo si ’da kata. A mor rukökiŋdye nan ŋo nagon nan a pi kunu, gwoso nagon könin lo ’but lo ŋun lio gwon köyö i parakiŋdya na nan.

Nemaya 7:5

Nyena a Ŋun lio toyiyikiŋdye köyö i töili anyen nan momora ŋutu lokukwön, ko temejik, se ko ŋutu liŋ anyen wuwurö i karin ti merenyejin. A nan iŋge ryö buk wuret na merenyejin ti kilu ŋutu lo ŋiun a kokwe kulu, a nan iŋge ryö kine kulya a wuröki i lukata nanyit adi,

Yuörö 8:9

a Mose kulyani ko Paro adi, Böŋö wulökiŋdye nan diŋit nagon nan mumulukiŋdye do ko kölipönök kulök se ko Ŋutu kulök, anyen lo ’dokia böŋö tukaraji kaŋo konut ko i kadijik kunok lukata, anyen gwon i Supiri ka ’de.

Tolupesi 21:1

Toili lo mor gwon ko MATAT i könin gwoso kikolin ti pioŋ i melesen; a nye lopuköddi lepeŋ i pirit nagon nye ’de ’deggi gwoso pioŋ na ’bulöki i melesen.

Yisaya 60:13

A bulet na Libanon nagon a kaden ti saru, ko ti dardar, ko ti teasur mo jakine do, anyen gwon a tokwelenyesi ti pirit nio nake na rurwan; a nan mo tokweleŋdi pirit tökit na mokosi kwe.

Luka 7:5

kogwon lepeŋ nyanyar jur likaŋ a iŋge ’dukokiŋdyö yi kadi momoret.

2 Korinto 8:16

Tinate lo ŋun logon a tiŋdu Tito i gwon ko pusok i parakiŋdya na ta gwoso na gwoŋdi yi ko pusok na.

Pilipoi 4:10

Nan lyölyöŋön parik ko Matat i mugun kogwon i mukök na diŋit a najo ta a nyoggu yeyeju nasu na nan. Nan deden adi ta gwon i yeyeju na nan, ama ta ’bak komor na ’but i sunyukiŋdyö na nan nene ŋo.

Ebere 10:16

Matat lo kulya adi, Na a tomoret nagon nan mo tetenakin se i mukök na kilu perok, nan mo titin saresi kwe kase i töilyet, wurökiŋdye se kase i yeyeesi.

Ebere 8:10

Ama na a tomoret nagon nan mo tetenakin i kötumit na Yisaraele i mukök na kilu perok, nan Matat lo kulya; nan mo titin saresi kwe kase i yeyeesi, a wurökiŋdye se kase i töilyet, a nan mo gwe a ŋun lose, a se mo gwe a ŋutu kwe.

Yakobo 1:17

’Dokesi liŋ nagon Ŋun ’doggi ŋutu kune a na ’but. ’Dokesi nake liŋ po kak ki yu ko Ŋun Monye lo pararajin. Lepeŋ ŋupi gwon jojo ti löpuggö kwöŋ, lepeŋ ti gwon gwoso kolor nagon mimijörö a kölökiŋdye tölimöt.

Kweyatti 17:17

Kogwon Ŋun aje tin kase i töilyet i koŋdya na yeyeet nanyit, kweja adi anyen se gwon ko yeyeet geleŋ i tiŋdu na ŋilo gworoŋ kido nase saret, tojo ko kulyaesi ti Ŋun mo a temakiŋdya.