Ejira 7:25 - Bibilia Buk na Ŋun nagon koti luŋu a

²⁵ Nyena do Ejira, gwoso nagon Ŋun ilot a tiŋdu do kopon na, ti do wuluŋdye ŋutu kaliliyak se ko ka ’dupök, logon bubulö lilija kulya ti ŋutu liŋ i mödoria na gwon i nu pele na kare Perat, kweja adi se liŋ logon deden saresi ti Ŋun ilot; ama do ködyö totodin se logon ti den saresi ti Ŋun ilot kilo.

Ejira 7:25 ပူးပေါင်းရင်းမြစ်များ

Suluet 41:38

A Paro pipije kakitak kanyit adi, Yi bubulö ryeju lele ŋuto gwoso lo logon Mulökötyo lo Ŋun gwon ko lepeŋ i mugun le?

Suluet 41:39

Nyena a Paro kulyani ko Yosepa adi, Kogwon Ŋun a kwekiŋdya do kine kulya liŋ, kweja adi lele ŋuto ’bayin logon a lotolok ko a lokoŋ gwoso do.

1 Moran 3:28

a ŋutu lio ti Yisaraele yiŋge kulya ti ŋilo putet logon mor a lili lo; a se kujönöni kujönö mor, kogwon se a kurun adi koŋon na ŋun gwon kanyit i lilija na putesi.

2 Moran 17:27

A mor lo Asura kirut saŋi adi, Sonye ta lele lo koanejin logon ta a jon kaŋo nyu; ko ti lepeŋ iti i si ’da nyu, ko ti todiŋdye lepeŋat saresi ti ŋun lo ŋilu jur.

1 Dekat 22:12

Ka ’de tuŋ, ti MATAT tiŋdi do i gwon a lotolok ko a lo kuku ruŋdyö, anyen ko lepeŋ mo a tiŋdu do a kasaranit lo Yisaraele a do mo ’debbi saresi ti MATAT Ŋun ilot.

1 Dekat 23:4

A Dawidi kulyani adi, Ŋutu aliŋan merya murek wot iŋwan ködyö gwon a kamemetak ti kita na kadi na MATAT, a ŋutu aliŋan buker gwe a kasarak ko a ka ’dupök,

Ejira 10:4

Nyena ŋine ki, kogwon ŋina a kita inot, koyi köti kilo töggu do; gwe do a iŋgo ko kitani kita.

Ejira 6:6

Nyenagon do Tatena i mödir duma lo mödöria na gwon i nu pele na kare Perat, ko do Setar-bojena i, se ko laŋet inot na mödirön ti mödöria na gwon i nu pele na kare Perat, gwe ta pajo i kine kulya.

Ejira 7:10

Kogwon Ejira aje petakiŋdya töili lonyit i ga ’yu na saresi ti MATAT ko i koŋdya na se, ko i todinikiŋdyö na ŋutu ti Yisaraele saresi kanyit lo wurö se ko todinesi ti keri,

Ejira 7:14

Ko­gwon nan mor ko kajujuwak kwe buryo a soŋdu do i galuŋdya kapo kulya ti Yuda ko ti Yerusalema gwoso i saresi logon ŋun ilot a tikin do kulo.

Nemaya 9:3

A se gwo ’de kase i piritön a keŋdi buk na saresi ti MATAT ŋun lose ko saalan musala, a köti kunie saalan musala a se tuŋge toronjin a kwakwaddi MATAT Ŋun lose.

Saumajin 19:7

Saret lo MATAT a lo ’but liŋ, a toruje ködudwö. Todinet na MATAT a ’diri, a tokoŋ-gi ŋuto logon a ko den kulya.

Tolupesi 2:6

Kogwon MATAT nye lo tindu koŋon; a dendya se ko kurundyö na kulya suluundye kanyit.

Tolupesi 6:23

Kogwon saresi gwon gwoso lombo, a todinesi gwe gwoso parara, a kukuesi tojumisi gwe gwoso kiko lo tu i ru,

Malaki 2:7

Kogwon ŋutu yiyio jamesi ti koanejin, a se ga ’yi todinesi ko saresi lo jam lepeŋat kilo, kogwon se a luyökie kwe nan MATAT lo kurumi.

Matayo 13:52

A nye kulyani ko lepeŋat adi, Nyenagon katodinok liŋ ti Saresi ti Mose logon a todiniki kulya ti Tumatyan na Ki gwon gwoso monye ’baŋ logon ’dumuŋdya ŋo ludukö ko ti ’beron kanyit i pirit ’delet.

Marako 6:34

A nagon Yesu aje kiyuŋdya kaŋo i ki ’bo nu, a nye meddi lodir duma lo ŋutu, a nye wone konyen ko se kogwon se gwon gwoso yidin nagon ’bak kayukunit. A nye suluje todinikiŋdyö lepeŋat ŋo jore.

Nyökit 16:18

A ta ködyö tiŋdi ka ’duŋök ko katiyuk i turön kasu liŋ logon MATAT Ŋun losu titin ta kulo, gwoso i kötumi-tön kasu, a se mo ’duŋge putesi ti ŋutu rigwogwo.

Kolosai 1:28

Ŋilo a Kristo logon yi tokujöŋ kulya kanyit lo, i kukuju na ŋutu liŋ ko i todiŋdyo na Ŋutu liŋ ko koŋon ’bukuluŋ, anyen kwekiŋdya se liŋ geleŋ geleŋ ko Ŋun i komor gwoso Ŋutu lo wora kulo ko Kristo i mugun.

Yakobo 1:5

Ama ko lele losu a karakin kiden a koŋon nanyit gwe a na ’dit, ti nye pipije ŋun, a mo tiŋdi nye; kogwon Ŋun titiŋdu abur i ŋutu liŋ ’bak ririŋga.