Ejira 7:14 - Bibilia Buk na Ŋun nagon koti luŋu a

¹⁴ Ko­gwon nan mor ko kajujuwak kwe buryo a soŋdu do i galuŋdya kapo kulya ti Yuda ko ti Yerusalema gwoso i saresi logon ŋun ilot a tikin do kulo.

Ejira 7:14 ပူးပေါင်းရင်းမြစ်များ

Ejira 1:3

Ko ŋutu katwoyok ti ŋilu ŋun kata kasu kiden a ti Ŋun lose gwe ko lepeŋat, ko ti se iti tojo Yerusalema i jur lo Yuda, anyen tu nyoggu ’duggo kadi na MATAT Ŋun lo Yisaraele, lepeŋ a ŋun logon Yerusalema a köji nanyit.

Ejira 5:8

Yi takiŋdya do anyen do kodyo böŋö deden pon mor, adi yi a tu i jur lo Yuda, i kadi na ŋun duma. ŋinu kadi nyuŋ gwon i ’duko ko ŋurupö lobot, ko kaden a peta i gorom. ŋinu kita a kitarikin ko tirikwet, ko kita na könisi kase pupuru ’bura.

Ejira 6:12

Ti Ŋun logon a tiŋdu karin kanyit i kuön nyu lo, ti nye gubara kaŋo mor kode ŋutu lo koŋdya nene po i löpuggö na ŋilo saret, kode i köŋu na ŋinu kadi nanyit na gwon Yerusalema nu. Nan Dario a tiŋdu saret; ti agu konani kona ’bura.

Ejira 6:8

Köti nan a tiŋdu saret ko ta ködyö parakin kilo temejik ti Yudayaki ada i nyöggu na ’duggö na ŋina kadi na ŋun, adi ti ŋina kita ropani ko gurut ti usur nagon mödöria na gwon i nu pele na kare Perat a tikin mor kunu, ko ti ropari kilu ŋutu ’bukuluŋ ’bak jaran.

Ejira 7:15

Ko ti do koti joŋgi podo ko dakap nagon nan mor ko kajujuwak kwe a tiŋdu a ti tupalikan na töili ko Ŋun lo Yisaraele logon si ’da Yerusalema yu.

Ejira 7:28

Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 8:25

a nan iŋge temakiŋdya lepeŋat podo ko dakap se ko toro ’bo nagon mor, ko kajujuwak kanyit, ko temejik ti miri nanyit, ko ŋutu ti Yisaraele liŋ lo gwon nyu kulu a tiŋdu a ’dokesi ti kadi na Ŋun likaŋ.

Esetere 1:14

Kilo yumiat kanyit a ko Karsena, ko Setar, ko Ademata, ko Tarasisa, ko Merese, ko Marsena ko Memukan. Kilo ŋutu buryo a temejik ti miri lo jur lo Parasa se ko Madai logon bubulö ’dur ko mor i komor, ko a ŋutu ti kokwe ti tumatyan nanyit.

Yisaya 8:20

Tirikuni ta i yiŋga na saresi ko todinesi! A se ’diri jambi gwoso i lo kulyaet, logon baŋun nanyit na kak gwe ’bayin.

Daniele 2:47

A mor kulyani ko Daniele adi, ’Diri gwak ŋun ilot a Ŋun lo ŋunyen ko a duma lo moran, ko a kakweyanit lo Iwono, kogwon do a den kweja na Iwono.

Daniele 6:20

A na ’durökiŋdye lepeŋ i dili nagon Daniele gubaji kata nu, a lepeŋ luluje lulujö ko gworo lo delya adi. A, Daniele, köliŋönit lo Ŋun lo gwon jörun, Ŋun ilot logon do kitakiŋdya lepeŋ diŋitan liŋ lo ŋona ’diri kata ko riŋit nagon lwökuŋdye do ko kömiruöt i kutusen le?

Daniele 6:26

Nan a teteŋdya saret adi ti ŋutu ti tumatyan nio ’bukuluŋ ködyö böŋdi böŋdu, ko ti kujönöni Ŋun lo Daniele, kogwon lepeŋ a Ŋun lo gwon jörun, ko yeyeŋon ŋupi; tumatyan nanyit ti bulö tukara asut a tomoran nanyit mo gwe tojo ko ’dutet.

Jakaria 6:10

Wuji nene ŋo ko Keledai, ko Tobia, ko Yedaya logon koju a joŋa i to ’dupien, logon a yitwe i Babela kilo; ko iti i lu lor lo geleŋ lu tojo ko kadi na Yosia ŋuro lo Jepania.