Ejira 6:5 - Bibilia Buk na Ŋun nagon koti luŋu a

⁵ Köti ti toro ’bo ti kadi na ŋun nagon a tetena ko dakap ko pödö, nagon Nebukadanesar a joŋ kaŋo i kadi na Ŋun na gwon Yerusalema a yekaddi tojo ko Babela kune, ti nyoköjine bot tojo i kadi na ŋun na gwon Yerusalema nu, a do tiŋdi se geleŋ geleŋ kase i piritön i kadi na ŋun.

Ejira 6:5 ပူးပေါင်းရင်းမြစ်များ

2 Moran 24:13

a nye yekaddi kaŋo tukwörien na ’dela ti kadi na MATAT, ko tukwörien na ’dela ti kadi na mor; a nye gwagwalaggi toro ’bo liŋ logon a dakap lo gwon i kadi na MATAT, logon Solomona mor lo Yisaraele a teten kulu, gwoso na keŋ MATAT nu.

2 Dekat 36:10

A nye koŋdi ŋo nagon a naron ko MATAT i metet. A gwe sona i suluet na kiŋa, a mor Nebukadanesar soŋdi ŋutu i joŋdya na lepeŋ Babela ni, se ko tito nakwekwelen ti kadi na MATAT, a tiŋdi Sedekia luŋaser Yeyoyakin a mor lo Yuda ko lo Yerusalema.

2 Dekat 36:18

A mor yekaddi tito liŋ dumalak ko na ’di ’dik ti kadi na Ŋun Babela yu, ko tukworienjin ti kadi na MATAT, ko tukworienjin ti mor se ko ti ŋutu kanyit temejik.

Ejira 5:14

A mor Korese iŋge ’dumun kaŋo i kadi na ŋunyen Babela yu toro ’bo ti kadi na ŋun nagon a tetena ko dakap ko podo, a wukiŋdye se ko lele ŋuto karin kanyit a Sesebasar, logon nye a wulun a modir lo. Kine toro ’bo köju Nebukadanesar aje joŋ kaŋo i kadi na ŋun na gwon Yerusalema ni a iŋge yekaddu tojo ko kadi na ŋunyen na gwon Babela nu.

Yeremia 27:16

Köti a nan jambi ko koanejin se ko kulo ŋutu liŋ adi, Nan MATAT lo kulya adi, An ta ko yiŋga ta kulyaesi ti nebijin kasu logon kikiŋdyö ta kulo adi, Mete ta, ko diŋit a na ’dit tito ti kadi na MATAT mo nyönyökwe bot Babela yu, kogwon se kikiŋdyö ta kulya ’burönö.

Yeremia 52:19

A duma lo katiyuk joŋgi diköriöt, ko ta ’doka, ko kalabajin, ko yekesi ti kurök, ko togwi ’diesi ti lombojin, ko ’yulukutan ti bökur, se ko lulurön ’bu ’bukesi, kweja adi ŋo liŋ nagon a tetena ko dakap ko ŋo liŋ nagon a tetena ko pödö kune.

Daniele 1:2

A MATAT pakiŋdye Yeyoyakim mor lo Yuda ko Nebukadanesar i konisi, se ko kunie toro ’bo nagon a ti kadi na ŋun a lepeŋ joŋgi se i jur lo Sinar i kadi na ŋun lonyit, a tiŋdi kinu toro ’bo i kadi ’delet a ti ŋun lonyit.

Daniele 5:2

A naguŋ Belesasar aje waŋgu binyo nu, a lepeŋ tiŋdi saret anyen tito nagon a dakap ko tito nagon a pödö nagon monye lonyit Nebukadanesar a yekun kaŋo i kadi na MATAT Yerusalema yu kune ködyö jwejwe, anyen nye mor ko kimak, ko wate kanyit se ko julin köliŋönök kanyit nawate ködyö möju ko kine tito.