Ejira 6:22 - Bibilia Buk na Ŋun nagon koti luŋu a

²² A se koŋdi rorwe lo ambata nagon ’bak kape ko perok buryo ko lyöpön; kogwon MATAT a tiŋdu lepeŋat i lyöpön ko a löpukun töili lo mor lo Asura ko lepeŋat ni, anyen parakiŋdya lepeŋat i kita na kadi na Ŋun logon a lo Yisaraele.

Ejira 6:22 ပူးပေါင်းရင်းမြစ်များ

2 Moran 23:29

a i perok ti Yosia a Paro Neko mor lo Ejipeto iti ko mor lo Asura yu tojo ko kare Perat. A mor Yosia iti i teŋgu na lepeŋ; a Paro Neko tatuje lepeŋ Megido yu, na meddi nye lepeŋ nu.

2 Dekat 23:18

A Yoyada wuluŋdye ŋutu katiyuk ti kadi na MATAT logon memeta ko koanejin ko Lewijin. Dawidi köju a tiŋdu kilo ŋutu i meddya na kadi na MATAT a kita nase, anyen wukiŋdya MATAT rubaŋgajin lo ’yu ’yura ’buluŋ gwoso a wurö i saresi ti Mose; adi ti se wukiŋdye ko lyoŋon se ko yolo gwoso na yokije Dawidi köju nu.

2 Dekat 29:30

A mor Kijikia se ko ŋutu lokukwon saŋi Lewijin anyen yulukiŋdyo MATAT kolisi pupuresi gwoso i kulyaesi ti Dawidi ko ti Asap kametanit lo kulya na popo. A lepeŋat yo ’yi kolisi pupuresi ko lyoŋon, a se du ’ye ’borik kak a kwa­kwaddi kwakwaddu.

2 Dekat 30:21

A ŋutu ti Yisaraele lo gwon Yerusalema kulo koŋdi rorwe lo ambata nagon ’bak kape ko lyoŋon a duma parik perok buryo, a Lewijin ko koanejin pupurje MATAT temba i lor i yulukiŋdyo na lepeŋ ko ripiton kase liŋ.

2 Dekat 33:11

Nyenagon a MATAT sunyukiŋdye dumalak ti kamorok ti mor lo Asura i moro ko se, a woggi Manase ko jabadalan, a rereggi ko topot ti mölwö, a joŋgilepeŋ Babela.

2 Dekat 35:17

A ŋutu ti Yisaraele logon kata koŋdi rorwe lo Pasaka i ŋinu diŋit se ko rorwe lo ambata nagon ’bak kape ko perok buryo.

Ejira 1:1

A i kiŋa lo kokwe lo Korese moriŋ Parasa, a MATAT tonije yeyeesi ti Korese anyen kulyaet lonyit lo MATAT böŋö kökona gwoso na jambi Yeremia nu, anyen Korese mor lo Parasa tiŋdu lalyet i tumatyan nanyit liŋ. A kine kulya köti iŋge wuröki kak:

Ejira 6:1

A kirut mor Dario tiŋdi saret anyen kadi ’delet na wuresi ti ’beron gagala Babela yu.

Ejira 7:27

Ti MATAT Ŋun lo merenyejin kaŋ purani pura, logon a tiŋdu yeyeet gwoso ŋina ko mor i töili anyen tokweleŋdu kadi nanyit na MATAT na gwon Yeru­salema nu.

Nemaya 13:6

Ama i diŋit na konarikin kine kulya nu, a nan gwe ’bayin Yerusa­lema, kogwon i kiŋa tomerya musala wot murek na gwoŋdi Aretasaseta a mor lo Babela nu, nan a tu ko lepeŋ yu. A i mukök nanyit a nan pipije mor

Tolupesi 16:7

Ko MATAT a lyoŋgi konesi ti ŋuto, lepeŋ titindu ma ’di merok ti lu ŋuto i gwoŋ taliŋ ko lepeŋ.

Tolupesi 21:1

Toili lo mor gwon ko MATAT i könin gwoso kikolin ti pioŋ i melesen; a nye lopuköddi lepeŋ i pirit nagon nye ’de ’deggi gwoso pioŋ na ’bulöki i melesen.

Ejikele 23:23

kweja adi, kilo a ŋutu ti Babela, ko ŋutu liŋ ti Kaledea, ko ti Pekoda, ko ti Soa, ko ti Koa, mora ko ŋutu liŋ ti Asura, kweja adi, kilo a teton logon ŋwajik wate nyanyar, ko mödirön ko yumiat kase liŋ, ko temejik ti kamörök se ko ŋutu walan, se liŋ wörö ko kusanjin.

Matayo 26:17

A i lor suluet lo rorwe lo Ambata nagon ’bak Kape, a ŋutu kajujumuk kulo poŋdi ko Yesu ni, a pije adi, Do ’dek yi tetenakiŋdya do po liŋ ajo ya anyen do böŋö nyesu rorwe lo Pasaka?

Yoane 19:11

A Yesu waddi lepeŋ adi, Do ködyo ’bak kido nagon do koŋdi nan ko ködyö a ko tiki do ki yu, nyena ŋuto lo pakiŋdya nan konut i könin lo toron nanyit a duma bia parik,