Ejira 6:12 - Bibilia Buk na Ŋun nagon koti luŋu a

¹² Ti Ŋun logon a tiŋdu karin kanyit i kuön nyu lo, ti nye gubara kaŋo mor kode ŋutu lo koŋdya nene po i löpuggö na ŋilo saret, kode i köŋu na ŋinu kadi nanyit na gwon Yerusalema nu. Nan Dario a tiŋdu saret; ti agu konani kona ’bura.

Ejira 6:12 ပူးပေါင်းရင်းမြစ်များ

1 Moran 9:3

A MATAT kulyani ko lepeŋ adi, Nan aje yiŋ kwakwasesi kunök, ko momolesi kunök nagon do aje wukin köyö i komor kune; nan aje geluŋdya kadi nagon do aje ’duk ŋina a nake, ko nan aje tiŋdu karin kwe nyu ŋupi; a konyen kwe ko töili lio mo gwe nyu i diŋitan liŋ.

2 Dekat 7:16

Kogwon nan soŋinana aje wuluŋdyo ŋina kadi ko aje geluŋdya lepeŋ a nake anyen karin kwe gwon nyu ŋupi; a konyen kwe mo meddi ŋina kadi a töili liŋ mo yeyeji lepeŋ i diŋitan liŋ.

Ejira 6:13

A kirut Tatena i mödir duma lo gwon i nu pele na kare Perat, ko Setar-bojena i se ko lapet nase kulo koŋdi po liŋ ’bura gwoso i saresi ti mor Dario logon a sunyuki lepeŋat kulu.

Ejira 6:14

A temejik ti Yudayaki möröddi ŋerot ’bura i ’duggö nase gwoso i jujuwesi keyeesi ti nebi Kagai ko Takaria ŋuro lo Ido. A se tutuŋge ’duggö gwoso na sarakiŋdye Ŋun lo Yisaraele se nu, ko köti gwoso i saresi ti Korese, ko Dario, ko Aretasaseta mor lo Parasa.

Ejira 7:15

Ko ti do koti joŋgi podo ko dakap nagon nan mor ko kajujuwak kwe a tiŋdu a ti tupalikan na töili ko Ŋun lo Yisaraele logon si ’da Yerusalema yu.

Ejira 7:17

Nyena kune gurut do kodyo kitari ko tirikwet anyen gworori öwönin, ko lopijoki, ko yisi, se ko ’dokesi kase ti ’bolot ko rubaŋgajin ’bu ’bukesi kase, a do wukiŋdye se i pirit ’yuret na rubaŋgajin loki i kadi na Ŋun ilot na gwon Yerusalema yu.

Ejira 7:26

Nyena ko ŋuto logon ti twöju saret lo Ŋun ilot se ko lo mor, ti ripet ’dupökine lepeŋ ’de ’de, kode nye tatatua, kode nye riköji kaŋo i Jur, kode tito kanyit ’dumaji kapo ko lepeŋ, kode ŋona nye tiki i kadi rereket.

Esetere 8:14

Nyena a luyökie lo wörö ko kusanjin na wökön parik nagon a kitaesi ti kita na mor kulo wöki kaŋo ’de ’de, a ’demeji ’demeja gwoso i saret lo mor. A ŋilu saret iŋge koraki Susa na gwon i mariŋ nago lukata.

Saumajin 5:10

Pon Ŋun, ’duŋoki kulya kase adi se a lorok; ti ŋo mwonyit na yeye se na moke se; gubara se kano kogwon se a torondya parik a iŋge renya do.

Yuörö 20:24

Ta ködyö tetenakiŋdya nan pirit na rubaŋgajin nagon gweya ko liŋo, a ta ’yuŋe rubaŋgajin lo ’yura ’buluŋ i loki nanyit, ko rubaŋgajin kasu ti taliŋ, kweja adi yidin kasu ko dwönin kasu. Nan mo popo i ’boroja na ta i piritön liŋ nagon nan tiŋdu Ŋutu i yeyeju na karin kwe kata kunu.

Katokuönit 9:10

Kondi kita nagon könisi kulök a ryöun ko riŋit inot liŋ, kode a nyo; kogwon kita, kode yeyeet, kode dendya na kulya, kode koŋon ’bayin kak yu i ŋirit na mulökö nagon do tu kata nu.

Yisaya 60:12

Kogwon jur ko tumatyan dogon mo ti kitakiŋdya do; kulo mo twa arak a ŋo; a kulu jurön mo tukarani tukara asut.

Obadia 1:10

A do mo gwe ko yu na kwe a duma parik kogwon ŋonyan nagon a konaki kotumit na luŋaser ilot Yakobo na, a do mo ’dupojine kaŋo a tömönik,

Konesi 9:5

A lepeŋ waddi pija adi, Do a pa pon Matat? A gworo lo waddi adi, Nan a Yesu logon do sasan lo.

Nyökit 12:11

a mo gwe sona adi, ta ködyö joŋga ŋo liŋ nagoŋ nan a saŋi ta tojo ko nu pirit nagoŋ MATAT Ŋun losu mo wuwulun i tiŋdu na karin kanyit i gwolor yu nu; kweja adi ta ködyö joŋga rubaŋgajin kasu lo ’yu ’yura ’buluŋ, ko rubaŋgajin kasu, ko topuökisi kasu, ko ’dokesi kasu nagoŋ ta a wukin, ko ’dokesi kasu liŋ ti milye nagoŋ ta a milyekin tiŋdu MATAT kune.

Nyökit 12:5

Ama ta ködyö ga ’yu nu pirit nagoŋ MATAT Ŋun losu a wulökin ta i kötumitön kasu liŋ i tiŋdu na karin kanyit nyu nagoŋ a pirit gwiliŋit nanyit nu, a ta iti nyu;

Nyökit 16:2

a ta ködyö ’duŋökiŋdye MATAT Ŋun losu nene turu ’buti i teŋon ti yidin kode ti kisuk a rubaŋga lo Pasaka, i nu pirit nagoŋ MATAT mo wuwulun i tiŋdu na karin kanyit i si ’da nyu nu.