Ejira 5:5 - Bibilia Buk na Ŋun nagon koti luŋu a

⁵ Ama a Ŋun lose iŋge won konyen ko temejik ti Yudayaki, a ko Tatena i gwe a ko togwo ’ya lepeŋat tojo ko kine kulya a ’durökin ko Dario, anyen ruket nase kodyo nyokwe ko waraga.

Ejira 5:5 ပူးပေါင်းရင်းမြစ်များ

2 Dekat 16:9

Kogwon konyen kanyit woŋu swötön liŋ ti kak anyen kwekiŋdya riŋit nanyit i parakiŋdya na ŋutu logon toilyet kase twoju lepeŋ kulo. Do aje koŋdya na ŋo ko tu ’böŋön; nyena suluja soŋinana tojo ko ŋerot do mo gwon ko moro.

Ejira 7:28

Ti lepeŋ purani pura logon a yatakin nan i komor na mor, ko kajujuwak kanyit, se ko ŋutu temejik liŋ ti miri na mor ko nyaŋu nanyit nagon ti ’duddyö kwöŋ. A könin lo MATAT Ŋun lio togo ’yi nan, a nan momoji ŋutu temejik ti Yisaraele anyen moraddu ko nan.

Ejira 7:6

Ŋilo Ejira a ŋiörö kaŋo Babela. Lepeŋ a kawurönit lo deden saresi ’bura logon MATAT Ŋun lo Yisaraele köju a tikin Mose kulu; a mor rukökiŋdye lepeŋ ŋo liŋ nagon nye a pi kune, kogwon könin lo MATAT Ŋun lonyit gwon i parakiŋdya na lepeŋ.

Ejira 8:22

Kogwon köju nan gwe ko yu na kwe i pija na mor anyen parakiŋdya yi ko teŋ na kamorok ko kajoŋak ti kusanjin, anyen gaju yi ko merok i kiko likaŋ; kogwon yi ’beron aje takin mor adi, Könin lo Ŋun likaŋ a lo ’but i parakiŋdya na se liŋ lo ga ’yu lepeŋ kulo, a riŋit na woran nanyit moroni moro ko ŋutu liŋ lo ko ’yu lepeŋ kulo.

Saumajin 32:8

Nan mo kwekindya do ko todinikindyö do kiko lo tiri do lu; nan mo jujuaddu do ko konyen kwe meddya do.

Saumajin 33:18

MATAT memet ŋutu logon kukuk lepeŋ kilo, iŋkoi, nye memet ŋutu logon yendu nyaŋu nanyit nagon ti ’duddyö kwöŋ na,

Saumajin 34:15

MATAT meddya i ŋutu lo rigwo, a lepeŋ gwe ajo i yiŋga na gwiesi kase.

Saumajin 76:10

’Diri woran na ŋutu mo ŋuŋuŋa do; do mo dukukindyö pitönö na woran konut i mugun.

Pilipoi 1:28

a merok kasu tine tokujoŋdu ta i nene ŋo. A ŋina kwekiŋdye lepeŋat adi se mo tutukara, a ta mo lwököni lwökö ŋina lwökit Ŋun lo tiŋdu.

1 Petero 3:12

Kogwon Matat meddya ŋutu lo rigwo, a lepeŋ gwe ajo i yiŋga na kwakwasesi kase; ama komor na Matat gwon a natun ko ŋuto lo koŋdya arabat.