Ejira 5:14 - Bibilia Buk na Ŋun nagon koti luŋu a

¹⁴ A mor Korese iŋge ’dumun kaŋo i kadi na ŋunyen Babela yu toro ’bo ti kadi na ŋun nagon a tetena ko dakap ko podo, a wukiŋdye se ko lele ŋuto karin kanyit a Sesebasar, logon nye a wulun a modir lo. Kine toro ’bo köju Nebukadanesar aje joŋ kaŋo i kadi na ŋun na gwon Yerusalema ni a iŋge yekaddu tojo ko kadi na ŋunyen na gwon Babela nu.

Ejira 5:14 ပူးပေါင်းရင်းမြစ်များ

2 Dekat 36:18

A mor yekaddi tito liŋ dumalak ko na ’di ’dik ti kadi na Ŋun Babela yu, ko tukworienjin ti kadi na MATAT, ko tukworienjin ti mor se ko ti ŋutu kanyit temejik.

2 Dekat 36:7

A Nebukadanesar köti yekaddi kunie tito ti kadi na MATAT tojo Babela, a tiŋdi se i kadi nanyit na mor Babela yu.

Ejira 5:15

A mor Korese iŋge jambu ko Sesebasar adi, Joŋe kine toro ’bo anyen tu tikin i kadi na ŋun na gwon Yerusalema nu, ko ti kadi na ŋun nyököni nyökö ’dukö kanyit i pirit.

Ejira 5:16

Nyena a ŋilo Sesebasar poŋdi po a suluje pipi ’yu kadi na ŋun na gwon Yerusalema; suluja i ŋinu diŋit tojo ko soŋinana nyuŋ gwon i ’dukö ko a ko tutuŋöki.

Ejira 6:5

Köti ti toro ’bo ti kadi na ŋun nagon a tetena ko dakap ko pödö, nagon Nebukadanesar a joŋ kaŋo i kadi na Ŋun na gwon Yerusalema a yekaddi tojo ko Babela kune, ti nyoköjine bot tojo i kadi na ŋun na gwon Yerusalema nu, a do tiŋdi se geleŋ geleŋ kase i piritön i kadi na ŋun.

Ejira 7:27

Ti MATAT Ŋun lo merenyejin kaŋ purani pura, logon a tiŋdu yeyeet gwoso ŋina ko mor i töili anyen tokweleŋdu kadi nanyit na MATAT na gwon Yeru­salema nu.

Tolupesi 21:1

Toili lo mor gwon ko MATAT i könin gwoso kikolin ti pioŋ i melesen; a nye lopuköddi lepeŋ i pirit nagon nye ’de ’deggi gwoso pioŋ na ’bulöki i melesen.

Yeremia 52:19

A duma lo katiyuk joŋgi diköriöt, ko ta ’doka, ko kalabajin, ko yekesi ti kurök, ko togwi ’diesi ti lombojin, ko ’yulukutan ti bökur, se ko lulurön ’bu ’bukesi, kweja adi ŋo liŋ nagon a tetena ko dakap ko ŋo liŋ nagon a tetena ko pödö kune.

Kagai 1:1

Kiŋa tomurek lo mor Dario, i lor geleŋ lo yapa tobuker, a kulyaet lo MATAT poki ko Jerubabela, nebi Kagai lo jamakiŋdya lepeŋ. Ŋilo Jerubabela a ŋuro lo Salatiele ko a modir lo Yuda. A koti jamakine Yosua, ŋuro lo Yosadak koane duma. Adi,

Kagai 1:14

A MATAT topuruŋdye yeyeesi ti Jerubabela ŋuro lo Salatiele, logon a modir lo Yuda, se ko yeyeesi ti Yosua ŋuro lo Yosadak koane duma, se ko yeyeesi ti pitono ti ŋutu lio; a se suluje nyoggu ’duggo kadi na MATAT lo kurumi logon a Ŋun lose,

Kagai 2:2

Pine ko Jerubabela ŋuro lo Salatiele modir lo Yuda, ko Yosua ŋuro lo Yosadak koane duma, ko pitono ti ŋutu liŋ adi.

Kagai 2:21

Tambi ko Jerubabela modir lo Yuda adi, Nan gwe nyona ko böŋdu na ki ko kak,

Konesi 13:12

A na meddi mödir kire ŋo i kona nu, a nye yubbe yubbo, a soŋi soŋu ko ŋo na todiniki lepeŋ i kulya ti Matat kune.