Ejira 4:15 - Bibilia Buk na Ŋun nagon koti luŋu a

¹⁵ anyen do bubulö tiŋdu ŋutu i ga ’yu na buk na wurorikin konesi ti merenyejin kulok. A do mo ryeji kulya na wuröki i Ŋina buk lukata, a do mo denuŋdye adi na köji a köji na karere­nyak nagon yöyoŋgu moran se ko modoriajin, koti kilo ŋutu ’beron a kato ’dorok ti miri. Nyena ko na kwe a ŋina köji köju a körö.

Ejira 4:15 ပူးပေါင်းရင်းမြစ်များ

2 Moran 24:20

A kine kulya iŋge ŋokin Yerusalema se ko Yuda kogwon se a towoŋa MATAT tojo ko nye a riköddu se kaŋo kanyit i komor.

2 Moran 25:4

A gorom nagon a mariŋ na köji iŋge Turo ko merok; a mor se ko kamörök liŋ wöki wökön kwaje a tiri kötumit na gwon i kiden na goro-ma murek, na gwon nyona ko melesen na mor, ma ’di nagon ŋutu ti Kaledea a lorga ŋinu köji. A se iti i kiko lo tu Araba.

Ejira 4:12

yi takiŋdya do anyen do ködyö boŋo deden pon mör, adi Yudayaki lo po konut yu kayaŋ ni kulo aje tu Yerusalema. Lepeŋat kulu nyoggu ’duggo nu köji na ŋutu lorok karerenyak; se koti kulu nyoggu ’duggo goroma nagon a mariŋ na köji a teteŋdi pipilesi kanyit.

Ejira 4:14

Nyena kogwon yi a nyesu ’balaŋ konut kadi pon mor, a tine jukin koyi a meddya ŋutu i lauŋdya na do pon mor, nyenagon yi a soŋdu ŋina waraga anyen toyiyikiŋdyo do pon mor,

Ejira 4:16

Yi a kwekin kine kulya i dena ko do pon mor, adi ko lepeŋat a nyoggu ’duggo ŋina köji ko a tutuŋgo gorom nagon a mariŋ nanyit, a do mo gwe ’bak tumatyan i modoria na gwon i nu pele na kare Perat.

Nemaya 2:19

Ama nagon Sanabalat lo Koron ko Tobia lo Amon ’dupiet se ko Gesem Arabityo ko yiŋge kine kulya, a se iŋge kweni ’ye yi a lauŋdye yi adi, Kine a kulya ti nyo na kon ta kine? Ta ’dek teteŋdya ’börik i mörö ko mor le?

Nemaya 6:6

I lukata na ŋinu waraga a wurö adi, Jurön liŋ aje yiŋ liŋio, köti Gesem a kulya sona adi do se ko Yudayaki kilo yeyeju lauŋdya mor; ŋina a kwe nagon do ’duŋge gorom nagon a mariŋ na köji; köti do ’de ’dekan gwon a mor lose, gwoso nagon a tuköri i kilo liŋio na.

Esetere 2:23

A kine kulya ko gelwene kaŋo a ryeni a gwak, a kilo ŋutu liŋ murek iŋge tolo ko nekenet. A kine ŋo iŋge wuro i Buk na Dekat ko mor i komor.