Ejira 3:7 - Bibilia Buk na Ŋun nagon koti luŋu a

⁷ A se ropakiŋdye ka ’bokak ti ŋurupö ko kakepak ti kaden gurut, a tiŋdi ŋutu ti Sidona se ko ti Turo kinyo, ko po na mamata ko welet, anyen Joŋdya kaden logon gwoso tika suluja Libanon tojo ko tor tojo Yaŋo, gwoso nagon Korese mor lo Parasa a rukökiŋdye se i koŋdya nu.

Ejira 3:7 ပူးပေါင်းရင်းမြစ်များ

2 Samuele 5:11

A Kiram mor lo Turo sonyoddi luyökie ko Dawidi yu joŋga kaden logon gwoso tika, se ko kakepak ti kaden ko ka ’dukök logon a ’dukö-kiŋdyö Dawidi kadi.

1 Moran 5:6

Nyenagon böŋö tiŋdi saret anyen kaden ti Libanon logon gwoso tika kulo böŋö tukuki nan, a kölipönök kwe mo mori ko kulök, a nan mo ropakiŋdye do ropesi ti kölipönök kulök gwoso do a tetenakin; kogwon do deden adi lele ŋuto ’bayin kayaŋ kiden logon deden toggu kaden gwoso ŋutu ti Sidona.

2 Moran 12:10

A gwe sona ko se aje met adi gurut gwe jore i nu saŋduk, a kawurönit lo mor se ko koane duma poni ŋo a keŋdi gurut nagon a rye i kadi na MATAT kune, a toŋi se i jurakan.

2 Moran 12:13

Ama kadi na MATAT a ko tetenaki kalabajin nagon a pödö, kode walya, kode diköriöt, kode toriot, kode kunie toro ’bo nagon a dakap, kode nagon a pödö, ko kinu gurut nagon a jwe i kadi na MATAT kunu,

2 Dekat 34:10

A lepeŋat ŋutukiŋdye kinu gurut i könisi ti kakitak logon a kametak ti kadi na MATAT; a kakitak logon kita i kadi na MATAT kitari se i teteŋdya na swötön ti kadi logon a kokoroju anyen gwon a ludukö.

Ejira 3:6

Suluja i lor geleŋ lo yapa toburyo a se suluje ’yurakiŋdya MATAT rubaŋgajin ’buluŋ, ama a kadi na MATAT gwe a ko nyuŋ sulua nyoko ’duko.

Ejikele 27:17

A ŋutu ti jur lo Yuda se ko ti jur lo Yisaraele iŋge po konut ni i tujaŋu, a jakiŋdye do ’bolot Minit yu, se ko ’bolot na rarayaka, ko siwatat, ko welet, se ko memelan nagon a winikö.

Yona 1:3

Ama a Yona ŋine ki yopo wökön Tarasisa i lwöggu na mugun kogwon kulya ti MATAT. A nye lulurara kak tojo Yaŋo, a nye ryeji ki ’bo logon tu Tarasisa; a nye robbi ki ’bo, a kije lukata, a moraddi ko ŋutu lo gwon i ki ’bo kulo anyen tu tojo Tarasisa, i lwöggu na mugun kogwon kulya ti MATAT.

Konesi 12:20

A Erode iŋge woran parik ko ŋutu ti Turo se ko ti Sidona. A se iti a teŋ geleŋ i meddya na lepeŋ. A lepeŋat tojuline ko Balasito duma lo mede na mor, a kirut lepeŋat iti ko Erode yu i teteŋdya na taliŋ, kogwon jur lose ryeju kinyo ko mor i jur.

Konesi 9:36

A nene ŋuto kajujumunit gwe kata Yaŋo karin kanyit a Tabita. (Tabita i kutuk na Giriki luŋu a Doruka, nagon nyönyökö adi Nyajwa.) Lepeŋ ŋupi gwon i parakiŋdya na ŋutu ko a ka ’dokanit na lomerika.

Konesi 9:38

Luda ko Yaŋo gwon nyona nyona, a na yiŋge kajujumuk adi Petero gwon Luda nu, a se soŋdi ŋutu murek i luŋgu na lepeŋ adi, Böŋo nyoŋgi po kayaŋ ni, an do ko karakin.

Konesi 9:43

A Petero iŋge si ’da Yaŋo yu ko perok jore ko lele ŋuto i ’baŋ logon a kaŋinyanit lo gobero, karin kanyit a Simona.