Ejira 3:5 - Bibilia Buk na Ŋun nagon koti luŋu a

⁵ A i mukök na kine a se wukiŋdye rubaŋgajin lo ’yu ’yura ti perok liŋ, ko ti wilun na yapala, ko i roriot liŋ lo wulwe a ti MATAT, se ko ’dokesi ti ŋutu liŋ lo ’dogga MATAT ko toilyet lo lilik.

Ejira 3:5 ပူးပေါင်းရင်းမြစ်များ

2 Dekat 31:14

A Kore ŋuro lo Yimena Lewityo, logon a katiyunit lo kotumit na gwon i swot lo ’yure, gwe a kameme­tanit lo ’dokesi ti tupalikan na töili nagon tiki Ŋun kune, anyen kökoroja ŋo nagon a wuki MATAT se ko ŋo nake na rurwan.

Ejira 3:6

Suluja i lor geleŋ lo yapa toburyo a se suluje ’yurakiŋdya MATAT rubaŋgajin ’buluŋ, ama a kadi na MATAT gwe a ko nyuŋ sulua nyoko ’duko.

Nemaya 10:34

Yi koti koane­jin ko Lewijin se ko ŋutu liŋ aje gumba guralan anyen kwekiŋdya kode ko ŋa logon kodyö joŋdya kaden nagon a ’dokesi i kadi na Ŋun likaŋ, gwoso i kötumitön ti merenyejin kaŋ, i diŋitan na wulwe temba i kiŋa, anyen nanama i pirit ’yuret na rubaŋgajin ti MATAT Ŋun likaŋ, gwoso nagon a wurö i saresi.

Yeremia 33:18

a koanejin Lewijin mo ŋupi gwe ko ŋutu logon po köyö i komor i wukiŋdya na rubaŋgajin lo ’yu ’yura ’buluŋ, ko i ’yuŋa na ’dokesi ti ’bolot, ko i wukiŋdya na rubaŋgajin ŋupi ŋupi.

Lewi 1:2

Tambi ko ŋutu ti Yisaraele, taki se adi, Ko lele ŋuto losu a wukiŋdya MATAT rubaŋga, a ta ködyö wukiŋdye ŋilo rubaŋga losu a toro ’bo logon a ’dumwe i teŋ na kisuk kode i teŋa yidin.

Lewi 1:3

A ko rubaŋga lonyit gwon a rubaŋga lo ’yu ’yura ’buluŋ lo ’dumwe i kisuk, a nye köbyö wukiŋdye mönik logon ’bak yuyuket; a nye tiŋdi lu mönik i kömit na kemia torumet, anyen MATAT böŋö ruruk ŋilo ŋuto;

Lewi 23:2

Kulyani ko ŋutu ti Yisaraele adi, Roriot lo wulwe ti MATAT logon ta ködyö tukökin adi se a pepenesi loke, iŋkoi roriot kwe lo wulwe makilo.

Kenet 28:14

A rubaŋgajin ’bu ’bukesi logon wuki ko lepeŋat i pirit na geleŋ kulo ködyö gwe a swöt lo temet nagoŋ a yin na binyo a ti dwöt, ko a swöt geleŋ na musala na yin na binyo a ti lopijot, ko a swöt na iŋwan na yin na binyo a ti kilolor; ŋilo a rubaŋga lo ’yu ’yura ’buluŋ logon a lo yapala liŋ geleŋ geleŋ temba i yapala ti kiŋa.

Kenet 28:19

ama a ta ’yurakiŋdye MATAT rubaŋga lo ’yu ’yura ’buluŋ, logon a dwönin lo ’di’dik murek, ko lopijot geleŋ, ko yisi mönikön buryo logon ko kiŋa geleŋ logon ta a met adi se ’bak yuyukesi.

Kenet 28:27

ama a ta ködyö wukiŋdye rubaŋga lo ’yu ’yura ’buluŋ anyen möara paleleŋ ko MATAT yu, logon a dwönin lo ’di ’dik murek, ko lopijot geleŋ, ko yisi buryo logon ko kiŋa geleŋ;

Kenet 29:13

A ta wukiŋdye rubaŋga lo ’yu ’yura ’buluŋ, logon ’yuraki MATAT anyen mon paleleŋ, logon a dwönin lo ’di ’dik puök wot musala, ko lopijoki murek, ko yisi mönikön puök wot iŋwan logon ko kiŋa geleŋ, logon ’bak yuyukesi,

Kenet 29:2

a ta ködyö wukiŋdye rubaŋga lo ’yu ’yura ’buluŋ anyen möara paleleŋ ko MATAT yu, logon a dwöt lo ’dit geleŋ, ko lopijot geleŋ, ko yisi mönikön buryo logon ko kiŋa geleŋ logon ’bak yuyukesi;

Kenet 29:39

A ta ködyö wukiŋdye MATAT kine ŋo i roriot kasu lo wulwe, a ti rubaŋgajin kasu lo ’yu ’yura ’buluŋ, ko a ti ’dokesi kasu ti ’bolot, ko a ti rubaŋgajin kasu ’bu ’bukesi, ko a ti rubaŋgajin kasu ti taliŋ, mora ko ’dokesi kasu ti milye ko ’dokesi kasu ti tupalikan na töili.

Kenet 29:8

Ama a ta wukiŋdye MATAT rubaŋga lo ’yu ’yura ’buluŋ anyen möara paleleŋ. Ŋilo rubaŋga a dwöt lo ’dit geleŋ, ko lopijot geleŋ, ko yisi mönikön buryo logon ko kiŋa geleŋ, logon ta a met adi se ’bak yuyukesi;

Nyökit 12:17

A ta ködyö tine nyesu topuökisi ti ’bolot kasu i turön kasu, kode ti binyo kasu, kode ti weletan kasu, kode kayujin ti teŋon kasu ti kisuk ko ti yidin, kode ’dokesi kasu liŋ ti milye nagoŋ ta a milyeji kune, kode ’dokesi kasu ti tupalikan na töilyet, kode ’dokesi na wukin ta kune;

Nyökit 12:6

a ta ködyö joŋgi rubaŋgajin kasu lo ’yu ’yura ’buluŋ nyu, se ko rubaŋgajin kasu, ko topuökisi kasu, ko ’dokesi nagoŋ ta a wukin, ko ’dokesi kasu ti milye nagoŋ ta a milyeji kune ko ti tupalikan na töilyet, ko kayujin ti teŋon kasu ti kisuk ko ti yidin;