Ejira 3:11 - Bibilia Buk na Ŋun nagon koti luŋu a

¹¹ A se yo ’yi pupuresi a tiŋdi MATAT tinate, i ’do ’yu ko i ruggö adi, Kogwon nye a lo ’but, kogwon nyaŋu nanyit ti ’duddyo kwop i Yisaraele. A ŋutu liŋ woŋoro ki parik i diŋit nagon se pupurje MATAT, kogwon kadi na MATAT aje piŋilu.

Ejira 3:11 ပူးပေါင်းရင်းမြစ်များ

1 Dekat 16:34

Tiŋdi ta MATAT tinate, kogwon nye a lo ’but; kogwon nyaŋu nanyit ti ’duddyö kwöŋ!

1 Dekat 16:41

A ko Eman ko Yedutun gwe i pirit na geleŋ ko lepeŋat, se ko kulye kase logon a wulwe ko karin anyen tiŋdu MATAT lyöŋesi, kogwon nyaŋu nanyit ti ’dud-dyö kwöŋ.

2 Dekat 5:13

A kakutak ti burugijin ko kayolok woŋoro ki i pirit na geleŋ i pupurja ko i tiŋdu na MATAT tinate. A se yoloddi parik ko woŋon na burugijin, ko re gwoesi se ko kunie tito gwoesi, i pupurja na MATAT adi, Kogwon nye a lo ’but, kogwon nyaŋu nanyit ti ’duddyo kwoŋ. A kirut ŋinu kadi nagon a na MATAT na iŋge jore ko luru,

2 Dekat 7:3

A na meddi ŋutu liŋ ti Yisaraele kimaŋ i ’duruun kak ko minyo lo MATAT i loki na kadi nanyit nu, a se dulakiŋdye ’borik kak rupu i loki na pirit nagon a linyo ko ŋurupö, a se kwakwaddi kwakwaddu, a tiŋdi MATAT tinate adi, Kogwon nye a lo ’but, kogwon nyaŋu nanyit ti ’duddyo kwoŋ.

Nemaya 12:24

A temejik ti Lewijin gwe a ko Kasabia, ko Serebia, ko Yeusa ŋuro lo Kadamiele, se ko luoasirik kase logon gwo ’dan komorga lepeŋat i ’do ’yu na pupuresi ko i tiŋdu na lyöŋesi, gwoso i saret lo Dawidi ŋuto lo Ŋun.

Nemaya 12:40

Nyena a laŋesi liŋ murek ti kaŋupu­rak gwo ’de i kadi na ŋun. A nan koti ko swöt na ŋutu lokukwon gwe nyu,

Saumajin 100:5

Kogwon MATAT gwon a lo ’but; nyaŋu nanyit ti ’duddyö kwöŋ, kulya ti to ’diri nanyit yeyeŋon teŋ ko nyakwariat liŋ.

Saumajin 103:17

Ama nyaŋu na MATAT yeyeŋon ŋupi ŋupi ’bak ’dutet i ŋutu lo kukuk lepeŋ kilo, kulya kanyit na rigwo yeyeŋon tojo i ŋwajik ti ŋwajik,

Saumajin 106:1

pupurje ta MATAT! Tindi ta MATAT tinate, kogwon nye a lo ’but; kogwon nyaŋu nanyit ti ’duddyö kwöŋ!

Saumajin 107:1

Tindi ta MATAT tinate, kogwon nye a lo ’but; kogwon nyaŋu nanyit ti ’duddyö kwöŋ!

Saumajin 118:1

Tindi ta MATAT tinate ko-gwon nye a lo ’but, kogwon nyaŋu nanyit ti ’duddyö kwöŋ.

Saumajin 131:1

Pon MATAT, töili lio ti gwon a ka ’du ’duŋanit, konyen kwe ti meddya do ko ’du ’duŋga. Nan a ko ŋokin i ŋo nagon a temejik. kode i ŋo nagon koŋon nio a na ’dit.

Saumajin 135:3

Pupurje ta MATAT kogwon lepeŋ a lo ’but, yulukindye ta lepeŋ puresi ’dindya karin kanyit kogwon se a na ’but!

Saumajin 47:1

Ta ŋutu liŋ, naŋgi ta könisi kasu; ŋuŋuraddi ta Ŋun ko gworolo lobot lyöŋesi!

Saumajin 47:5

Ŋun a ŋiörö ki ko siret, MATAT a ŋiörö ko woŋon na tore!

Yuörö 15:21

A Miriama ’dulukiŋdye se adi, Yulukiŋdye ta MATAT kogwon nye aje te ’ya parik; nye aje gubakiŋdya kusan ko kajoŋanit lonyit i tör na ’balaŋ.

Yisaya 12:6

Ta lo si ’da Siona kulo, maraŋgi ta ko gwililije ta kogwon lyöŋön, kogwon Ŋilu Loke lo Yisaraele a duma kasu kiden.

Yisaya 44:23

Ta ’dikolo, yoloni ta, kogwon MATAT aje koŋdya kine kulya; ta wilön ti kak, maraŋgi ta; ta merya, do rudu ko Imden kulök liŋ, suluje ta yolo! Kogwon MATAT aje dakuŋdya Yakobo, nye a kwekiŋdya bulet nanyit i Yisira-ele.

Yisaya 6:3

A lele lo serapim ’dulukiŋdye lele lo adi, Loke, loke, loke, MATAT lo kurumi; kak ’bukuluŋ a jore ko minyo lonyit.

Yeremia 33:11

Nyena gworolo ti lyöŋön, ko ti nyola, ko ti kayemak, ko ti se na yeyema kune mo köti yiyipa i na pirit; iŋkoi, gworolo ti ŋutu lo joŋdya rubaŋgajin ti tinate i kadi nio na MATAT kulo yoyolo adi, Tiŋdi ta MATAT lo kurumi tinate, kogwon MATAT a lo ’but, kogwon nyaŋu nanyit yeyeŋon ŋupi. Kogwon nan mo nyökuŋdyö kulya ti lo jur gwoso na kokwe nu, ŋilo a nan MATAT lo jambu.

Kagai 2:3

Ko ŋa logon kasu kiden logon koju a met na kadi i kwelen nanyit na ’beron? Ta sopinana a met lepeŋ gwon ada? Ta ti met nye a ŋo kana le?

Jakaria 4:7

Do a nyo, do mere duma? Do mo yiyitwe a lo ’dayat ko Jerubabela i komor. A nye mo joŋdi ŋurupit to’dutet, a se mo maraŋgi ko lepeŋ adi, Lote! Lote!

Jakaria 9:9

Ta ŋutu ti Siona, lyoŋi ta lyoŋon parik! Ta ŋutu ti Yerusalema, maraŋgi ta maraŋgu! Mete ta, mor losu ŋilo popo kasu ni; nye aje tutuŋgo moro ko aje te ’ya, lepeŋ a lokoyok i si ’da ’e i kaine, i kolojityo tore lo kaine.

Luka 1:50

Lepeŋ wowon konyen ko ŋutu liŋ logon kukuk lepeŋ kilo suluja i nyakwari tojo i lele.

Yosua 6:10

A Yosua saŋi ŋutu kulo adi, An ta ko sira ta, ko ti gworolo kasu gwe ti yiŋa, ti lele kulyaet gwe ti lupuŋdyö kaŋo kasu i kutusen, tojo ko ŋilu lor logon nan mo takiŋdye ta i sira lu; nyena a ta mo sirani sira.

Yosua 6:16

A ko gwe sona i daŋ toburyo, na kuddye koanejin toriot nu, a Yosua takiŋdye ŋutu kulo adi, Sirani ta sira; kogwon MATAT aje tin ta na köji.

Yosua 6:5

A mo gwe sona na kuddye se kutet najo ko oŋgwora ti lopijoki, a na yiŋge ta woŋon na toriot nu, a ŋutu liŋ sirajine ki parik; a mariŋ na ŋina köji mo ’dorone kak kanyit i pirit, a ŋutu liŋ mo laŋaddi lukataŋadi juŋ a komor nanyit.