Ejira 3:10 - Bibilia Buk na Ŋun nagon koti luŋu a

¹⁰ A nagon ka ’dukok nyuŋ gwon i pipi ’yu na kadi na MATAT nu, a koane­jin poŋdi ko toriot a Jupu ko boŋgwat kase, se ko Lewijin ti kotumit na Asap ko re gwoesi, i pupurja na MATAT, gwoso na saŋi Dawidi mor lo Yisaraele köju nu.

Ejira 3:10 ပူးပေါင်းရင်းမြစ်များ

1 Dekat 15:24

A ko Sebania, ko Yosapata, ko Netanele, ko Amasai, ko Takaria, ko Benaya, ko Eliejer logon a koanejin kulo kuddye toriot i komor na saŋduk na Ŋun. A Obede-edom ko Yekia köti gwe a katiyuk ti kötumit nagon tiyuri nu saŋduk.

1 Dekat 15:27

A Dawidi jupuni boŋgo na waratat naparere, gwoso na jupuri Lewijin liŋ logon a ka ’dokök ti saŋduk, se ko kayolok ko Kenania kanyömönit lo kayolok; a Dawidi köti jupuni boŋgo na waratat na luŋu a epoda.

1 Dekat 16:37

Nyena a Dawidi kölökiŋdye Asap se ko luŋasirik kanyit nyu i komor na saŋduk na tomoret na MATAT anyen kita i komor na nu saŋduk gwoso nagon a ’dekarikin temba i lor,

1 Dekat 16:42

A Eman ko Yedutun gwe ko se i pirit na geleŋ ko burugijin, ko re gwoesi, ko kunie tito yolesi ti kölisi ti Ŋun. A ŋwajik ti Yedutun wulwene a katiyuk ti kötumit.

1 Dekat 23:5

a ŋutu aliŋan iŋwan gwe a katiyuk ti kötumitön, a aliŋan iŋwan pupuŋe MATAT ko tito nagon nan a teten anyen pupurarikin.

1 Dekat 25:25

A gura topuök wot budök ’duki a na Kanani ko ŋwajik kanyit se ko luŋasirik kanyit, lepeŋat liŋ a ŋutu puök wot murek.

2 Dekat 35:14

A i mukök a se teteŋdi kinyo nase se ko na koanejin, kogwon koanejin logon a nyakwariat ti Arona gwon ko kita a duma tojo ko tukwaje, i wukiŋdya na rubaŋgajin lo ’yu ’yura ’buluŋ ko lokorio nagon a welesi; a Lewijin teteŋdi nase se ko na koanejin logon a nyakwariat ti Arona.

2 Dekat 35:15

A kayolok logon a nyakwariat ti Asap gwe kase i piriton, gwoso i saresi ti Dawidi, ko ti Asap, ko ti Eman, se ko ti Yedutun ŋuto lo mor logon a kametanit lo kulya na popo. A katiyuk ti kotumiton gwo ’de i kotumiton ka ’de ka ’de; lepeŋat kodyo ti ko ’yu kitajin kase, kogwon Lewijin lupasirik kase a tetenakin lepeŋat kinyo nase.

2 Dekat 5:12

a Lewijin liŋ kayolok logon a ko Asap, ko Eman, ko Yedutun, ko ŋwajik kase se ko luŋasirik kase gwo ’de nyona ko pirit ’yuret na rubaŋgajin i swot lo ’yure; a jupu ko boŋgwat naparere. A lepeŋat ju ’ye re gwoesi, ko tomon ko rababajin, mora ko kulye koanejin mia geleŋ ko merya murek logon a kakutak ti burugijin.

Ejira 2:41

Kilo a kayolok: kweja adi a nyakwariat ti Asap gwe a mia geleŋ ko merya murek wot budök.

Ejira 5:16

Nyena a ŋilo Sesebasar poŋdi po a suluje pipi ’yu kadi na ŋun na gwon Yerusalema; suluja i ŋinu diŋit tojo ko soŋinana nyuŋ gwon i ’dukö ko a ko tutuŋöki.

Saumajin 150:5

pupurje ta lepeŋ ko re na wowoŋon parik! pupurje ta lepeŋ ko re na wowoŋon madaŋ!

Kagai 2:15

Suluja i lo lor tojo ko ŋerot, yeyeji ta ko kulya kasu gwon ada a kokwe nagon lele ŋurupit ’dikikine i lele ŋurupit i kadi na MATAT.

Jakaria 4:10

Kogwon ko ŋa logon aje lauŋdya lor lo kitarikin ŋo na ’di ’dik lu, a se mo lyoŋi lyöŋon na meddi se witi na leleyo ko Jerubabela i könin nagon temarikin gorom nu. Kilo konyen buryo a ti MATAT logon woŋu kak ’bukuluŋ.

Jakaria 4:6

A nye kulyani ko nan adi, ŋilo a kulyaet lo MATAT lo jamaki Jerubabela adi, ŋutu ti te ’ya kogwon tuwalan, kode riŋit, ama te ’ya kogwon Mulökötyo lio, nan MATAT lo kurumi lo kulya.

Jakaria 4:7

Do a nyo, do mere duma? Do mo yiyitwe a lo ’dayat ko Jerubabela i komor. A nye mo joŋdi ŋurupit to’dutet, a se mo maraŋgi ko lepeŋ adi, Lote! Lote!

Jakaria 6:12

taki lepeŋ adi, MATAT lo kurumi lo kulya sona adi, Mete ŋilo ŋuto logon karin kanyit a Kene lo; nye mo wiwilun ki kanyit i pirit, a nye mo ’duŋge kadi na MATAT.

Jakaria 7:3

ko i pija na koanejin ti kadi na MATAT lo kurumi se ko nebijin adi, Yi kodyo dedelya ko mimiŋdya i yapa tomukanat gwoso nagon yi aje koŋdi ko kiŋajin jore na le?

1 Samuele 22:18

A mor kulyani ko Doega adi, Iŋgo, tatune kilo koanejin. A Doega ŋuto lo Edom lo miju ŋun a tatuje koanejin kulo i ŋilu lor gwoso ŋutu merya budök wot mukanat logon a jupu epoda nagon a boŋgo naparere.