Ejira 2:1 - Bibilia Buk na Ŋun nagon koti luŋu a

¹ Kilo a ŋutu ti mödöria na Yudalo yitwe i to ’dupien. Lepeŋat a kulye kase logon Nebukadanesar mor lo Babela köju a momokara a joŋgi tojo ko jur lo Babela. Kilo ŋutu a yitwe Yerusalema ko Yuda, ŋutu liŋ geleŋ geleŋ kase i köjinö.

Ejira 2:1 ပူးပေါင်းရင်းမြစ်များ

2 Moran 25:11

A Nebujaradan duma lo katiyuk joŋgi pitönö ti ŋutu logon a kölöki i ŋinu köji kulu, ko ŋutu logon a ko ’yu ŋutu kase ko a yuörö ko mor lo Babela yu, se ko pitönö ti yodom na ŋutu liŋ i pirit na geleŋ.

1 Dekat 9:1

Nyena a Yisaraele liŋ kenani kena ko nyakwariat kase; a wurö-kine i Buk na Moran ti Yisaraele. A Yuda iŋge joŋa Babela i to ’dupien, kogwon lepeŋat a kalaak.

1 Dekat 9:2

A ŋutu ti kokwe lo ruddya rubajin kase i köjinö kase, gwe a ŋutu ti Yisaraele, logon a koanejin, ko Lewijin se ko kakitak ti kadi na ŋun.

Ejira 1:11

A toro ’bo nagon a dakap ko a pödö liŋ momori a aliŋan mukanat ko miajin iŋwan. A Sese-basar iŋge yekara kine ŋo liŋ i diŋit na yitöri ŋutu kaŋo i to ’dupien i jur lo Babela anyen tu tojo Yerusalema.

Ejira 2:2

Lepeŋat a moruŋdya ko Jerubabela, ko Yesu a, ko Nemaya, ko Seraya, ko Relaya, ko Mordekai, ko Bilisan, ko Misepar, ko Bigewai, ko Rekum, ko Bana. A ŋina gwe a kenet na ŋutu lyan ti Yisaraele:

Ejira 2:70

A koanejin ko Lewijin se ko kulye ŋutu si ’dani Yerusalema ko i turön kanyit; a kayolok ko katiyuk ti kotumiton, ko kakitak ti kadi na ŋun si ’dani i köjino kase, a pitönö ti ŋutu ti Yisaraele liŋ koti si ’dani kase i köjino.

Ejira 5:8

Yi takiŋdya do anyen do kodyo böŋö deden pon mor, adi yi a tu i jur lo Yuda, i kadi na ŋun duma. ŋinu kadi nyuŋ gwon i ’duko ko ŋurupö lobot, ko kaden a peta i gorom. ŋinu kita a kitarikin ko tirikwet, ko kita na könisi kase pupuru ’bura.

Ejira 6:2

A buk na gudula iŋge rye Ekebatana köji duma na gwon i mödöria na Madai. A kilo kulyaesi iŋge wurö lukata adi, Kusik ti kulya na wurö.

Ejira 8:35

A kirut ŋutu lo yitwe kase i jur i mukök na to ’dupien kulo wukiŋdye Ŋun lo Yisaraele rubaŋgajin lo ’yu ’yura ’buluŋ a ti Yisaraele liŋ. Se a wukiŋdya öwönin puök wot murek, ko lopijoki merya buŋwan wot buker, ko yisi merya buryo wot buryo, ko melon puök wot murek a ti rubaŋga lo toron; kine liŋ a ti rubaŋgajin lo ’yuraki MATAT ’buluŋ.

Nemaya 12:1

A kulo gwe a koanejin koi Lewijin logon a moruŋdya ko Jerubabela ŋuro lo Salatiele se ko Yesu a: kweja adi Seraya, ko Yeremia, ko Ejira,

Esetere 1:1

Kune ŋo a kona i diŋit na gwoŋdi Akasuwero koju nu. Ŋilu Akasuwero a tumatyan suluja i jur lo Iŋdia tojo ko jur lo Etiopia; lepeŋ a saŋu modoriajin mia geleŋ ko merya murek wot buryo.

Esetere 1:11

A lepeŋ takiŋdye se anyen joŋdya Baseti nakwan nanyit kanyit i komor, a jupu Iŋguya lo tomoran kanyit i kwe, anyen ko kwekiŋdya ŋutu kanyit se ko temejik ti miri kwelen nanyit, kogwon lepeŋ kwekwelen parik.

Esetere 1:3

A i kiŋa tomusala lo tumatyan nanyit, a nye teteŋdi rorwe a lo temejik se ko kakitak liŋ ti miri nanyit,

Esetere 1:8

A nu mata iŋge kona gwoso i saret, a lele ŋuto gwe ’bayin logon a ri ’diki i möju ko riŋit, kogwon mor a sarakiŋdya kölipönök ti ’baŋ lonyit lo mor kulo anyen se tiŋdu ŋutu liŋ gwoso i ’dekesi kase.

Esetere 8:9

A kirut i ŋinu diŋit a kawurök ti mor luŋuni luŋu i perok merya murek wot musala ti yapa tomusala, logon a yapa Siwan. A saret wuröni wurö gwoso i ŋo liŋ nagon Mordekai a saŋi i kulya ti Yudayaki ko wuresi kase se ko kutuk nase.

Yisaya 48:20

Po ta kaŋo i Babela, wöku ta kaŋo i Kaledea, tukökiŋdye ta kine kulya ko mara-ŋesi ti lyöŋön, layisua ta kine kulya tojo ko ’dutesi ti kak; kulyani ta adi, MATAT a dakuŋdya kötumit na kölipönit lonyit Yakobo!

Yeremia 50:19

A nan mo nyökuŋdye ŋutu ti Yisaraele kase i pirit yukit, a se mo nyesi nyesu i mere Karmela ko i jur lo Basan, iŋkoi, a se mo nyesi nyesu a yimönö i merya ti Epuraima ko i jur lo Gilada.

Delyasi 1:3

Kötumit na Yuda aje joŋa i kulye juron sasanya ko a ri ’diki kita. Soŋinana nye si ’da i kiden na juron, ama a tine ryö pirit yukaet; a kasasanyak kanyit iŋge mok nye i pirit nagusu.

Delyasi 1:5

Kaŋisak kanyit aje po a temejik, a merok kanyit iŋge puputuru ŋerot, kogwon MATAT aje tin lepeŋ i ŋoŋga kogwon toronjin kanyit nagon nye a kon aka kune gwe jore parik, a merok kanyit iŋge meyara ŋwajik kanyit i to ’dupien.

Delyasi 4:22

Do köji na Siona, toronjin ti ŋutu kulok aje jo riŋa, ŋun kwoŋ mo ti kolokin ŋutu kulok i joŋa nene daŋ a ’dupi; ama ta ŋutu ti Edom, nye mo ririŋ ta i lyaŋesi kasu, a nye mo kweji toronjin kasu.

Jepania 2:7

A jur lo gwon i tikön lo mo gwe a lo ŋutu ti kötumit na Yuda logon a pituŋdyö, a se mo yuggi yidin kase kata, a se mo pere kak i sömukö i kadijik ti Asekelon. Kogwon MATAT ŋun lose mo yeye lepepat a nyökuŋdye se bot i to ’dupien.

Konesi 23:34

A mödir ko keŋdi ŋina waraga, a pije Paulo ko lepeŋ a lo nan mödöria, a nagon nye aje den adi lepeŋ a lo Kilikia nu,