Ejira 10:6 - Bibilia Buk na Ŋun nagon koti luŋu a

⁶ A Ejira wuddye wuddya i komor na kadi na Ŋun a iti ko Yokanan kadi ŋuro lo Eliasiba, a lepeŋ iŋge doto nyu a ko nyesu nene ŋo ma ’di ambata kode möju na pioŋ; kogwon lepeŋ gwon ko durwe a kwe na kulya ti ŋutu lo yitwe i to ’dupien logon a kalaak.

Ejira 10:6 ပူးပေါင်းရင်းမြစ်များ

Ejira 10:1

A nagon Ejira nyuŋ kwakwaddu nu ko tutuggö toronjin, a lepeŋ gwine gwien a gumbe mugun kak i komor na kadi na Ŋun, a lodir duma parik lo ŋutu ti Yisaraele, lulyan ko nawate ko lupudiet momoruŋdye ko lepeŋ ni gwigwiun parik.

Ejira 10:7

A lalyet iŋge kona i jur lo Yuda ’bukuluŋ ko Yerusalema ko ŋutu liŋ lo yitwe i to ’dupien kulo anyen lepeŋat ködyö momora Yerusalema,

Ejira 9:4

A ŋutu liŋ lo kukujonö kulyaesi ti Ŋun lo Yisaraele kulo momoruŋdye i gömbu na nan kogwon konesi najok ti ŋutu lo yitwe i to ’dupien, a nan si ’dani ko delya tojo ko diŋit ’yuret na rubaŋga lo sömukö i ’doro na kolor.

Nemaya 12:10

A Yesu a yuŋuŋdye Yoyakim, a Yoyakim yuŋuŋdye Eliasiba, a Eliasiba yuŋuŋdye Yoyada,

Nemaya 12:22

A ko gwe gwoso Lewijin, a kusik ti kötumitön ti merenyejin iŋge wurö i perok ti Eliasiba, ko ti Yoyada, ko ti Yokanan, ko ti Yadua; se ko koanejin tojo ko diŋit na gwoŋdi Dario lo Parasa a mor nu.

Nemaya 13:28

A lele lo ŋwajik ti Yoyada ŋuro lo Eliasiba koane duma gwe a komonit lo Sanabalat lo Koron; nyena a naniŋge rikokin lepeŋ koyo ni.

Nemaya 13:5

a Eliasiba wulökiŋdye Tobia kadi duma nagon köju ’delarikin ’dokesi ti ’bolot, ko bökur, ko tito, se ko swötön topuökisi ti ’bolot, ko ti binyo, ko ti welet nagon a saraki adi ködyö a ti Lewijin, ko a ti kayolok, ko a ti katiyuk ti kötumitön, se ko koresi ti kinyojin nagon a ti koanejin.

Nemaya 3:1

A Eliasiba koane duma koluŋasirik kanyit koanejin kulo kirut suluje ’duggö kötumit na gorom nagon a mariŋ na köji nagon a lupet na yidin. A lepeŋat geluŋdye nye a nake a ’bikikiŋdye kötumitön kanyit i pirit; a lepeŋat iŋge geladdu tojo ko bilili lo kadi lo luŋu a Mia, se ko bilili lo kadi lo luŋu a Kananele.

Nemaya 3:20

A ko Ejer ŋerot a gwe a Baruk ŋuro lo Tabai teteŋdi lele swöt suluja i tuset lo gorom tojo ko kötumit na kadi na Eliasiba koane duma.

Eyobo 23:12

Nan a ko girara kaŋo i saresi lo lupe kaŋo kanyit i kutuk; nan a ’delakin kulyaesi kanyit köyö i töili gwoso tukwörien.

Saumajin 102:4

Töili lio a raŋan, ko a teteyon gwoso döru; iŋkoi, nan a böŋö i nyesu na kinyo lio.

Yuörö 34:28

A Mose gwe nyu ko MATAT perok merya Iŋwan tuparan ko tukwaje; a nye gwe a ko nyesu kinyo kode möju pioŋ. A nye wuŋe kulyaesi ti tomoret logon a saresi puök kulo i ŋurupö na ’dayatak.

Yisaya 22:12

A i ŋilo lor MATAT Ŋun lo kurumi luŋgi ŋutu i gwien ko i joŋga na kidon kogwon delya, i ’barinu na kusik ko i jupu ko boŋgwat terekesi;

Daniele 9:3

A kirut nan pakiŋdye mugun ko MATAT Ŋun, a jupu boŋgwat terekesi ko a kukuŋo mugun ko kurök, i ga ’yu na lepeŋ ko kwakwasesi, ko momolesi se ko miŋdya.

Nyökit 9:18

A nan ’dorone kak ko MATAT i komor perok merya Iŋwan mora ko tuparan ko tukwaje gwoso na kokwe nu; nan a ko nyesu kinyo kode möju pioŋ; kogwon nutoron nasu liŋ na toroŋdi ta, i koŋdya na ŋo nagoŋ a naron ko MATAT i komor, i towoŋa na lepeŋ.