Ejira 10:5 - Bibilia Buk na Ŋun nagon koti luŋu a

⁵ Nyena a Ejira ŋine ki a tiŋdi temejik ti koanejin ko Lewijin ko Yisaraele liŋ i milyeju anyen se ködyö koŋdya gwoso na jamarikin na. A kirut se milyeji milyeju.

Ejira 10:5 ပူးပေါင်းရင်းမြစ်များ

Ejira 10:3

Nyenagon ti yi koŋdi ta tomoret ko Ŋun likaŋ anyen yi paju kine wate liŋ ko ŋwajik kase, gwoso i jujuwet inot pon duma lio, ko gwoso i jujuwesi ti ŋutu logon kukuk saret lo Ŋun likaŋ kilo; ko ti konani gwoso i saresi.

Nemaya 10:29

kilo ŋutu liŋ a morakiŋdya ’borik i luŋasirik kase temejik ti jur. A yi giŋge ’borik, a milyeji milyeju adi yi ködyö wörö i saresi ti Ŋun logon a tiki ko Mose kölipönit lo Ŋun i kutuk, i tiju ko i koŋdya na jujuwesi liŋ ti MATAT logon a MATAT likaŋ, ko kulya na ’duŋ lepeŋ kine se ko saresi kanyit lo wurö.

Nemaya 13:25

A nan kekeŋdi kekeŋdya ko wotan a lömbi lepeŋat, a nan gwuddye kulye kase a roŋdi kupir kase; a nan tiŋdi lepeŋat i milyeju i karin ti Ŋun adi, Yi mo ti tiŋdu ŋwajik kaŋ i yema ko ŋwajik kase, kode tiŋdu ŋwajik kaŋ i yemba na ŋwajik kase, ma ’di yi köti ti bulö yemba se.

Nemaya 5:12

Nyena a lepeŋat kulyani adi, Yi de nyonyokokin a tine luŋgu nene ŋo ko lepeŋat. Yi de kökon gwoso na kulyari do ŋina. A nan luŋgi koanejin a tiŋdi lepeŋat i milyeju, anyen koŋdya gwoso i rukesi kase.

Tolupesi 1:5

Ko ŋuto lokoŋ gwon i yiŋga a lepeŋ koti ’ya ’yi dendya nanyit, a ŋuto lo kurundyö kulya ryeji koŋon,

Tolupesi 15:23

Ŋuto gwoŋ ko lyöŋön ko nye a ruŋgö ’bura, a na ’but parik i jambu na ŋo nagoŋ tetemakindya i diŋit na jambi nye

Tolupesi 27:9

Welet na mon paleleŋ se ko riya tulyöggu töili, sona köti ’busan na ŋuto logon po ko töili jujuwet lo ’but tulyöggu töili lo ju lonyit.

Tolupesi 9:9

Tojumbi ŋuto lokoŋ, a nye mo kŋgoro ŋerot, todindye ŋuto lo rigwo, a lepeŋ mo ’ya ’yi dendya nanyit.

Matayo 26:63

Ama a Yesu yiŋani taliŋ. Köti a kijane duma kulyani ko lepeŋ adi, Nan tiŋdu do i milyeju i ’diŋdya na Ŋun lo gwon jörun lo adi, tuköki yi ko do a Masia Ŋuro lo Ŋun.