Ejira 10:2 - Bibilia Buk na Ŋun nagon koti luŋu a

² A Sekania ŋuro lo Yekiele lo nyakwariat ti Elam suluje jambu ko Ejira adi, Yi a lauŋdya Ŋun likaŋ i yemba na wate nagon ’bayin a gweyari nikaŋ nagon a ti kulye juron, nyena ma ’di yi a koŋdya kine kulya, sopinana kötumit na Yisaraele nyuŋ kata ko yenet.

Ejira 10:2 ပူးပေါင်းရင်းမြစ်များ

Ejira 10:26

A i nyakwariat ti Elam, ŋutu logon a rye kulo a ko Matania, ko Takaria, ko Yekiele, ko Abedi, ko Yeremot, se ko Eliya.

Ejira 2:31

A nyakwariat ti lele Elam lo gwe a aliŋ geleŋ ko miajin murek ko merya mukanat wot iŋwan.

Ejira 2:7

A nyakwariat ti Elam gwe a aliŋ geleŋ ko miajin murek ko merya mukanat wot inwan.

Ejira 8:7

Ko Yesaya ŋuro lo Atalia a lo kötumit na Elam, ko kulye logon ko lepeŋ kulo a ŋutu lyan merya buryo.

Ejira 9:1

A i mukök nagon kine kulya ajekona nu, a temejik ti ŋutu poŋdi köyö ni, a kulyani adi, ŋutu ti Yisaraele ko koanejin se ko Lewijin a ko nyuŋ koruŋdya ’börik kaŋo i konesi manat ti ŋutu ti Jurön ti Kanana, ko ti Kiti, ko ti Periji, ko ti Yebusi, ko ti Amon, ko ti Moaba, ko ti Ejipeto, se ko ti Amori.

Ejira 9:2

Kogwon lepeŋat ko ŋwajik kase a yemba kunie ŋwajik ti kilu Jurön a wate kase; nyena a kötumit na ŋutu loke iŋge polakiŋdya ’börik ko ŋutu ti kilu Jurön. A ŋutu kase temejik ko lokukwön gwe a kasuluwak ti kine kulya narok.

Nemaya 13:27

Nyena yi de ŋona bubulo ruggo kulya kasu i koŋdya na ŋina toron duma, anyen lauŋdya Ŋun likaŋ i yemba na ŋutu wate nagon ’bayin a gweyari nikaŋ le?

Nemaya 3:29

A ko koanejin ŋerot a gwe a Sadok ŋuro lo Imer lo nyöggi teteŋdya piritön nagon a kököröju, komorga kadi nanyit. A ko Sadok ŋerot a gwe a Semaya ŋuro lo Sekania, katiyunit lo kötumit na gwon i swöt lo ’yure, lo nyöggi teteŋdya piritön nagon a kökö­röju.

Nemaya 7:12

A nyakwariat ti Elam gwe a aliŋ geleŋ ko miajin murek ko merya mukanat wot iŋwan.

Nemaya 7:34

A nyakwariat ti lele Elam lo gwe a aliŋ geleŋ ko miajin murek ko merya mukanat wot iŋwan.

Yuörö 34:12

Mete mugun ’bura, an ta ko teteŋdya tomoret ko Ŋutu ti lu jur lo tiri ta kata lu, an gwon kasu a loket;

Tolupesi 28:13

Ŋuto lo muggö toronjin kanyit mo ti puputuru ŋerot, ama nye lo tutuggö toronjin a kö ’yi se lo mo pipitöki.

Yakobo 2:9

ama ko ta nyunyumbö ŋutu, ta a koŋdya toron, a Saresi ti Ŋun ’duŋokiŋdye ta adi ta a katoronyak to Kogwon ko ŋutu a ka ’depanit lo Saresi ama a nye ’beleŋgi lele geleŋ, kweja adi lepeŋ a ’beleŋgu saresi liŋ.