Ejira 10:1 - Bibilia Buk na Ŋun nagon koti luŋu a

¹ A nagon Ejira nyuŋ kwakwaddu nu ko tutuggö toronjin, a lepeŋ gwine gwien a gumbe mugun kak i komor na kadi na Ŋun, a lodir duma parik lo ŋutu ti Yisaraele, lulyan ko nawate ko lupudiet momoruŋdye ko lepeŋ ni gwigwiun parik.

Ejira 10:1 ပူးပေါင်းရင်းမြစ်များ

1 Moran 8:30

Ko yiŋge momolesi kwe nan köliŋönit ilot ko ti ŋutu kulok Yisaraele, i diŋit nagon se kwa-kwaddu komorga na pirit, iye, yiŋge ki yu nagon a pirit inot gwiliŋit; a ko do a yiŋga a ti do pitökiŋdye se.

1 Moran 9:3

A MATAT kulyani ko lepeŋ adi, Nan aje yiŋ kwakwasesi kunök, ko momolesi kunök nagon do aje wukin köyö i komor kune; nan aje geluŋdya kadi nagon do aje ’duk ŋina a nake, ko nan aje tiŋdu karin kwe nyu ŋupi; a konyen kwe ko töili lio mo gwe nyu i diŋitan liŋ.

2 Dekat 20:13

A ŋutu liŋ ti Yuda gwo ’de ko MATAT i komor, ko lupudiet kase ko wate kase se ko ŋwajik kase.

2 Dekat 20:9

a kulyani adi, Ko ŋo naron a pokin kayaŋ loki ko nye a gor, kode a riŋet, kode a twanti, kode a dyaŋ, a yi mo gwo ’de i komor na ŋina kadi se ko konut i komor, kogwon karin kunok gwon i na kadi, a yi gwiki konut kogwon sasanya nikaŋ, nyena a do mo yiŋge yiŋga a lwöggi yi.

Ejira 10:6

A Ejira wuddye wuddya i komor na kadi na Ŋun a iti ko Yokanan kadi ŋuro lo Eliasiba, a lepeŋ iŋge doto nyu a ko nyesu nene ŋo ma ’di ambata kode möju na pioŋ; kogwon lepeŋ gwon ko durwe a kwe na kulya ti ŋutu lo yitwe i to ’dupien logon a kalaak.

Nemaya 1:4

A gwe sona nagon nan aje yiŋga kilo kulyaesi nu, a nan si ’dakine kak a gwine gwien, a nan gwe ko durwe ko kulye perok; a nan miŋdye miŋdya a kwakwaddi i komor na ŋun lo ki.

Nemaya 1:6

boŋo ti swo kulok yiŋge yiŋga, ko ti konyen kulok meddi meddya, anyen do bubulo yiŋga kwaset lio nan kölipönit ilot logon nan soŋinana a mo ’yi konut i komor ko tuparan ko tukwaje, kogwon kulya ti kölipönök kulok logon a ŋutu ti Yisaraele. Nan tuggo toronjin kaŋ yi ŋutu ti Yisaraele nagon yi a konakin do arabat kune, iŋkoi nan ko kotumit na baba a toroŋdya.

Nemaya 10:28

A pitönö ti ŋutu kweja adi koane­jin ko Lewijin, ko katiyuk ti kötumitön, ko kayolok, ko kakitak ti kadi na Ŋun, ko kulye liŋ logon a geluŋdya ’börik kaŋo i ŋutu ti jurön i ’debba na saresi ti Ŋun, se ko wate kase ko ŋwajik kase lulyan ko nawate liŋ logon deden kulya ko kukuruŋdyö kulo,

Nemaya 8:9

A Nemaya logon a modir, ko Ejira koane logon a kawurönit, se ko Lewijin lo todiŋdyö lodir kulo kulyani ko ŋuto lio adi, Lo lor a lor loke lo MATAT ŋun losu; an ta ko delya ta, ko gwien ta. Kogwon ŋuto liŋ a gwien na yiŋge se kulyaesi ti saresi.

Saumajin 119:136

Konyen kwe lelek ko politan gwoso karya, kogwon ŋutu a ko ’debba saresi kulök.

Saumajin 32:5

Nan a tukokin do toronjin kwe, a nan gwe a ko ’de lyaŋesi kwe; nan a kulya adi, Nan de tukökin do MATAT toronjin kwe na kona aka kune; a do iŋge böŋö toron nio.

Yeremia 13:17

Ama ko ta mo ti ’bon yiŋga, nan mo gwigwien a Iwon kogwon ’du ’duŋga nasu; a konyen kwe mo ’buŋge a ŋolitan parik ’bak goggu, kogwon teŋ na yidin ti MATAT aje momokaji.

Yeremia 9:1

Ko ködyö kwe nio gwon a kidi lo pioŋ, a ko ködyö konyen kwe lelek a ŋolitananyen nan ködyö böŋö gwigwien ko tuparan ko tukwaje kogwon ŋutu kwe lo tatua kulo!

Daniele 9:20

A nagon nan gwon i jambu ko i momo ’yu ko i tuggö na toronjin kwe se ko toronjin ti ŋutu kwe Yisaraele nu, ko i kwekiŋdya na ’dokesi kwe ko MATAT Ŋun lio i komor kogwon mere loke lo ŋun lio;

Osea 14:2

Teteŋdi ta kulyaesi kasu ajo ko yitwene ta ko MATAT ni; kulyani ta ko lepeŋ adi, ’Dumara toronjin liŋ; wuji go nagon a na ’but. a yi mo pupurje do gwoso ŋutu logon wukiŋdya rubaŋgajin.

Jakaria 12:10

A nan mo ’bukökiŋdye mulökotyo lo ’busan ko lo momolesi i kötumit na Dawidi ko ŋutu lo si ’da Yerusalema kulo, anyen na meddi se nye logon se a rem lo, a se mo gwine lepeŋ gwoso ŋuto logon gwi nuro lonyit lo geleŋ, a mo gwine parik tolikisien kanyit loki, gwoso ŋuto logon gwi ŋuro lonyit kayu.

Matayo 3:6

a lepeŋ iŋge batiddya se i kare Yardene, a se tuŋge toronjin kase.

Luka 19:41

A nagon Yesu gwe nyona ko ’dur nu, a nye meddi köji a nye gwine lepeŋ ko ŋolitan,

Konesi 10:30

A Kornelio waddi adi, I perok iŋwan lo lwöŋgu, gwoso i na diŋit na, nan gwon köyö kadi i kwakwaddu i saa musala na koriri, a nan iŋge meddya lele ŋuto a jupu boŋgwat na kokobbu gwo ’dan köyö i komor.

Konesi 21:5

A nagon diŋit nikaŋ ko se aje temakiŋdya nu, a yi ŋiorö o ’brö, a suluje jölö, a lepeŋat liŋ ko wate kase se ko ŋwajik kase nyömuŋdye yi kaŋo köji kata, a yi liŋ rugwuŋöni kak i kijit na tör, a kwakwaddi kwakwaddu. A kirut yi rome ko ’börik,

Roma 9:2

nan gwon ko delya a duma köyö i töili se ko mien nagon ti ’duddyö kwöŋ. Kogwon nan gwon ko pusök i kulya ti luŋasirik kwe logon a ŋutu kwe ti jur. Kogwon ko ködyö se bubulö lwökö, a bia ti Ŋun lömi löm ko ti korara nan kaŋo ko Kristo i mugun.

Nyökit 31:12

Momoruŋdye ta kulo ŋutu, lulyan ko nawate, ko lupudiet, ko ŋutu lo si ’da a lepelok kasu i turön, anyen se böŋö yiŋga ko jujumbu i kugga na MATAT Ŋun losu, ko tiju i koŋdya na kulyaesi liŋ ti kilo saresi,

Yosua 7:6

A Yosua se ko temejik ti Yisaraele kekereŋdi boŋgwat kase, a ’dorone kak rupu i komor na saŋduk na MATAT a gwe nyu tojo ko sömukö; a se kukuŋe kusik kase koŋutut.

Yosua 8:35

A lele kulyaet gwe ’bayin i liŋ nagon Mose a saŋi kunu nagon Yosua a ko kenakin i komor na mo-moret liŋ na ŋutu ti Yisaraele, mora ko ŋutu wate, ko lupudiet, se ko ŋutu lepelok logon si ’da kase kiden kulu.