Ejira 1:7 - Bibilia Buk na Ŋun nagon koti luŋu a

⁷ A mor Korese koti iŋge yekuŋdya kapo toro ’bo ti kadi na MATAT nagon Nebukadanesar köju a yekara kaŋo Yerusalema, a tiŋdi se i kadi na ŋunyen kanyit kunu.

Ejira 1:7 ပူးပေါင်းရင်းမြစ်များ

2 Moran 24:13

a nye yekaddi kaŋo tukwörien na ’dela ti kadi na MATAT, ko tukwörien na ’dela ti kadi na mor; a nye gwagwalaggi toro ’bo liŋ logon a dakap lo gwon i kadi na MATAT, logon Solomona mor lo Yisaraele a teten kulu, gwoso na keŋ MATAT nu.

2 Dekat 36:10

A nye koŋdi ŋo nagon a naron ko MATAT i metet. A gwe sona i suluet na kiŋa, a mor Nebukadanesar soŋdi ŋutu i joŋdya na lepeŋ Babela ni, se ko tito nakwekwelen ti kadi na MATAT, a tiŋdi Sedekia luŋaser Yeyoyakin a mor lo Yuda ko lo Yerusalema.

2 Dekat 36:18

A mor yekaddi tito liŋ dumalak ko na ’di ’dik ti kadi na Ŋun Babela yu, ko tukworienjin ti kadi na MATAT, ko tukworienjin ti mor se ko ti ŋutu kanyit temejik.

2 Dekat 36:7

A Nebukadanesar köti yekaddi kunie tito ti kadi na MATAT tojo Babela, a tiŋdi se i kadi nanyit na mor Babela yu.

Ejira 5:14

A mor Korese iŋge ’dumun kaŋo i kadi na ŋunyen Babela yu toro ’bo ti kadi na ŋun nagon a tetena ko dakap ko podo, a wukiŋdye se ko lele ŋuto karin kanyit a Sesebasar, logon nye a wulun a modir lo. Kine toro ’bo köju Nebukadanesar aje joŋ kaŋo i kadi na ŋun na gwon Yerusalema ni a iŋge yekaddu tojo ko kadi na ŋunyen na gwon Babela nu.

Ejira 6:5

Köti ti toro ’bo ti kadi na ŋun nagon a tetena ko dakap ko pödö, nagon Nebukadanesar a joŋ kaŋo i kadi na Ŋun na gwon Yerusalema a yekaddi tojo ko Babela kune, ti nyoköjine bot tojo i kadi na ŋun na gwon Yerusalema nu, a do tiŋdi se geleŋ geleŋ kase i piritön i kadi na ŋun.

Yeremia 51:44

A nan mo riŋge Bela Babela yu, a nan mo tiŋdi lepeŋ i jauŋdya kaŋoŋo nagon nye aje wi ’yö kune. A jurön mo köti tine ’buköddu ko lepeŋ yu kwöŋ; gorom na Babela aje duyömöki kak.

Daniele 1:2

A MATAT pakiŋdye Yeyoyakim mor lo Yuda ko Nebukadanesar i konisi, se ko kunie toro ’bo nagon a ti kadi na ŋun a lepeŋ joŋgi se i jur lo Sinar i kadi na ŋun lonyit, a tiŋdi kinu toro ’bo i kadi ’delet a ti ŋun lonyit.

Daniele 5:23

a do kölumbö bu ’ye mugun ko MATAT lo ki; a luŋgi tito ti kadi nanyit konut i komor, a do se ko kimak, ko wate kunök, se ko julin köliŋönök kunök möji binyo ko kine tito. A do bu ’ye ŋunyen logon a pödö, ko a dakap, ko a mölwö, ko a witi, ko a kaden, ko a ŋurupö; kilo ŋunyen ti bulö meddya ko ti yiŋga kode deŋdya, a do kölumbö tine bu ’ya Ŋun logon tiju ru inot ko kikolin kulök liŋ lo.