Ejira 1:5 - Bibilia Buk na Ŋun nagon koti luŋu a

⁵ A kirut kusik ti kotumiton ti merenyejin logon a ti Yuda ko ti Benyamina, ko koanejin se ko Lewijin poki i teteŋdya na ’borik, kilo a ŋutu logon ŋun a toŋiju yeyeesi kase anyen tu nyoggu ’duggo kadi na MATAT na gwon Yerusalema yu.

Ejira 1:5 ပူးပေါင်းရင်းမြစ်များ

2 Dekat 36:22

A i kiŋa lo kokwe lo Korese mor lo Parasa, a MATAT topije yeyeesi ti Korese anyen kulyaet lonyit lo MATAT böŋö kökona gwoso na jambi Yeremia nu, anyen Korese mor lo Parasa tiŋdu lalyet i tumatyan nanyit liŋ. A kine kulya köti iŋge wuröki kak;

Ejira 1:1

A i kiŋa lo kokwe lo Korese moriŋ Parasa, a MATAT tonije yeyeesi ti Korese anyen kulyaet lonyit lo MATAT böŋö kökona gwoso na jambi Yeremia nu, anyen Korese mor lo Parasa tiŋdu lalyet i tumatyan nanyit liŋ. A kine kulya köti iŋge wuröki kak:

Ejira 1:2

adi, Korese mor lo Parasa kulya adi, MATAT ŋun lo ki aje tiŋdu nan tumatyanjin liŋ ti kak, a lepeŋ iŋge yokijo nan anyen ’dukokiŋdyo lepeŋ kadi Yerusalema yu i jur lo Yuda.

Ejira 1:4

Ko ti pitönö ti ŋutu liŋ ti Yisaraele logon kata i piriton ka ’de ka ’de na gwoŋdi se kunu, ti ŋutu ti ŋinu pirit paraki parakin lepeŋat ko podo, ko dakap, ko toro ’bo, ko kisuk, ko yidin, koko ’dokesi nagon a ti tupalikan na töili a ti kadi na Ŋun na gwon Yerusalema yu.

Nemaya 2:12

A nan ŋine ŋien kwaje ko ŋutu ku ’dik i pirit na geleŋ; a nan gwe a ko takin lele ŋuto ŋo nagon Ŋun lio a tin köyö i töili a pariesi ti Yerusalema. A yi gwe a ko joŋga kunie kusanjin, ama nan geleŋ tuŋ lo wörö ko kusan.

Tolupesi 16:1

Ŋuto yeyeju kanyit i töili ŋo nagoŋ nye kökon, ama MATAT lepeŋ lo tindu ŋuto kulyaesi lo jajama.

Kagai 1:14

A MATAT topuruŋdye yeyeesi ti Jerubabela ŋuro lo Salatiele, logon a modir lo Yuda, se ko yeyeesi ti Yosua ŋuro lo Yosadak koane duma, se ko yeyeesi ti pitono ti ŋutu lio; a se suluje nyoggu ’duggo kadi na MATAT lo kurumi logon a Ŋun lose,

2 Korinto 8:16

Tinate lo ŋun logon a tiŋdu Tito i gwon ko pusok i parakiŋdya na ta gwoso na gwoŋdi yi ko pusok na.

Pilipoi 2:13

kogwon Ŋun ŋilo kikita kasu i mugunya, anyen tiŋdu ta i nyaŋu na po nagon tulyöŋgu lepeŋ kune ko i koŋdya na se.

3 Yoane 1:11

Ju lio lo nyanyara, an do ko mirakiŋdya no nagon a narok kine, kolumbo mirakiŋdye ŋo nagon a na ’but. Nye logon koŋdya ŋo na ’but lo a lo Ŋun, ama nye logon koŋdya ŋo narok lo lepeŋ kwoŋ a ko met Ŋun.