Ejira 1:4 - Bibilia Buk na Ŋun nagon koti luŋu a

⁴ Ko ti pitönö ti ŋutu liŋ ti Yisaraele logon kata i piriton ka ’de ka ’de na gwoŋdi se kunu, ti ŋutu ti ŋinu pirit paraki parakin lepeŋat ko podo, ko dakap, ko toro ’bo, ko kisuk, ko yidin, koko ’dokesi nagon a ti tupalikan na töili a ti kadi na Ŋun na gwon Yerusalema yu.

Ejira 1:4 ပူးပေါင်းရင်းမြစ်များ

1 Dekat 29:17

Nan a den adi do mömöŋu töilyet ti ŋutu a do gwe ko lyöŋön ko se gwon rigwo pon Ŋun lio, köti ko tupalikan na töili lio lo rigwo nan aje wukiŋdya do kune ŋo liŋ, a nan soŋinana aje met ŋutu kulök lo gwon ni kulo i ’dogga na do ko tupalikan na töilyet kase ko lyöŋön.

1 Dekat 29:3

Nyenagon mora ko kinu ŋo liŋ nagon nan aje galun a ti kadi nake na rurwan, a nan köti gwe kata ko tukwörien nio na dakap ko na pödö, nyena kogwon nan nyanyar kadi na Ŋun lio nan a tiŋdu kune ŋo a ti kadi nanyit;

1 Dekat 29:9

A kirut ŋutu lyöŋi lyöŋön kogwon lepeŋat ’de ’dekan ’dogga, a se iŋge ’dogga MATAT ko tupalikan na töilyet kase liŋ; a mor Dawidi köti iŋge lyöŋön parik.

2 Dekat 31:14

A Kore ŋuro lo Yimena Lewityo, logon a katiyunit lo kotumit na gwon i swot lo ’yure, gwe a kameme­tanit lo ’dokesi ti tupalikan na töili nagon tiki Ŋun kune, anyen kökoroja ŋo nagon a wuki MATAT se ko ŋo nake na rurwan.

Ejira 1:3

Ko ŋutu katwoyok ti ŋilu ŋun kata kasu kiden a ti Ŋun lose gwe ko lepeŋat, ko ti se iti tojo Yerusalema i jur lo Yuda, anyen tu nyoggu ’duggo kadi na MATAT Ŋun lo Yisaraele, lepeŋ a ŋun logon Yerusalema a köji nanyit.

Ejira 1:5

A kirut kusik ti kotumiton ti merenyejin logon a ti Yuda ko ti Benyamina, ko koanejin se ko Lewijin poki i teteŋdya na ’borik, kilo a ŋutu logon ŋun a toŋiju yeyeesi kase anyen tu nyoggu ’duggo kadi na MATAT na gwon Yerusalema yu.

Ejira 9:15

A, pon MATAT Ŋun lo Yisaraele, do logon a lo rigwo, kogwon yi kulo gwe a pitönö logon gwon Jörun gwoso i lo lor na. Mete, yi makulo katoronyak konut i komor. Lele ŋuto ’bayin logon bubulö gwo ’dan konut i komor kogwon kine kulya.

Yuörö 35:29

A Ŋutu liŋ ti Yisaraele geleŋ geleŋ lulyan ko nawate, logon töilyet kase a toŋiju se kulo jakiŋdye MATAT ’dokesi ti tupalikan na töilyet, anyen kitarikin kita liŋ nagon MATAT a sarakin ko Mose i kutuk i kona na.

Yisaya 10:21

A pitönö ti ŋutu logon a pituŋdyö ti kotumit na Yakobo kulo mo yitöni ko Ŋun Kabulönit yu.

Konesi 24:17

Nyena i mukök na kulye kiŋajin logon nan gwon kaŋo nu, nan a yitwe Yerusalema jakiŋdya jur likaŋ ’dokesi na paraki ’e ŋutu ko i wukiŋdya na Ŋun rubaŋgajin.

Galatia 6:2

Tulwöki ta ko ’börik i ŋo na ’doko pömöni; ko ta koŋdya sona a ta ’diri mo koŋdi saresi ti Kristo.