Ejira 1:3 - Bibilia Buk na Ŋun nagon koti luŋu a

³ Ko ŋutu katwoyok ti ŋilu ŋun kata kasu kiden a ti Ŋun lose gwe ko lepeŋat, ko ti se iti tojo Yerusalema i jur lo Yuda, anyen tu nyoggu ’duggo kadi na MATAT Ŋun lo Yisaraele, lepeŋ a ŋun logon Yerusalema a köji nanyit.

Ejira 1:3 ပူးပေါင်းရင်းမြစ်များ

1 Moran 18:39

A ŋutu liŋ ko meddi kine kulya, a se ’do ’done kak rupu, a se kulyani adi, MATAT logon a Ŋuro; MATAT logon a Ŋuro ’diri.

1 Moran 8:23

a kulyani adi, Pon MATAT Ŋun lo Yisaraele, lele Ŋun ’bayin gwoso do, i ki yu kode i kak ni. Do ’debba tomoret inot ko köliŋönök kulök logon wöwörö konut i komor ko ’deket nase geleŋ na töili, a do kwekiŋdye se nyaŋu inot nagon ti ’duddyö kwöŋ.

1 Dekat 28:20

A kirut Dawidi kulyani ko Solomona ŋuro lonyit adi, Gwe do a iŋgo ko a purutat, ko kitani kita. An do ko kujönö, an do ko delya; kogwon MATAT ŋun logon a ŋun lio gwon ko do. Nye mo ti koruŋdya mugun kaŋo konut kode kö ’yu do, tojo ko kitajin liŋ nagon ködyö kökona i kadi na MATAT kine a tutuŋgö.

Ejira 1:4

Ko ti pitönö ti ŋutu liŋ ti Yisaraele logon kata i piriton ka ’de ka ’de na gwoŋdi se kunu, ti ŋutu ti ŋinu pirit paraki parakin lepeŋat ko podo, ko dakap, ko toro ’bo, ko kisuk, ko yidin, koko ’dokesi nagon a ti tupalikan na töili a ti kadi na Ŋun na gwon Yerusalema yu.

Ejira 4:3

Ama Jerubabela ko Yesu a se ko kulye kusik ti kotumiton ti merenyejin ti Yisaraele waddi se adi, ’Bayin a kulya kasu i ’dukokiŋdyo na Ŋun likaŋ kadi, ama yi ka ’de lo ’dukokiŋdyö MATAT Ŋun lo Yisaraele kadi, gwoso nagon Korese mor lo Parasa a sarakiŋdye yi nu.

Ejira 5:13

Ama i kiŋa lo kokwe lo Korese mor lo Babela, a lepeŋ iŋge tiŋdu saret anyen ŋina kadi na ŋun nyönyökö ’duko.

Ejira 5:3

A i nu diŋit a Tatena i modir duma lo modoria na gwon i nu pele na kare Perat, ko Setar-bojena i se ko laŋet nase poŋdi ko lepeŋat ni, a pipije se adi, Ŋa lo tiŋdu ta saret anyen ta nyoggu ’duggo ŋina kadi, koi peddya na kaden?

Ejira 6:7

Kölöki ta ŋina kita na kadi na ŋun ka ’de; ti mödir lo Yudayaki ko temejik kase kölökine i nyöggu na ’duggö na ŋina kadi na ŋun kanyit i pirit na ’beron.

Saumajin 132:13

Kogwon MATAT a wulundyö Siona; nye a nyaŋu lepeŋ a ŋirit si ’daet nanyit kulya adi,

Saumajin 83:18

Ti se dendi adi do geleŋ logon karin kunök a MATAT, do logon a Katoŋanit lo kak liŋ!

Yisaya 37:16

Pon MATAT lo kurumi, Ŋun lo Yisaraele, logon sisi ’da i kerubajin loki, do logon a Ŋun lo tuniatyanjin liŋ ti kak, iŋkoi do geleŋ; do a gweja kö ki ko kak.

Yisaya 44:28

Nan nye lo jambu i kulya gi Korese, adi, Nye logon a kayukunit lo ŋutu kwe, a nye mo koŋdi ŋo liŋ nagon nan ’de ’dekan; a nan jambi i kulya ti Yerusalema adi, Ti nye ’duköni ’dukö, ko i kulya ti kadi nio na MATAT adi, Do mo pipilu köti.

Yisaya 45:5

Nan a MATAT, lele gwe ’bayin, a lele ŋun gwe ’bayin, ama tuŋ a nan; nan a doŋgu do ko kamba, ma ’di nagon do a ko den nan,

Yeremia 10:10

Ama MATAT a Ŋun gwak; lepeŋ a Ŋun lo gwon jörun ko a Mor lo yeyeŋon ŋupi. Ko nye a woran a kak böŋdi böŋdu, a jurön tine bulö ŋoŋga ŋoma nanyit.

Daniele 2:47

A mor kulyani ko Daniele adi, ’Diri gwak ŋun ilot a Ŋun lo ŋunyen ko a duma lo moran, ko a kakweyanit lo Iwono, kogwon do a den kweja na Iwono.

Daniele 6:26

Nan a teteŋdya saret adi ti ŋutu ti tumatyan nio ’bukuluŋ ködyö böŋdi böŋdu, ko ti kujönöni Ŋun lo Daniele, kogwon lepeŋ a Ŋun lo gwon jörun, ko yeyeŋon ŋupi; tumatyan nanyit ti bulö tukara asut a tomoran nanyit mo gwe tojo ko ’dutet.

Matayo 28:20

todiniki ta se i debba na ŋo liŋ nagon nan aje sarakin ta kine; mete ta, nan gwon ko ta perok liŋ tojo ko ’dutet na kak.

Konesi 10:36

Ta deden adi lepeŋ a sunyukiŋdyö ŋutu ti Yisaraele kulyaet a tuŋge Loŋe Lo ’but lo taliŋ kogwon Yesu Kristo, logon a Matat lo ŋutu liŋ.

Nyökit 32:31

Kogwon lurutat lo merok kaŋ ti gwon gwoso Lurutat likaŋ, ma ’di lepeŋat ko ’börik kukulya sona.

Yosua 1:9

Ti gwon a nan lo saŋu do le? Gwe do a iŋgo ko a purutat; an do kujönö ko an do ko delya; kogwon nan MATAT Ŋun ilot gwon ko do i piriton liŋ na tiri do kunu.